I Malunda 16:4 - O Mikanda Ikola

⁴ O ku pholo ia álaka ia Ngana, ua-te-ku atumini amoxi-mu ku akua Levi; o kiki, phala kuphaphumuka, ni kuximana, ni kutumbujukila Jihova, Nzabi ia Izalaiele.

I Malunda 16:4 ပူးပေါင်းရင်းမြစ်များ

Dimatekenu 17:7

Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

Dimatekenu 32:28

Uixi dingi: Dijina dié ki di kala dingi Jakobo, di kala kia Izalaiele; kuma ua bhânge ni Nzambi, ua bhânge ni athu, ene oso ua a lende.

Dimatekenu 33:20

Anga u tunga-bhu kalatódio, u kʼexana: Nzambi, Nzambi ia Izalaiele.

I Jisobha 8:15

Muene uixi: A tane-ku Jihova, Nzambi ia Izalaiele, ua zuelele ni dikanu diê kua tatʼetu Davidi, kʼi kia tenesena bhu lukuaku luê, uixi;

I Malunda 15:16

Davidi anga uambela o ilamba ia akua Levi, kuila: Atungule phala a-te ku pholo o jiphange jâ, o jingimbidi akua kuimba, ni ima iâ ia kuxika jimujika, ni tukoxi, isàka, ni tumbanza, ni jingaieta, phala a xike mu kuzangumuna o dízui ni kusanguluka.

I Malunda 16:3

Ene oso, mu Izalaiele, anga u a uanena kala muthu mbolo ni thùmba iambote ia xitu, ni ndose ia ji-uva jakukuta, tunde ku mala katé ku ahatu.

I Malunda 16:5

Azafu muene uakexile o mutumini a mu te ku pholo ia enhoso, o kua iú kua kaiela Zakadiia muene kaiadi, o kua muene kueza Jeiele, ni Semilamote, ni Jeiele, ni Matitiia, ni Eliiabe, ni Benaia, ni Obede-Edomo; O Jeiele muene a mu bhele kuxikisa o tukoxi ni jimbànza, o Azafu-phe muene ua kexile mu kuivisa o jingoma.

I Malunda 16:8

Ximanenu Jihova! Hingilenu o dijina diê, fumanesenu o ibhangelu iê, mundu uoso a ijiie.

I Malunda 24:3

O Davidi-phe ni Zadoke, ua tokala ku ana a Eliiazale, ni Abimeleke, ua tokala ku ana a Itamale, anga a uana ana a Alá mu ibuka iâ kala kia tokala mu ufunu uâ ni mu ukunji ua kikalakalu kia Jihova.

I Malunda 25:1

Davidi, kumoxi ni jikabhitangu ja ilômbo ia ita, uatungula o ana a Azafe, phala o ukunji uenhú ni ana a Hemane ni a Jedutunu, phala kuzambuila mu upolofeta ua kuxika jimbânza, ni tukoxi, ni ísanji, ni tungoma. O mala enhá adilongo kiambote phala o kikalakalu kia ukunji uâ, o dialuilu diâ dienhidi:

I Malunda 6:31

Enhá ene a a-te kuala Davidi, ta ufunu ua kuimbila mʼonzo ia Ngana, kioso o álaka ki ia sange kiá o kididi kia dinhohenu.

II Malunda 5:13

Ene há a tongesa muene mu kuxikila jikoloneta kumoxi, ni mu kuimba ue, embila mbimbi imoxi ngó i uivua, mu ku tumbula o mbote ni kuximana Jihova; o kioso ene kia zangula o mbimbi kumoxi ni jikoloneta ni jingoma ja ngòndo ni ima dingi ia mukuá ia kuxika o mimbu, ni kutumbula Jihova kuma mukua Mbote, mukonda o kulenduka kuê ki kuene kúbhua, inzu ioso muene iezala ni dituta, o inzu ia Jihova.

Ejidala 3:10

Kioso akua kutunga kia te madisesa ma Tembulu ia Jihova, jinganga eza kiá a zuata, eza ue ni jikoloneta; o jilevita, anʼa Asafo eza ni jimbânza phala kuximana Jihova, kala kia xindi Davidi, sobha ia Izalaiele.

Nehemiia 12:24

A kexi-phe atumini mu akua Leví enhá: Hasabiia, Selabiia, ni Jesuua, monʼa Kadimiiele; anga o jiphange jâ a kala ku pholo iâ mu kuimba o diximanu ni kusakidila, kala kia tumine Davidi, o muthu ua Nzambi; anga a kala mu kudibhinganesa ni kuditambuijila mu kuimba.

Jisálamu 103:2

Tanesa, Jihova, muẋima uami, mbote jê joso ki ji ku jimbe.

Jisálamu 105:5

Xinganekenu o madiuanu mê ma bhanga jinga; ni isuma iê, ni kuzuela kuê mu batula o milonga,

Jisálamu 106:48

A tane-ku, Jihova, Nzambi ia Izalaiele, tunde dia tunde katé kua kʼàia; mundu uoso etaie, Amene! Haleluia.

Jisálamu 37:1

Ku kale mu jiphata mukonda dia iá a bhanga kiaiibha; kuile uixi a lunguʼá akua kubhanga phulu,

Jisálamu 70:1

Nga ku bhingi, Ngana Nzambi, izá lusolo mu ku ngi kudila; endelà-ku, u Jihova, mu ku ngi kuatekesa.

Jisálamu 72:18

Jihova Nzambi a tane-ku! muene Nzambi ia Izalaiele; muene ngó ubheka uê uene mu bhanga o madiuanu!