I Malunda 15:3 - O Mikanda Ikola

³ Davidi anga u bhongoluela o Izalaiele ioso mu Jeluzaleme, phala kuambata o álaka ia Ngana, nʼa bande na-iu bhu kididi kiê, bhua i iudikila.

I Malunda 15:3 ပူးပေါင်းရင်းမြစ်များ

II Samuuele 6:12

Anga a ki kunda muenexi Davidi, exi: Jihova-ze ua zediuisa dibhata dia Obede-Edomo, ni ioso ia mu tokala, mukonda dia álaka ia Nzambi. Davidi anga uia hé u takana álaka ia Nzambi mʼonzo ia Obede-Edomo, u i bheka mu mbânza ia Davidi ni kusanguluka.

II Samuuele 6:17

Álaka ia Jihova anga a i bhiẋidisa, a i tula bhu kididi kiê mu kaẋi ka balaka ia iudika Davidi phala ku i bhakela-mu; Davidi anga u bhakula jisata ja kuoha, ni jisata ja kubhandulula kua Jihova.

I Jisobha 8:1

Bhenhobho Solomá u tuma kubhongolola adiakimi a Izalaiele, ni Mítue ioso ia miji, o ilamba ia jitata, muʼaxaxi ka anʼa Izalaiele, a bhongolokela bhu pholo iê mu Jeluzaleme, nda a bandese mu tembulu o álaka ia kikutu kia Ngana, ia kexile mu sanzala ia Davidi, iexana Ziione.

I Malunda 13:2

Davidi anga uambela ene oso abhongoloka, akua Izalaiele, uixi: Se ki mi uabhela, anga ki tunda ue kua Jihova Nzambi ietu, tu tumiʼenu lusolo jiphunga jiie ku jiphange jetu joso ja mukuá, mu jixi joso ja Izalaiele, ni ku jinganga, ni ku akua Levi, atungu kumoxi ni ene, mu mabhata, ni mu jimbandu joso, phala a dibhongolole kumoxi ni etu.

I Malunda 13:5

Davidi-phe, hé ubhongolola Izalaiele ioso, tundé ku Sihole ia Ijitu katé mu kubhiẋila ku Hamate, phala kuia mu kutakana o álaka ia Nzambi ku Kidiate-Jadimi.

I Malunda 15:1

Davidi ua tungu ue jinzo phala muene, mu mbanza ia Davidi; iu ua iudika kididi phala o álaka ia Nzambi, iu ua i tungila balaka.

I Malunda 15:12

Hé u a ambela, uixi: Enu, enuʼenu mu ilamba muala kupholo ia jitata muʼaxaxe ka jilevita: Dizelesienu-phe, enu ni jiphange jenu, phala mu bandese o álaka ia Jihova, Nzambi ia Izalaiele, ku kididi ki nga i iudikila.

I Malunda 16:1

O álaka ia Nzambi kioso ki iabhiẋila-phe, a itula mu kaẋi ka balaka ia tungile Davidi; anga a satela jisata ja kuoha ni ja uembu bhu pholo ia Nzambi.

II Malunda 1:2

Solomá anga u zuelela Izalaiele ioso, ni jikabhitangu ja jimidi ni ja jihama, ni afundixi, ni makota oso a jingana mu Izalaiele ioso, ni adiakime a mabhata, o jitata.

II Malunda 1:4

Maji-phe Davidi ua katuile o Alaka ia Nzambi bhu Kidiate-jadimi hé u i bandesa bhu kididi kia i iudikila, kuma ua i tungidile balaka mu Jeluzaleme.

II Malunda 5:2

Bheneʼobho Solomá anga u bhongolola adiakime oso a Izalaiele mu Jeluzaleme, ni malemba oso a miji, ni makota mu jitata ja anʼa Izalaiele, phala kubandesa o álaka ia kikutu kia Jihova, ku tunda mu mbonge ia Davidi, muene Ziione, ni ku i bheka mu thembulu.

Makatukilu 40:20

Anga u katula umbangi, u u ta mu álaka, u ta o mikambu ia álaka,

Ijila 9:5

Bhenhobho anga a bheka kioso kia tumu Mozé bhu muelu ua balaka ia kutakanena; anga kilômbo kioso ki zukama, hé emana bhu pholo ia Jihova.