I Malunda 13:14 - O Mikanda Ikola

¹⁴ Mu kienhiki o álaka ia Nzambi i bhanga mbeji jitatu mu inzo ia Obede-Edomo ni akua dibhata diê; Jihova anga uta o dibesá diê ku dibhata dia Obede-Edomo, ni ima iê ioso iakexile na-iu.

I Malunda 13:14 ပူးပေါင်းရင်းမြစ်များ

Dimatekenu 30:27

Labano-phe, uixi: Se nga sange ngalasa ku mesuʼé, tu kadietu hanji; mukonda nga mono kuila Jihova ua ngi bhana kuzediua mukonda dié eie.

Dimatekenu 39:5

Anga ki bhita kuma, tunde mu thembu ia mu bhana kutambula konda ia dibhata diê, ima ioso iú ua mu bhakuila-iu muene, Jihova u kala mu zediuisa o dibhata dia mukua Ijitu, mukonda dia Zuze; dibesá dia Jihova anga di kala ku thandu dia ima ioso iala-naiu, ni ku bhata ni ku mukáu.

II Samuuele 6:10

Kienhiki Davidi hé u kamba kubhiẋila ni álaka ia Jihova bhu bhata diê mu mbanza ia Davidi; maji Davidi u abhuka na-iu, anga u i bheka mʼonzo ia Obede-Edomo, mukua Ngate.

I Malunda 16:38

Katé a mu tela-ku dingi ni Obede-Edomo, ni makuinhi a samanu ni nake a jiphange jê kumoxi, phala enhá ni Obede-Edomo muenhú, mona a Jedutunu, ni Hosa, akale ene a a xindi kukala alangidi a mielu bhu mabhitu.

Jisabhu 10:22

Dibesá dia Ngana diene di muesa jimbongo; o umvuama u tunda kua muene ki u bheka dilamba.