I Kolindo 8:12 - O Mikanda Ikola

¹² Mu kubhanga kiki, phange ié ua mu te kituxi, mu ku mu kuama o kitongoluelu kiê kiluua ki kola, Kristu muene, ua mu te kituxi.

I Kolindo 8:12 ပူးပေါင်းရင်းမြစ်များ

Dimatekenu 20:9

Abimeleke anga u ixana Mbalahamu, u mu ambela, uixi: Eie ua tu bhange kiebhi? Eme nga ku te kituxi kiahi, phala ni eme ni ixi iami u tu bheke mu mulonga ua dikota? Eie ua ngi bhange ima ki i tokala ku i bhanga.

Dimatekenu 42:22

Lubene anga u a ambela, uixi: Eme ki ngi mi tangelele-kiu, ngixi mona ki mu mu te kituxi? Enu-phe ki mu ẋikinine kuivua! Leluʼidi-phe mua mono, mulonga ua tuiza ua manhinga mê.

Makatukilu 16:8

Mozé anga u kumbulula dingi, uixi: Mu ki mona, Jihova kianda ku mi bhana kúdia xitu mu ngoloxi, ki kukia anga mu dia mbolo katé muekuta; mukonda Jihova ua mʼivu o kuzuela kuenu, ku mua mu longolola na-ku muene. Mbata etu, etu akua-hi? Ki etu mua tu longolola, kuma mua longolola Jihova.

Makatukilu 32:21

Mozé anga u ibhula Alá, uixi: Mundu iú ua ku bhange kiebhi, phala eie ku a bhekela ku thandu diâ, kituxi kia dikota kala kiki?

Matesu 18:10

Alukenu, ki mu tènde kamona ku tuana tutu. Mbata ngi mi ambela kuma, o ji-anju jâ mu diulu jene mù mona o pholo ia Tata iami uene mu diulu. [

Matesu 18:21

Phetele anga uiza, u mu ambela, uixi: Mukuetu u ngi ta kituxi lukuxi, ni ngi mu loloka? Ngi mu loloka lusambuadi?

Matesu 18:6

Uoso-phe ku tuana tutu, tua ngi xikana, u fudisa-ku kamona kamoxi ku ngi kaiela Eme, kia mu tokala o ku mu nhenga kiditadi mu xingu, ni ku mu bobesa muʼalunga mua zongo.

Matesu 25:40

Muenexi ua kà kumbulula, uixi: Kidi kiene ngi mi ambela kuila: Kioso ki mua bhange jiphange jamiʼji ja ndenge, eme-muène mua ngi bhange-kiu.

Matesu 25:45

Muène ua kà kumbulula: Kidi kiene ngi mi ambela: kioso ki mua kamba kubhanga ku jiphange jamiʼ ji ja ndenge, Eme-muème mua kamba ku ngi bhanga-kiu.

Marku 9:42

Uoso ue ku tuana tutu tua ngi xikana, u bhangesa kamona kamoxi ku di bhala, ni ku ngi xisa eme, muthu io kia mu tokala o ku mu nhenga kiditadi kia kuhuhila mu xingu, ni ku mu bobesa mu ʼalunga.

Luka 17:2

Ki fuama o ku mu nhenga kiditadi kia ku huhila mu xingu, ni ku mu takula mu ʼalunga; kuma ki ki fuama kuila ku tuana tutu u bhangesa-ku kamoxi ngó ku di bhukana, anga u ta kituxi.

Loma 14:20

O kudia ki ku ku bhangese kumuanga o ialakalu iangene ia Nzambi. Makudia oso a tokala ku a dia muène; maji kiaiibha kudia kima ki bhekela mukuenu kudibhala mu kituxi.

I Kolindo 12:12

Kiene kimoxi kala o mukutu ua vula idiandu, o idiandu iene ioso, sumbala iavulu, ia di bhange mukutu umoxi, ni Kristu ue kiene.

I Samuuele 2:25

Muthu se u ta kituxi kua mukuâ, Nzambi u mu fundisa; muthu-phe se u ta kituxi kua Jihova, u mu zuelela nanhi? Sumbala tatâ ua zuela kiki, maji ene kʼevu dízui dia tatʼâ, mukonda Jihova ua mesena kiá ku a jibha.

I Samuuele 24:11

Luamukuá, Phaphai, talesa hanji mbandu ia divunga dié bhu lukuaku luami. O ki ua monuʼiki, nga batula ngó mbandu ku divunga dié, eme nga kambe ku ku jibha, ijiia na-kiu kuma, bhu lukuaku luami ki bhuala phulu ki bhuala kikuma. Eme-phe ki nga te kituxi kokué, sumbala eie uala ku ngi seia o muenhu uami phala ku ngi tambula-u.