I Kolindo 8:9 - O Mikanda Ikola

⁹ Uila kiki, di langienu-phe, sumba mba ufolo uenu uenʼ iú, u bhangesa akuenu kudibhala, oso kiluua a kola mu kuxikana.

I Kolindo 8:9 ပူးပေါင်းရင်းမြစ်များ

Izaía 35:3

Suinisenu o maku ma bhuila, kulokotesenu o jiphuna ja teketa.

Izaía 57:14

Anga à kela: Sengululenu, sengululenu kikoka, iudikenu o njila; katulenu iẋinji mu njila ia mundu uami.

Izekiiele 14:3

Monʼa iala, athu iâ emika o iteka iâ mu miẋima iâ, o kidibhukanu kia kuiibha kuâ a ki tula muene bhu pholo iâ; o ki ngalʼiki mbé nga tokala ku ngʼibhula kuala ene?

Izekiiele 44:12

Mbata ene a a kexidile akunji bhu pholo ia mahamba mâ, a kitukile kidibhukanu kia Izalaiele mu kubhanga kiaiibha; kiene ue eme ki nga zengela o lukuaku luami ku thandu diâ, o ene-phe ue ia a-nda kuambata o kikuma kiâ ku thandu diâ, Jihova Nzambi ua ki tange.

Ijila 19:14

Kana kulebhula muthu uafu o mátui, mba o kifuôfuo u mu tela kidibhukanu mu njila; maji uenda ni kuxila jinga Jihova Nzambi ié. Eme ngi Ngana.

Matesu 18:10

Alukenu, ki mu tènde kamona ku tuana tutu. Mbata ngi mi ambela kuma, o ji-anju jâ mu diulu jene mù mona o pholo ia Tata iami uene mu diulu. [

Loma 15:1

Etu-phe tuala ni nguzu mu Akuxikana, tua tokala tu kuatekesa oso a bhuila, kuambata o imbamba iâ. Kana ku kuata ku di uabhela ngó etu-ene.

I Kolindo 10:24

Muthu ka sote kubhanduluka ngó muene, maji a sote ue o kubhanduluka kua akuâ.

I Kolindo 10:28

Maji se bhu kala muthu u kuambela, uixi: Kudiʼuku a tuamene ku ku bhana mu sata ia iteka, eie ku die-ku dingi, mukonda dia muene ua kuidikiza, ni mukonda ue dia kitongoluelu.—

I Kolindo 10:29

Ngambe kitongoluelu, kana o kié, maji kia mukuenu. Mbata sai ni bhabha bhu kala ni muthu uibhula, uixi: O ufolo uami phala-hi a u êlese ku kitongoluelu kia muthu uengi?

I Kolindo 10:32

Kana kuta kifudisu mu njila ki tokala ki di bhalesa Jijudé, mba akua jixi jengi, mba o Ngeleja iene ia Nzambi.

I Kolindo 8:10

Kuma se muthu u ku mona eie u muthu ua kuijiia, ua xikama mu kudia mu tembulu ia kiteka, manhi kitongoluelu kiê kiluua ki kola, ki kianda ku mu bhumisa kudia jisata ja iteka?

I Kolindo 8:12

Mu kubhanga kiki, phange ié ua mu te kituxi, mu ku mu kuama o kitongoluelu kiê kiluua ki kola, Kristu muene, ua mu te kituxi.

I Kolindo 9:22

Oso a bhuila mu kuxikana, ngi kala-nâ kala eme nga bhuila uami, phala ngi kombole oso a bhuila. Ngi kala ngi kioso kua ene oso, phala mu ndunge joso, ngi tene kubhulula-ku amoxi-mu.

II Kolindo 11:21

Nga mu ki zuela muene ni jisonhi javulu, mukonda dia kukamba o kusuina. Maji-phe se sai muthu u di fiiala kima kioso-kioso—nga mu zuelà kala ngi semenhi—eme uami ngi di fiiala-kiu.

II Kolindo 11:29

Ki bhu kala muthu ua bhuila, eme uami ki ngi bhuidisa. Se bhu kala muthu u di bhala mu ituxi, eme-phe ki ngi tatesa kiavulu muene.

II Kolindo 6:3

Kana kubhanga kima kioso-kioso ki bhangesa mukuenu ku di bhala, phala o ungunza uetu ki u kale ni malebhu.

Ngalásia 5:13

Kuma enu, jiphange, a mʼ ixanena kukala mu jifôlo. Maji o ku ofôlo uenu ki mu katule-ku maditatu ma kuehela o jihanji ja xitu ku mi tumina, maji muenda ni ku di bhikila mudienu ni henda.

Kolose 2:8

Alukenu! Ki bhu kale muthu u mi tobhesa, anga u mi bhûnda kala kingûmba, ni uanji uê ni makutu, ua kaiela mu malunda ma ulongelu ua athu, ni mu jindonda ja mu ngongʼumu, o kua Kristu ki kiala-ku.

I Phetele 2:16

Kia di kalela mu jifôlo, ufolo uenu ki u kale divunga dia kusueka usueia, maji mu kala-phe mu abhika angene a Nzambi.

II Phetele 2:19

A dielelesa ufolo ku akuá, manhi ene ala abhika a ifua iabolo. Kuma muthu kioso ki mu lenda, kiene kima ki mu bhikisa.

Dijingunuinu 2:14

Sai-phe tuma tuofele tu nga ku êlesa; mukonda sai-ku amoxi-mu bhenhobho a kuata o ulongelu ua Balamu ua longesele Balaki kuta kidibhukanu bhu pholo ia anʼa Izalaiele, mu ku a longesa kuila a fuama kúdia jisata ja makudia ma satela itèka, ni kubhanga maundumbu.