I Malunda 11:2 - O Mikanda Ikola

² Kioso uê, Saúlu kiala hanji ku usobha, eie muene uakexile mu ku tuamenena Izalaiele mu kutunda ni mu kubokona; o Jihova, Nzambi iê ue, ua kuambelele, uixi: Eie ua kà kala u kabhila ka mundu uami ua Izalaiele, eie-muène ua kà kala u kilolo kia kutuamenena o mundu uami ua Izalaiele.

I Malunda 11:2 ပူးပေါင်းရင်းမြစ်များ

II Samuuele 5:2

Mu thembu iabhiti, kia kexi hanji Saúlo ku ungana, eie muene ua kexe mu tuamenena Izalaiele mu kutunda ni mu kubokona; Jihova ue ua ku ambelele, kuma: Eie uà kala u mubidi ua mundu uami Izalaiele, eie uà kala u mutuameneni ua Izalaiele.

II Samuuele 7:7

Mu ididi ioso mu nga nhungana ni anʼa Izalaiele, ua ngiʼvua ni ku ki zuela ku miji ia Izalaiele ioso i nga tuma jinga kuinga mundu uami ua Izalaiele, kuila: Mua kambela-hi ku ngi tungila inzo ia misédulo?

I Jisobha 14:7

Ndé, ua kà tangele Jelobouamu, kuila: O Jihova, Nzambi ia Izalaiele, uambe kiki: Eme nga ku zangula muʼaxaxi ka kifuxi, Eme nga ku te mu kutumina o kifuxi kiami kia Izalaiele.

I Jisobha 3:9

O ki ngalʼiki, Ngana, ngi bhane, ngi mubhikʼé, muẋima ua kutongoloka mu kufúndisa o mundu ué, phala ni unjimu uoso, ngi tene kutungula kia kidi ni kia makutu; kuma nanhi ua kambe unjimu, u ki tena, kia kufudisa o mundu ué uavulu kiki?

Jisálamu 78:71

Ua mu katula mu kuendesa jimama ja jimbudi ni tuana tuâ, phala kukala mubidi ua Jakobo, o mundu uê uangene, ni Izalaiele dia undundu uê.

Izaía 40:11

O kilunga kiê, ua kà ki disa kala mubidi; O tumbudi ua kà tu ongeka bhu maku, hé u tu akata bhu jihata jê; o joso javuala, muene u ji endesa kilendu.

Izaía 55:4

Talesa, eme nga mu bhana a kale mbangi ku athuʼoso, a kale kilolo, a kale nguvulu ia mundu.

Jelemiia 3:15

Anga ngi mi bhana alangi kala kiendi o muẋima uami, a mʼinga ni kuijiia ni unjimu.

Mikeia 5:2

Eie Beleme dia Efrata, sumbala uala u kambonga muʼaxaxi ka jimidi ja Juda, maji mo-mué muene mua kà tunda u ngi kalela Ngana mu Izalaiele, uavu o matundilu mê ma kalelà-ku tunde mu xahulu, mu izuua ia kalelàku.

Mikeia 5:4

Muene anga ua kà nangenena, ifuẋi anga ua kà inga mu nguzu ia Jihova ni mu ungana ua dijina dia Jihova Nzambi iê! Ene uâ a kà kala bhua kondama, mukonda kindala muene ue a kà mu zangeleka katé ku aẋokololo kua suku oxi.

Dialuilu 27:17

a a kale ku pholo mu kutunda ni mu kubokona, a a songuele mu njila, a a bhiẋidise kididi, mbebhu kilômbo kiangene kia Jihova ki ki kale kala jimbudi ja kambe mubidi.

Matesu 2:6

Eie Beleme, mʼoxi ia Juda, kualʼé ngó u ndenge mu makota a Juda; mbata mó mué muene mua kà tunda o Dikota ua kà kala mubidi ua athu ami a Izalaiele.

Nzuá 10:4

Kia tundisa o jimbudi jê joso, muène u ji tuamenena ku pholo, o jimbudi anga ji mu kaiela, mukonda jejiia o dízui diê.

I Samuuele 16:1

Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.

I Samuuele 16:13

Samuuele bhenhobho u sunga lumbinga lua maji, u mu unda muʼaxaxi ka jiphange jê. Nzumbi ia Jihova anga u tula ni nguzu ku thandu dia Davidi tunde kizuua kienʼokio. Kienhiki Samuuele u balumuka, hé u vutuka ku Lama.

I Samuuele 18:13

Kienhiki Saúlo ua katula Davidi mu mbèle iê, anga u mu bhanga kabhitangu ka kutumina midi ia muthu; anga u kala mu tunda, u kala mu bokona bhu pholo ia mundu.