I Kolindo 9:18 - O Mikanda Ikola

¹⁸ O ki ngalʼ iki-phe, futu iami iahi? Oko iene ia kutanena kuboka o Njimbu Iambote mu ngoho, sé kubhinga kitadi, mba kujijila kiokio kia ngi tokala mu ukota uami ua kubhanga o kikalakalu kia Njimbu Iambote.

I Kolindo 9:18 ပူးပေါင်းရင်းမြစ်များ

Nzuá 4:36

Uoso u kalakala, mu kubhongolola u tambula futu, hé u i bhakela o muenhu ki uábhua. Phala mu kienhiki, ni mukuni a jimbutu ni mubhongolodi a idima, a sangulukile kumoxi.

Jipoxolo 18:3

Phaulu anga u a kana ene, mukonda ufunu uâ uene umoxi, anga u xala-nâ, hé a kala mu kalakala, kuma o ufunu uâ kutunga jibalaka.

Loma 14:15

Mukuenu se ua mu kenanesa mukonda dia kudia kué, eie kua mù bhanga dingi ima ia henda. Mukuenu kana ku mu texikisa mu kudia kué ku ua mù dia, mbata muène ue muthu a mu fuila kuala Kristu.

I Kolindo 10:33

Bhangenu uila ki ngene mù bhanga eme-muène. Athu oso ngi sota ku a uabhesa miẋima mu ima ioso i ngi bhanga, kuma ki ngi bhindamena eme-muène ngó kubhanduluka, maji nginda ue ene oso a bhanduluke, phala nʼ a bhuluke.

I Kolindo 3:8

Maji ni iú ua kunu, ni iú ua tekela, a soko, kuma ene oso ene amoxi. Kala muthu-phe hinu ua kà tambula o nganhu iê kua Nzambi, kioso kia tokala mu kukalakala kuê.

I Kolindo 7:31

O oso a sota imbamba iambote mu ngongo mumu, ka landukile kiá ngó iene mu iene. Kuma o funza ia mundu iú, ki ualʼ iki, ki i nange kubhita.

I Kolindo 8:9

Uila kiki, di langienu-phe, sumba mba ufolo uenu uenʼ iú, u bhangesa akuenu kudibhala, oso kiluua a kola mu kuxikana.

I Kolindo 9:12

Se ku kala akuetu ala ni ukota uenʼiú ua kukinga o ima iambote kokuenu, etu kifua ki tu beta kota? Sumbala-phe ukota uenʼ iú etu na-u, maji ki tu solo ku ki bhanga. Inda ima ioso tua soko na-iu, mbebhu o Njimbu Iambote ia Kristu kana ku i fudisa.

I Kolindo 9:15

Maji eme-phe ima ioso iii ki ngi jijila ku i bhanga; ni kiki, ki ngi ki sonekena phala enu ni mu ngi bhange kienʼ iki. Kuma inda nga-fu, ki ngʼindi kubhanga kiki! Mbata ki ngʼ ehela muthu ku ngi bhuisa o thate iami mu kubhanga kiki.

I Kolindo 9:17

Kala kiki, o kikalakalu kiki se ngi ki bhanga mu vondadi iami, sai nganhu iê. Maji se ngi ki bhanga, mukonda kiene kia ngi fuama, mbata kikalakalu kia ngi tuika Nzambi.

II Kolindo 4:5

Kuma, etu ki tua di kola etu ene, maji tua kola Kristu Jezú kuma muene Ngana, o etuku tuala tu abhikʼenu mukonda dia Jezú.

I Tesalonika 2:6

Kiluua tu sota fuma ia ku tu ximana kuala athu, né ko kuenu enu, né ku athu engi. Sumbala se tuambele ku ki bhanga, tuejù tena ku mi nemena ue, kuma tu jipoxolo ja Kristu.