I Kolindo 9:5 - O Mikanda Ikola

⁵ Kifua eme ki ngala ni ukota ua kuenda ni muhatuʼ ami se uala muxikani, uila ki bhanga o jipoxolo ni akuetu, ni jiphange ja muene Ngana, ni Phetele?

I Kolindo 9:5 ပူးပေါင်းရင်းမြစ်များ

Mukumbi ua Mikumbi 4:12

Ua di bhanga kala kadíbhia ka itulu kʼoxitile, phangʼiami, tâta, bhànga diami! Ua di bhanga kala otho ia menha iòjike, uedi kala fiẋi iote kidimbu ia kambe ku i jikula.

Matesu 13:55

Iú ki muène monʼa kalupindelu? Mamʼâ ka mu ixana exi: Madiia? O jiphange jê ki ene a Tiiaku, ni Zuze, ni Ximá ni Juda?

Matesu 8:14

Kia bokona Jezú mʼ onzo ia Phetele, u mona ukouʼ ê ua zeka, ua-lu kata febele.

Marku 1:30

Ukouʼa Ximá ua muhatu ua kexi kukata febele. O kia bhixila Jezú, kithanganʼokio, a mu tangela-kiu.

Marku 6:3

Manhi ki muene musongi a mabaiʼu, monʼa Madiia, phange ia Tiiaku ni Zuze ni Juda, ni Ximá? Ni jiphange je ja ahatu, ki etu-nâ mu ʼaxaxe kʼetu? Anga a mu lebhula.

Luka 6:15

ni Matesu, ni Tomé, ni Tiiaku dia Lufeu, ni Ximá, a mu ila Zelote;

Luka 8:20

Athu anga a mu tangela, exi: Mamʼ enu ni phange jé, Ngana, iá bhu kanga a mesena ku ku mona.

Nzuá 1:42

Anga u mu bheka kua Jezú. Jezú kia mu tale sûi, uixi: Eie Ximá, monʼ a Jona, tunde lelu a-nda ku ku ixana-phe Kefa.

Nzuá 2:12

Jezú kia zubha kubhanga kiki, u kulumuka mu Kafanau, ni muène, ni manhiʼâ, ni jiphange jê, ni jixibulu, anga a bhanga muenhomo tu-izuua.

Jipoxolo 1:14

Ene oso-â anga a jijila ni muẋima umoxi o kusamba ni kubhinga, ni ahatu kiá, ni Madiia dia mamʼ a Jezú, kumoxi ni jiphange joso.

Loma 16:1

Nga mʼ ijidisa Fibe, pangʼ ietu ia muhatu, mukalakadi mu Ngeleja ku Senkeleia.

I Kolindo 1:12

Nga ki ambela mukonda kala muthu mudienu ua mu zuela ni kiê. Sai-ku ni iú, uixi: Eme ngi mukua Phaulu; o iú uixi: Eme ngi mukua Apolo; o iú uixi: Eme ngi mukua Phetele; o iú uixi: Eme ngi mukua Kristu.

I Kolindo 7:15

Maji o diiala mba muhatu ua kambe kuxikana-phe, kia bhindamena ku di ambudisa, aiê. Mukonda bhu kaẋiʼabha o diiala uala kidistá, mba muhatu uala kidistá, ua jituka phala kutena kusola. Mukonda Nzambi ua tu ixanena kukala ni muenhu ua kutululuka.

I Kolindo 7:39

Muhatu se ua sakana ni muthu, ua kutiua kioso muadi uê ki ala hanji ku muenhu. Maji o muadi uê se uafu, muene ua kutunuka, u sakanê ni uoso ua mu andala. Maji kikale-phe ngó ukaza mua Ngana.

I Kolindo 7:7

Maji eme-muène nginda-phe athu oso a kale uila ki ngalʼ eme. Maji-phe ue kala muthu uala ni ujitu uê ua mu bhana Nzambi; iú ujitu uê uengi, iú ujitu uê uengi.

I Kolindo 7:8

Ngʼ ambela-phe o makudi ni atudi, kuila ki uabha se a kala sé kukazala uila ki ngalʼeme.

Ngalásia 1:19

O jipoxolo jamukuá-phe ki nga a muene; inda nga muene ngó Tiiaku, phangeʼ a Ngana.

I Timote 3:2

Bispo-phe u bhinga ka kala ni kima kia ku mu elêsa na-kiu. U kala mukua muhatu uê umoxi, u kala mukua kilunji, mukua sonhi, mukua ujitu. U kala mukua kulangeka asonhi, muthu uala hete ia kulonga.

I Timote 4:3

Athu iâ a kà kidika o kukazala exi ki kua tokala, a kà tuma kujila xitu ni makudia ma mukuâ. Maji o makudia iá, Nzambi ua a bhanga phala ku a tambula ni ku a dia kuala ió a xikana ia ejiia o kidi. Inda o mu kudia, mu dianga jinga kusamba musambu ua kusakidila.

I Timote 5:2

o ikulakaji ia ahatu kala ene a mamʼenu, o ana-ilumba kala ene o jiphange jé ja ahatu, mu kuzela kuoso.

Tito 1:6

U xinganeka-phe kuila u mu ta ku uadiakime u kala muthu uoso kala ni kuêla. Munume a muhatuʼê umoxi; anʼê a kala axikani, ka fumane ni kuzangata mba kuxibhaka.

Jihebeleu 13:4

O ukaza u kale ku ujitu kua ene oso, o mala ni ahatu a sakana a di kale jifiiele mudiâ. Kuma Nzambi ua kà fundisa o jindumbu ni akuâ jiphanda.