I Malunda 11:9 - O Mikanda Ikola

⁹ Davidi-phe anga uenda dingi ni kukula kiavulu mu nguzu ni kutena, kuma o Jihova dia Ilômbo uakexile-nê.

I Malunda 11:9 ပူးပေါင်းရင်းမြစ်များ

II Samuuele 3:1

Anga ku kala muene ita ia thembu iavulu, bhu kaẋi ka dibhata dia Saúlo ni dibhata dia Davidi; o nguzu ia Davidi anga iia ni ku di bandekeza, maji o ia dibhata dia Saúlo-phe iia ni kutebhunuka.

II Samuuele 5:10

Ukota ua Davidi anga uia ni ku di bandekeza ni kukula; kuma o Jihova, Nzambi ia ifuẋi, uala-nê.

I Malunda 11:8

Anga o mbonge u i tungila o mbanza mu jimbandu, tunde ku Milu ni ku i kondoloka katé ni mu jimbandu joso; Jouabe anga u tungulula ue o mbandu ia dibhata iaxala-ku.

I Malunda 9:20

O Finéia, mona a Eleiazale ku dima kua tundu, muene uakexile hanji o musonguedi muʼaxaxe kâ, Ngana anga ukala-nê.

Estere 9:4

Mukonda Moledekai ua tambula ukota mʼonzo ia muenexi; fuma iê ia sambuka mu jisengu joso; kijingo kiê anga kiia ni ku di bandekeza kizuua ni kizuua.

Jobe 17:9

Hanji-phe, o ua iuka ua kʼènda o njila iê ni kúbhua uoma, o ua zele maku uia ni ku di bandekeza jinga mu nguzu.

Jisálamu 46:11

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 46:7

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 41:14

Ku kale-phe ni uoma, eie u kabamba ka Jakobo, eie u kakifuẋi ka Izalaiele; eme Jihova, ngi ku banda, kuma Mukudi ué, muene Suke-ku, Dilemba dia Izalaiele.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?