I Malunda 13:6 - O Mikanda Ikola

⁶ Bhenhobho, o Davidi-phe, anga ubanda ni Izalaiele ioso ku Bahalá, mu kutunda bhobho-phe aia katé ku Kidiate-Jadimi, mu ixi ia Juda, phala kuenhoko kubandesa o álaka iangene ia Nzambi, Jihova ua tunga muʼaxaxe ka jikelubini, uabhingi o ku thandu dia álaka iê kuene kua diondela o dijina diê.

I Malunda 13:6 ပူးပေါင်းရင်းမြစ်များ

I Jisobha 8:16

Tunde kizuua ki nga katula o kifuxi kiami kia Izalaiele mu Ijito, ki nga solo sanzala iengi mu miji ioso ia Izalaiele, ni ngi tunge-mu inzo mu ngi tumbika o dijina diami; maji nga solo-phe Davidi, nda a tumine o kifuxi kiami kia Izalaiele.

II Jisobha 19:15

Ezekiia bhenhobho anga u samba bhu pholo ia Jihova, uixi: Ó Jihova, Nzambi ia Izalaiele, tata! Eie ua tunga mu kaẋi ka jixelube; eie muene ngó ubhekʼèlele ué! Kuma Eie ngó u Nzambi ia miji ioso Kulu dia Mundu; eie uà bhanga o diulu ni ixi!

Jisálamu 80:1

Tu ivue, eie u Mubidi ua Izalaiele, eie u mukua kuendesa Zuze kala kilunga kia ibhaku; eie ua xikama ku thandu dia jixelubini, muika!

Jisálamu 99:1

Jihova ua hingi ungana uê; akua jixi a tekete; Muene ua xikama bhu kaẋi ka jixelubini; ixi i tungute.

Makatukilu 20:24

U ngi tungila kalatódio ka mavu, anga u ngi satela ku thandu diê; o sata jê ja kuoha, ni sata ja paze, ni ja jimbudi jé, ni ja jingombe. Bhuoso bhu kididi bhu ngi bhangesa dijina diami kufumanena-bhu, ngi ku sanga bhenhobho, anga ngi ku bhana kuzediua.

Makatukilu 23:21

Di tumienu-nê kiambote, mu ivue dízui diê; kana ku mu xibhaka, kuma kà ẋikina ku mi loloka o kubhukumuka kuenu; mukonda o dijina diami diala mua muene.

Makatukilu 25:22

Bhenhobho bhene bhu tu takanena jinga, ki ngiza kokué; bhu thandu dia kibhuna kia kiadi, bhene bhu nga kà zenzamena mu ku ku zuelesela mu kaẋi ka jixelube jala ku thandu dia álaka ia umbangi, o ima ioso i ngi ku tuma kuambela anʼa Izalaiele.

Izaía 37:16

Jihova dia Ilômbo Ieta, u Nzambi ia Izalaiele, ua tunga muʼaxaxi ka jixelubí, eie-muène ngó u Nzambi, Eiemuène ngó ubheka ué, uavu mautuminu moso mu ngongo; eie ua bhanga o diulu nʼoxi.

Dialuilu 6:27

Kienhiki kiene ki mu ta jinga dijina diami ku thandu dia anʼa Izalaiele; eme ni ngʼa zediuise.

Dialuilu 7:89

Mozé kioso kia bokona jinga mu balaka ia kutakanena mu kuzuela ni Jihova, uívua dízui di mu zuelesa, di tunda ku kibhuna kia kiadi kiala ku thandu dia álaka ia umbangi, bhu kaẋi ka xelube jiiadi; kienhiki kiene kia mu zuelesa jinga.

Josuué 15:60

Kidiate-baale (a mu edi Kidiate-jadimi), ni Laba; sanzala jiiadi ni tumadiembu tuâ.

Josuué 15:9

Anga o mbambe iii, ki i takuka bhulu dia mulundu, iia ditônono katé bhu kixima kia menha ma Nefetoua; anga itundidila katé ku jisanzala jala mu mulundu ua Efelone, i sombokela hé iia mu Baala; Baala-phe muene Kidiate-Jadimi.

Josuué 9:17

Mbata anʼa Izalaiele endele dikanga dia izuua iiadi, o kia katatu-phe a bhixila mu jisanzala ja ene; jisanzala jâ-phe, Ngidiione, ni Kefila, ni Behelote ni Kidiate-Jadimi.

I Samuuele 4:4

Kienhiki mundu a tuma athu ku Silo, anga a takana kuenhoko o álaka ia kikutu kia Jihova dia ifuẋi, uene kuxikama muʼaxaxi ka jixelube; anʼ aiadiphe a Eli, Hofini ni Finehase, anga ejiia kumoxi ni álaka ia kikutu kia Nzambi

I Samuuele 6:21

Anga a tuma jiphunga ku akua Kidiate-jadime a ambela, exi: Akua Fidíxia-ze a bheka dingi álaka ia Jihova; kulumukenu kunu, mu i takane, iie bhu bhata dienu.