I Malunda 14:2 - O Mikanda Ikola

² Davidi anga ki mu tetulukila, kuila o Ngana Nzambi muene ua mu lumbu mu kukala sobha ku Izalaiele; kuma o utuminu uê ua dikudisa kiengi mukonda dia henda ia Nzambi ku mundu uê ua Izalaiele.

I Malunda 14:2 ပူးပေါင်းရင်းမြစ်များ

II Samuuele 7:16

Dibhata dié-phe ni utuminu ué uà kola ku pholo ku uia, kiandu kié kià xala sé dizubhilu.

II Samuuele 7:8

Ki tualʼiki-phe, kà tangele selevende iami Davidi, uixi: Eme Jihova dia Ifuẋi, uambe kiki: Nga ku katula mu kuinga ibhaku mu iangu, mu kombola jimbudi, phala u kale ku pholo mu tambula konda ia mundu uami ua Izalaiele.

I Jisobha 10:9

Jihova, Nzambi ié, ataneku! Ió ua ku uabhela eie, iu ua ku solo phala ku ku tula ku kiandu kia Izalaiele; mukonda Ngana ua zola Izalaiele ni ku hádia ni hádia, kiene kia mubhangesa ku ku bhanga sobha, nda u bhange kia mu uabhela muene ni kubatula milonga ni kuiuka.

I Malunda 14:1

Hilamu-phe, sobha ia Tilu, u tumikisa o jiphunga jê kua Davidi, ni mabaia a misédulu, ni atungi a jonzo ja jindobhi, ni akua kusonga mabaia, phala ku mu tungila inzo.

I Malunda 14:3

Davidi hé usakana ue ahatu avuluʼ mu Jeluzaleme, anga uvuala uê ana mala avulu ni ana a ahatu.

I Malunda 17:17

Kienhiki, eie u Nzambi, kífua hanji kia ku tolela ku mesu mé, kia ku bhangesa kuzuela ue ku inzo ia selevende ié phala ithangana ia lebha ku pholo; eie ua ngi tela-ku dingi o ku ngi zangeleka kiki kala kia tokala athu a makota mungongo, Ngana Nzambi, tata!

II Malunda 2:10

Tala-phe, o ngunza jé akua kukoka, a koka o miẋi, nga-nda ku a bhana makuinhi aiadi a midi ia isudi ia tidiku iòsuange, ni makuinhi aiadi a midi ia isudi ia sevada, ni makuinhi aiadi a midi ia itabhu ia vinhu ni makuinhi aiadi a midi ia itabhu ia maji.

II Malunda 2:11

O Hilamu, sobha ia Tilu, mu kuvutula u soneka anga uambela Solomá, uexi: Mukonda Jihova ua zola o mundu uê, ua a tela-ku eie ku usobha.

Estere 4:14

Kuma eie ki uila u di xibhé, thembu ienhiʼii, hinu bhu kala kuma kuengi ku tunda kubhanduluka kua jijudé, ni muthu uengi u a kudila, eie-phe ni dibhata dia tatʼenu mu buila. Nanhi ua kʼijiia se kiene kia ku tela ku ungana, phala u kudile mundu bhu thembu kala iii?

Daniiele 2:30

Eme-phe, o ku ngi tukuluila o kijinganu kala kiki, ni ki ngi tetulukila, ka ki bhangela kuila eme nga beta o kuijiia athu oso mu ngongo ndenge, maji ua ki bhangela mu ku ku ijidisa o dilomboluelu, eie u sobha, phala ku ku tetuluila o ixinganeku ia muẋima ué ni i ku jimbuilukile kiambote.

Dialuilu 24:7

Itabhu iê i subhajaka menha, mbutu iê a i kuua ku menha mavulu, sobha iê u tunda Akake mu kijingu, utuminu uê u zangalala.

Matendelelu 28:1

Eie-phe se uaẋikina kuívua ni muanu uoso o dízui dia Jihova Nzambi ié, anga o jingonge jê joso ji ngala ku ku tendelela lelu, u ji ta muxima, anga u ji kumbidila muene, Jihova Nzambi ié ua-nda ku ku zangeleka, anga ifuẋi ioso mu ngongo i kala ndenge.