I Malunda 14:1 - O Mikanda Ikola

¹ Hilamu-phe, sobha ia Tilu, u tumikisa o jiphunga jê kua Davidi, ni mabaia a misédulu, ni atungi a jonzo ja jindobhi, ni akua kusonga mabaia, phala ku mu tungila inzo.

I Malunda 14:1 ပူးပေါင်းရင်းမြစ်များ

II Samuuele 7:2

Muenexi u ambela polofeta Natane, uixi: Talesa, eme nga tungu mʼonzo ia musédulu, o álaka ia Nzambi phe hanji ia tungu mu jilona ja balaka.

I Jisobha 5:1

Hilamu, sobha ia Tilu, anga uívua kuila Solomá a mu hingisa ungana bhu kididi kia tatʼâ, anga u mu tumikisa jiphunga mukonda muene ua kexile jinge dikamba dia Davidi.

I Jisobha 5:15

Solomá uakexile hanji ni makuinhi sambuadi a midi ia jíngamba ja kuambata o imbamba, ni makuinhi nake a midi ia muthu akexile mu kubula o matadi ku milundu.

I Jisobha 5:18

O jimesene ja kutunga, ja kexile na-ju Solomá ni Hilamu, kumoxi ni akua Ngibile, hé akuata kuiudika kiambote o matadi enhá ni miẋi ia kutunga na-iu o Tembulu.

I Jisobha 5:6

Eie-phe ambela akua mbèle ié, a ngi kokele o miẋi ia misédulu iala mu muxitu ua Libano. O akua mbèle iami a kà kala kumoxi ni akua mbèle ié, o ioso-phe eme i u ngi xinda kubhana phala futu ia ku futa akua mbele ié, iene i ngi ku bhana; mukonda eie uejiia kiambote kuila o muʼaxaxi ketu kanamu athu ejiia kubatula, kiambote o miẋi, kala akua Sidónho.

I Malunda 14:2

Davidi anga ki mu tetulukila, kuila o Ngana Nzambi muene ua mu lumbu mu kukala sobha ku Izalaiele; kuma o utuminu uê ua dikudisa kiengi mukonda dia henda ia Nzambi ku mundu uê ua Izalaiele.

I Malunda 17:1

Kia bhiti-phe kuila, Davidi mu ku kala kiá mu bhata diê, uambela polofeta Natane, uixi: Tala-ze eme ngala mʼonzo ia misédulu, maji o álaka ia kikutu kia Jihova ialé-ngó moxi dia milele iònhenge.

I Malunda 22:2

Davidi anga uxika ngonge, kuila akua jixi jengi akexile mu ixi ia Izalaiele, a a bhongolole, anga u tuma akua kubatula o matadi, phala a iudike matadi ma kuseta mbé o kutunga o inzo ia Jihova.

II Malunda 2:2

Anga Solomá ualula makuinhi sambuadi a midi ia muthu a tokala kuambata imbamba, ni makuinhi nake a midi ia muthu a fuama kubula matadi mu milundu, hé u ta-ku midi jitatu ni hama jisamanu ja iá endesa kiambote o kikalakalu.

II Malunda 2:3

Solomá hé u tumikisa njimbu kua Hilamu, sobha ia Tilu, kuila: Kala ki ua bhange kua tatʼetu Davidi, eie ua mu tumikisa jinga miẋi ia sédulu phala kutunga inzu mua kukala, kiene ue ki u ngi bhanga eme.

Ejidala 3:7

Hé a bhana-phe ue kitadi ku akua kubatula ni akua ufunu ua kusonga mabaia kumoxi ue, ni kúdia ni kúnua ni maji ku akua Sidone ni akua Tilu phala kututa ku Libano miẋi ia misédulu, kuijiia na-iu mu kalunga ku Jopa, mukonda kiene kia di kundu ni Silu, sobha ia Pélesa iu ua ehelela ku ki bhanga.