I Malunda 11:4 - O Mikanda Ikola

⁴ Davidi anga u katuka, ni Izalaiele ioso, iala ku mu kaiela, mu kuia ku Jeluzaleme a muʼidi ue Jebuze mukonda kuenhoko kua kexile o jijebuzé kuma ene akuʼaxi a tungile mu ixi ienhoio.

I Malunda 11:4 ပူးပေါင်းရင်းမြစ်များ

Dimatekenu 10:16

Ni Majebuze, ni Mamodi ni Jijidingaze;

Dimatekenu 15:21

ni Mamodi, ni Makanana, ni Jijidingaze, xi, ni Majebuzé.

I Malunda 11:5

O mala atungu mu Jebuze hé ambela Davidi, exi: Eie kutena kubokona mumu. Maji o Davidi-phe utolola o mbonge ia Ziione, iene o mbanza ia Davidi.

Makatukilu 3:17

Kala kiki, nga ki ambe muene kuma ngi mi tundisa mu jiphaxi ni jingongo ja Ijitu, ngi mi bandesa katé mʼoxi ia Makanana, ni Mahiti, ni Mamodi, ni Mapelezi, ni Mahivi, ni Majebusi, ixi i kunguluka lete ni uiki.

Josuué 15:63

Maji anʼa Juda ka tenene kumuanga Majebuzi a tungile mu Jeluzaleme; Majebuzi katé muene kizuua kia lelu axalela momo kumoxi ni anʼa Juda, mu Jeluzaleme.

Josuué 15:8

Mbambe iii, iie muene ni kubanda mu dikôlo dia monʼa Hinome, katé ki i bhixila kua kexila o Majebuzi a ku sulu; Iú Muene kiá Jeluzaleme. Anga i bandela bhu sungu ia mulundu uala mu kusomboka o dikôlo dia Hinome ku mbandu ia luiji bhua suku o dikôlo dia Malefaimi ku kisambu kia thunda.

Josuué 18:28

ni Zela, ni Elefe, ni Jebusi (muene Jeluzaleme), ni Ngibeia, ni Kidiate; kuinhi dia sanzala ni jiuana ni tumadiembu tuâ; iú uene o ubhinganu ua anʼa Bejamí, ku majiku-majiku.

Afundixi 1:21

Anʼa Bejamí-phe anga a lémbua kukaia o Majebuzi mu Jeluzaleme; Majebuzi-phe ió, a kala mu tungila kumoxi ni anʼa Bajamí mu Jeluzaleme katé mu kizuua kia lelu.