I Malunda 13:3 - O Mikanda Ikola

³ Ni tubheke kunu ku tuala, o álaka ia Nzambi ietu; mukonda kiluua tu i takana tunde mu izuua ia Saúlu.

I Malunda 13:3 ပူးပေါင်းရင်းမြစ်များ

I Malunda 13:2

Davidi anga uambela ene oso abhongoloka, akua Izalaiele, uixi: Se ki mi uabhela, anga ki tunda ue kua Jihova Nzambi ietu, tu tumiʼenu lusolo jiphunga jiie ku jiphange jetu joso ja mukuá, mu jixi joso ja Izalaiele, ni ku jinganga, ni ku akua Levi, atungu kumoxi ni ene, mu mabhata, ni mu jimbandu joso, phala a dibhongolole kumoxi ni etu.

I Malunda 13:4

Ene oso abhongoloka-phe exi, kienhiki kiene muene ki tu bhanga; mukonda o phangu iii a i mono ia iuka ku mesu ma mundu uoso.

I Malunda 15:13

Kuma o luadianga ku dimatekenu, kiosuʼiki-phe, enu ki mua kexe-bhu phala ku ki bhanga, Jihova Nzambi ietu, ua tu kuama, mukonda ki tua i takana kala kia tokala mu kitendelelu kiê.

Jisálamu 132:6

Álaka tua ivu exi, iala bhu Efalata, tua i bongela mu mukáu ua ditutu dia Jahale.

I Samuuele 14:18

Saúlu anga u ambela Ahija, uixi: Bheka kunu o álaka í ia Nzambi. Kuma thembu ioio álaka ia Nzambi iala bhuʼamoxi ni anʼa Izalaiele.

I Samuuele 14:36

Saúlo anga u a ambela o mundu, uixi: Tu kulumukienu mu kaiela akua Fidíxia ni usuku, tu a bhûnde katé kuáki, ki tu xie-ku muthu. Exi: Eʼmuene kiá uala-mu; bhanga kioso kia ku uabhela. Kuala nganga-phe: Tu zukame hanji bhabha kua Nzambi.

I Samuuele 22:10

Muene anga u mu zambuila kua Jihova, u mu bhana huta, u mu bhana ue o xibhata ia Ngoliia mukua Fidíxia.

I Samuuele 22:15

Kifua lelu-ki nga mateka o ku mu zambuila kua Nzambi? Kiene kisunji ki nga diuana! Muadi, ku ngi fike ni kima kiaiibha ngi mubhikʼé, mba ufikila o dibhata dioso dia tatʼetu. Kuma ima ioso iii, eme ngi mubhikʼê, ki nga ijiia, né ngó kima kiofele mba kia dikota.

I Samuuele 23:2

Davidi anga u ibhula kua Jihova, uixi: O kuila ngiia kubeta akua Fidíxia enhá? Jihova anga u vutuila Davidi, uixi: Ndeie, u bete akua Fidíxia, u kudile Keila.