I Malunda 16:8 - O Mikanda Ikola

⁸ Ximanenu Jihova! Hingilenu o dijina diê, fumanesenu o ibhangelu iê, mundu uoso a ijiie.

I Malunda 16:8 ပူးပေါင်းရင်းမြစ်များ

I Jisobha 8:43

eie-phe ívua ku maúluʼoko, ku ua tunga, anga u bhanga ioso ia ku bhingi o ngenji, sembele madiembu oso mu ngongo ejiie o dijina dié, nda a ku kuatele uoma kala o kifuxi kié kia Izalaiele, anga ejiia kuila o dijina dié ene ku di tumbuila ku inzo iii i nga tungu.

II Jisobha 19:19

O kiki-phe eie u Jihova Nzambi ietu, tu kudile bhu maku mê; nda mautuminu moso Kulu dia mundu a kʼijiie kuila, u Jihova eie ngó u Nzambi ia Kidi.

I Malunda 16:34

Sakidilenu Jihova, kuma muene mukua kubhanga mbote; mbata kulenduka kuê ki kuene kúbhua.

Jisálamu 118:1

Sakidilenu Jihova, kuma muene mukua mbote; mukonda jihenda jê ki jene kúbhua.

Izaía 12:4

Bhu kizuua kieneʼokio, mua kèla: Sakidilenu Jihova, diondenu mu dijina diê, tangenu muʼaxaxi ka mundu ikalakalu ia maku mê, tangenu-kiu muene kuma dijina diê kujinga kuahi!

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Jipoxolo 9:14

O kiki ua mu kuiza kunu ku Damásku mukonda ua tambula kusuina ku jinganga ja makota, kua kukuta oso a bheza mu dijina dié.

I Kolindo 1:2

tua soneka o mukanda iú phala Ngeleja ia Nzambi iala mu Kolindo, kiene-phe, oso kiá a a kôlesa mua Kristu Jezú, a exana phala kukala mundu ua Nzambi. Mukanda iú uosoneke ue phala oso kiá akua kuhingila mu dijina dia Ngana ietu Jezú Kristu mu ididi ioso, Ngana iâ ene, Ngana ietu-etu.