I Malunda 10:9 - O Mikanda Ikola

⁹ Anga a mu bhunda ima ioso, akatula o mútue uê ni mifula iê, a i tumikisa ku ixi ia akua Fidíxia kʼoxi iê, phala ku ki jimbula ku iteka iâ ni ku mundu uâ.

I Malunda 10:9 ပူးပေါင်းရင်းမြစ်များ

II Samuuele 1:20

Kana ku ki tangele mu Ngate, kana ku ki fumanesa mu nzunga ia Axikilone; sumba anʼahatu ku akua Fidíxia a sanguluka, sumba anʼahatu a matumbu a kola kikoue.

I Malunda 10:10

O mifula iê hé a i tula mʼonzo ia nzambi iâ, o mútue uê a u someka mu inzo ia Ndangone.

I Malunda 10:4

Saúlu anga uambela disoladi diê, diambata o ngubu iê, uixi: Fomona o xibhata ié, u ngi kube na-iu katé ki itundidila; phala ki ki bhite kuila athu iá a kambe ku a saia eza mu ku ngi tobhesa. Disoladi-phe ua ditunuʼê, mukonda uakexile ni uoma uavulu; Saúlu-phe uzangula xibhata, hé u di toma-ku, iu ua buidila bhenhobho.

I Malunda 10:8

Kia bhiti-phe kuila, ku kizuua kia kaiela-ku, o akua Fidíxia kioso kieza mu ku bhunda o imbi, a sange Saúlu ni anʼê hanji ki azeka mu milundu ia Jiliboua.

Daniiele 5:23

Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

Matesu 14:11

Mútue uê anga a u bheka bhu dilonga, hé a u bhana monʼa kilumba, muène anga u u bheka kua mamʼâ.