I Malunda 10:14 - O Mikanda Ikola

¹⁴ o ku sota Nzambi kana; kiene kia mu bhekela o ku mu jibha, o ungana uê anga a u bhana Davidi, mona Jese.

I Malunda 10:14 ပူးပေါင်းရင်းမြစ်များ

II Samuuele 5:3

Kienhiki adiakimi oso a Izalaiele anga eza kua muenexi bhu Hebolone, muenexi Davidi anga u ta-nâ kikutu bhu Hebolone bhu pholo ia Jihova; Davidi anga a mu unda ku ungana ua Izalaiele.

I Malunda 12:23

Talesa kienhiki kiene o kialuilu kia atumini, abhakata phala kúlua ita, eza kua Davidi, bhu Hebolone, phala kulungulula o ungana ni utuminu ua Saúlu phala ku u bhitisa kua Davidi kala kia ki zuela Jihova.

I Malunda 17:13

Eme nga kà mu kala ngi tata, o muene ua kà ngi kala mona; o kulenduka kua jihenda jami ki nga kà mu katula-ku anga ku di-tela kuengi, kala ki nga ku katuile kua ió ua ku diangelele-ku.

I Malunda 2:12

O Bouaze u vuala Obede, o Obede u vuala Jese.

II Malunda 16:12

Aza anga úbua ni uhaxi ua inama, mu muvu ua makuinhi a tatu nʼivua, a utuminu uê; o uhaxi uê anga u vula kinéne muene, maji mu mahaxi mê ua lembuele kusota Jihova anga u dielela ngoho o imbanda.

Jisabhu 17:13

Muthu uoso u vutula o phulu kua mu bhange o mbote, ió uíndua mʼonzo iê ki mungu dingi ubhua-mu.

Izaía 10:15

Kifua dikuua di ta nzabala kua ió ua di kuata bhu maku mu koka muxi? Inga o sela i di thatha kua ió u batula na-iu? Mbé o mbangala i nhikisa oso a i kuata, inga o mbasá i balumunʼé o lukuaku lua ió uala na-iu?

Izaía 10:7

Sumbala muene Asídia ka ki fika, mba o mu muẋima uê ka ki xinganeka; mukonda muene mu muẋima uê ukana kubuikisa ni kusengulula ifuẋi ia ndumba dia miji,

Josuué 9:14

Athu-phe kia tale ku huta iâ, a a xikana, kʼebhula dingi kaiula kua Jihova.

I Samuuele 13:14

Kiki-phe o utuminu ué ki ua-nda kunanga. Jihova ua di sotela kiá muthu ua mu zelela ku muẋima uê, muene ua-nda ku mu tumbika kukala mutuameneni ua mundu uê, mukonda eie kua bhake kijila kia ku tumu.

I Samuuele 15:28

Kienhoko Samuuele anga u mu ambela, uixi: Jihova ua ku tandula lelu ungana ua Izalaiele, iu ua u bhana mukuenu uengi ua ku tundu mu kuiuka.

I Samuuele 16:1

Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.

I Samuuele 28:17

Jihova ua ku bhange kioso kia zuelele kó kuami: kuma Jihova ua tambula ungana bhu lukuaku lué, ua u bhana mukuenu uengi, muene Davidi,

I Samuuele 28:6

Saúlo-phe ki ebhula kua Jihova, Jihova ka mu vutuila, né ku nzoji, né ku Udimi, né ku jipolofeta.