I Malunda 10:4 - O Mikanda Ikola

⁴ Saúlu anga uambela disoladi diê, diambata o ngubu iê, uixi: Fomona o xibhata ié, u ngi kube na-iu katé ki itundidila; phala ki ki bhite kuila athu iá a kambe ku a saia eza mu ku ngi tobhesa. Disoladi-phe ua ditunuʼê, mukonda uakexile ni uoma uavulu; Saúlu-phe uzangula xibhata, hé u di toma-ku, iu ua buidila bhenhobho.

I Malunda 10:4 ပူးပေါင်းရင်းမြစ်များ

II Samuuele 1:20

Kana ku ki tangele mu Ngate, kana ku ki fumanesa mu nzunga ia Axikilone; sumba anʼahatu ku akua Fidíxia a sanguluka, sumba anʼahatu a matumbu a kola kikoue.

II Samuuele 1:6

Munzangala ua mu mu tudila njimbu, uixi: Mu kuenda kibhuku ngi kala mu bhita ku mulundu ua Jiliboua, anga ngi sanga Saúlo iú ua di kubu ku sosa iê, o makalu a ita ni akua jkikabalu a-lu mu kaia, iá eza ni ku mu zukama.

II Samuuele 17:23

Ahitofele-phe kia zubha kumona kuma o phangu iê ka i kaiela, u zuika o bûlu iê dikombola, uia ku bhata diê ku mbonge iê kua tungu, u ta imbamba iê ioso mu ididi ia tokala, anga u di nhenga; hé u fua anga a mu fûnda mu mbila ia tatʼâ.

I Jisobha 16:18

Anga ki bhita-phe kuila, Nzidi kia mono kuamba sanzala iòtambule, u lenga hé uia ku mbanza mu ʼzemba dia sobha, anga u di ximikina túbhia mʼonzo ia sobha, anga u fuila muenhomo,

I Malunda 10:3

O mvunda anga i dibandekeza mu kubilukila Saúlu, o akua kuasamisongo a mu mono, muene uoma uavulu hé u mu kuata, ua mala enhá.

I Malunda 10:5

Disoladi diê-phe kia mono kuma Saúlu uafu, muene ue uditakuila ku xibhata iê, u ditoma anga ufua.

Jipoxolo 1:18

Diialʼ odio-phe ua sumbile mukáu ni kazabu ka mu bhana mu kubhukumuka kuê. O mu mukáu uenʼ ió, muene mua laukila, iu ua baze mu ʼaxaxe, o mídia iê ioso iíi ia sukumuka.

Jipoxolo 16:27

Kasalelu-phe kia phaphumuka ku kilu, u mona mabhitu moso ma jikuka, muene ua fomona o xibhata iê, hé u sota ku di jibha, kuma ua fika jipelezu joso ja lenge jiʼ ja mu xiê.

Afundixi 15:18

Bhenhobho anga u kala ni dinhota dia vulu, hé u dikola kua Jihova, uixi: Ku lukuaku lua mubhikʼé, Eie Ngana kuene ku ua bhela o kubhuluka kua dikota kuosʼuku; kiki-phe ngi fua kiá ku dinhota, o akua-inhunga iá lelu nʼa ngi kuata dingi?

Afundixi 16:21

Akua Fidíxia anga a mu kuata, a mu tufula mesu, a mu bheka ku Ngaza, a mu kuika ni jingidinhá ja ngondo; u kala mu nhungisa matadi a kuzukila fuba mu kaleia.

Afundixi 9:54

Muene anga u ixana lusolo kibese kiê ua mu ambatela ibakatu ia ita, uixi: Fomona xibhata ié nda u ngi zubhidise, athu ka kale mu kuila exi: muhatu ua mu jibha. Kibese kiê anga u mu toma mu muẋima, u fuila bhobho.

I Samuuele 14:6

Jonata anga u ambela kibese kiê kia mu mu ambatela o ibhakatu ia ita, uixi: Ndoko, tuie ku sámbua bhu poxto ia akua mabôlo enhá, amoxi Jihova u kalakala mu ku tu kudila; kuma Jihova ki bhuala ki mu fudisa kubhulula mundu uê ni athu avulu mba kubhulula mundu uê ni athu atolo.

I Samuuele 17:26

Davidi anga u zuela ni mala a mu imanena, uixi: A mu bhanga kiebhi, uoso u jibha mukua Fidíxia iú, anga u katula o dilebhu dioso dia te muene kua Izalaiele? Kiiala kienhiki kia mukuadibôlo ku Fidíxia, mukua-hi muene, phala a tene kulebhula kiki o kilômbo kia Nzambi ia muenhu?

I Samuuele 17:36

Eme ngi mubhikʼé, kienhiki ki nga jibha o hoji ni úlusu; kiiala kiki-phe kia mukua-dibôlo ku Fidíxia, kiene ue ki ngi mu bhanga; mukonda muene ua lebhula kilômbo kia Nzambi ia muenhu,

I Samuuele 31:4

Saúlu anga u ambela kibese kiê, uixi: Fomona xibhata u ngi tome-iu u ngi kube-iu mu mixima; sumba akuamabôlo enhá eza, a ngi zubhidisa, a ngi bhanga kasekelelu. Kibese kiê-phe nguaiʼê ku ki bhanga, kuma uala ni uoma uavulu. Mukonda dia kiki, Saúlu muene u sunga o xibhata u di kuba ku pondo iê.