I Malunda 11:5 - O Mikanda Ikola

⁵ O mala atungu mu Jebuze hé ambela Davidi, exi: Eie kutena kubokona mumu. Maji o Davidi-phe utolola o mbonge ia Ziione, iene o mbanza ia Davidi.

I Malunda 11:5 ပူးပေါင်းရင်းမြစ်များ

II Samuuele 5:9

Davidi anga u tunga kiá mu mbonge ienhiʼii, hé u i luka uixi: Mbânza ia Davidi. Davidi anga u bhitisa-bhu lumbu tunde bhu Milo hé uia ni kutunga katé moxi.

II Samuuele 6:10

Kienhiki Davidi hé u kamba kubhiẋila ni álaka ia Jihova bhu bhata diê mu mbanza ia Davidi; maji Davidi u abhuka na-iu, anga u i bheka mʼonzo ia Obede-Edomo, mukua Ngate.

II Samuuele 6:12

Anga a ki kunda muenexi Davidi, exi: Jihova-ze ua zediuisa dibhata dia Obede-Edomo, ni ioso ia mu tokala, mukonda dia álaka ia Nzambi. Davidi anga uia hé u takana álaka ia Nzambi mʼonzo ia Obede-Edomo, u i bheka mu mbânza ia Davidi ni kusanguluka.

I Jisobha 8:1

Bhenhobho Solomá u tuma kubhongolola adiakimi a Izalaiele, ni Mítue ioso ia miji, o ilamba ia jitata, muʼaxaxi ka anʼa Izalaiele, a bhongolokela bhu pholo iê mu Jeluzaleme, nda a bandese mu tembulu o álaka ia kikutu kia Ngana, ia kexile mu sanzala ia Davidi, iexana Ziione.

I Malunda 11:4

Davidi anga u katuka, ni Izalaiele ioso, iala ku mu kaiela, mu kuia ku Jeluzaleme a muʼidi ue Jebuze mukonda kuenhoko kua kexile o jijebuzé kuma ene akuʼaxi a tungile mu ixi ienhoio.

I Malunda 11:6

Kuma o Davidi uambele, kiki: Uoso-uoso udianga kutolola jijebuzé muene ua kà kala o dikota ukala mutumini. O Jouabhe-phe, mona a Zeluia, hé udianga kubanda ku dibhatʼodio, kiene kia bhangesa ku mu-ta ku ukota ua kutumina.

I Malunda 11:7

Davidi anga u tunga mu mbonge ienhoio; kiene kia i examena exi mbonge mba sanzala ia Davidi.

II Malunda 5:2

Bheneʼobho Solomá anga u bhongolola adiakime oso a Izalaiele mu Jeluzaleme, ni malemba oso a miji, ni makota mu jitata ja anʼa Izalaiele, phala kubandesa o álaka ia kikutu kia Jihova, ku tunda mu mbonge ia Davidi, muene Ziione, ni ku i bheka mu thembulu.

Jisálamu 122:5

Kuma mu Jeluzaleme muene mua xikika o jimbenza ja kubatuila milonga mu kidi, jimbenza ja ungana ua dibhata dia Davidi.

Jisálamu 132:13

Mukonda Jihova ua solo Ziione; kiene kididi kiê kia kutunga kia mukala ku muẋima.

Jisálamu 2:6

Eme-phe, sobha iami nga muʼundu bhu kididi, ku mulundu uami ukôla ua Ziione.

Jisálamu 48:2

O mulundu ua Ziione, kididi kia uabha, bhua di leka kiambote, ngalasa ia ixi ioso! o mulundu ua kexila ku maẋokololo ku mutundila-kumbi, mbanza iangene ia Sobha ia dikota.

Jisálamu 78:68

U sola kiá o muiji ua Juda, ni mulundu ua Ziione ua zolo kiavulu.

Jisálamu 87:2

Jihova ua solo o mielu ia Ziione, mabhata moso ma Jakobo ma mu kala ndenge.

Jisálamu 87:5

Ziione-phe kivuadi, ene oso muene kuene ku umama uâ kua a vuala; Suke-ku muene ua mu kuatesa bhu kididi.

Jisálamu 9:11

Imbenu diximanu dia Jihova, ua tunga mu mbanza iê ia Ziione; o ikalakalu iê iene kubhanga, tangenu-iu mu akua jixi.

Loma 9:33

kala kia ki soneka mu Mikanda Ikôla: Talesenu, nga tula mu Ziione ditadi dia kidibhukanu, ndanji ia iẋanju ku a di bhela ibhalu. Maji uoso-phe u mu xikana Muène, ka kà kuata jisonhi.

Jihebeleu 12:22

Enu-phe mueza ku Mulundu ua Ziione, ku dibhata dia Nzambi ua kola o muenhu, ku Jeluzaleme ia diulu, ni jimidi jê ja ji-anju.

Dijingunuinu 14:1

Kienhókio anga ngi talesa, ngi mona Kambudi uemana ku Mulundu ua Ziione. Anga kukala athu kumoxi ni Muène, hâma ia midi ni makuinhi auana ni midi jiuana, ala ni dijina diê ni dijina dia Tata iê, òsoneke bhu mabhômo mâ.

Afundixi 19:10

Diiala-phe nguê dingi kuzekela-bhu usuku uenhó, anga u zangula, u katuka, u bhixila bhua lulama mu Jebuzi (muene Jeluzaleme); uala kuenda ni bulu jê jiiadi, a ji zuika makombola, ni mukamʼê uala kuila-nê kumoxi.

I Samuuele 17:26

Davidi anga u zuela ni mala a mu imanena, uixi: A mu bhanga kiebhi, uoso u jibha mukua Fidíxia iú, anga u katula o dilebhu dioso dia te muene kua Izalaiele? Kiiala kienhiki kia mukuadibôlo ku Fidíxia, mukua-hi muene, phala a tene kulebhula kiki o kilômbo kia Nzambi ia muenhu?

I Samuuele 17:36

Eme ngi mubhikʼé, kienhiki ki nga jibha o hoji ni úlusu; kiiala kiki-phe kia mukua-dibôlo ku Fidíxia, kiene ue ki ngi mu bhanga; mukonda muene ua lebhula kilômbo kia Nzambi ia muenhu,