I Kolindo 8:1 - O Mikanda Ikola

¹ Kindala nganda ku kuata ku maka ma makudia ma satela o iteka. Ni kidi kiene, kala kiene mú ki tanga, etu oso sai kuijiia kuetu. O kuijiia kuenhuku-phe ku nanukisa o mukua ukumbu; maji o henda-phe i tungisa.

I Kolindo 8:1 ပူးပေါင်းရင်းမြစ်များ

Izaía 47:10

Kuma uadielela o phulu ié, uixi: Ki bhuala u tena ku ngi mona; o unjimu ué ni ndunge jé ji ua di-longo, jene ja ku bhekela kujimbila, eie uambe ku muẋima ué, uixi: Eme-muène ngó, kana-ku muthu ni mukuetu nga soko-nê.

Izaía 5:21

Lamba dia ió oso a di mona kuijiia ku mesu mâ ene, a di fika kudimuka ku mesu mâ-ene muene.

Dialuilu 25:2

kuma a exana ku jisata ja mahamba mâ; kifuẋi anga a dia, a fukamena nzambi jâ.

Jipoxolo 15:10

Kiki-phe mu bhumina-hi Nzambi, mu zuika jixibulu ja mu diela-ke, jungu mu xingu, ia bhingi etu-ene ni jitata jetu tua lembua ku i ambata?

Jipoxolo 15:29

Kana kudia xitu ia iama iojibhe phala ku i satela iteka. Kana kudia manhinga moso-moso, mba xitu ia kiama kiokuenhe. Ki mu bhange ue undumbu. Ima ieniʼii se enu muenda ni ku i lenga, mua bhange kiambote Tua mi menekena! Mahezu.

Jipoxolo 21:25

Oso a xikana-phe ku matumbu, tua a sonekena kiá kioso ki tua a tetuluila kuma: Kadie jinge xitu ia iama iojibhe mu kilumbu kia sata ia iteka; kʼ a die jinge ue manhinga a kiama kioso-kioso, mba kudia xitu ia kiama kiokuenhe. Ka kale ue mu kubhanga undumbu.

Loma 11:25

Uila kiki, ki ngi mesena jiphange, kuila mu kamba kuijiia o kijingano kiki, mba mu kala mu jinjimu ja ku di metena: mukonda o kuxita mu thulu kua kuata Izalaiele, ki kuanda kujiza, maji katé ngó kia kà bokona muvimba ua dialuilu dia akua jixi jengi, ió oso ki Jijudé, ki eza kua Nzambi.

Loma 12:16

Kalenu ni muẋima umoxi mudienu ua ku di tuma kiambote. Ki mu di zangeleke ni ukumbu, maji mu xikina kubhanga ikalakalu ia kikexilu kiatolo.

Loma 14:10

Eie-phe uelêsela-hi phangʼ iê? Mba phangʼ iê, u mu tobhesela-hi? Kuma etu-ene-oso hádia tua kèmana bhu pholo ia Nzambi, phala Muène ku tu fundisa.

Loma 14:14

Eme ngejiia, kuma kia ngi tetulukila mua Ngana Jezú, kuila kana-ku kima kia di xidila ngó kiene. Maji se bhu kala muthu uoso u kita kima o kuxila, phala muène kia xidi muène.

Loma 14:19

Uila kiki, tu kaiedienu o ima i bheka paze, ima i bhekela kutungiua mudietu.

Loma 14:22

Kala kiki, o kuxikana kuoso ku uala na-ku, ku kale ku muẋima ué eie-muène ngó ni Nzambi. Muthu ió ua zediua, uoso muẋima uê ki u mu belêsa, mu kubhanga kia fika muène kuila kiauabha!

Loma 14:3

Uoso-phe udia, ima ioso, ka tobhese ió u kamba kudia. O ió u kamba kudia, kelêse ió mukua kudia; mbata Nzambi ua mu tambulula.

Loma 15:14

Eme uami-phe, phange jami, ngejiia kidi kuma enu muezala ni vondadi iambote, muezala ni kuijiia; uila kiki mua soko-bhu ku di longesa mudienu.

I Kolindo 1:5

Kuma mu kudituma kuenu ni Kristu, mu ima ioso mua tambula umonhi mua muène,—kixi mu ioso i mu zuela,

I Kolindo 10:15

Nga mi ambela kala mu jihete ja kutongolola o ima. Tongololenu-phe ki ngi zuela.

I Kolindo 10:28

Maji se bhu kala muthu u kuambela, uixi: Kudiʼuku a tuamene ku ku bhana mu sata ia iteka, eie ku die-ku dingi, mukonda dia muene ua kuidikiza, ni mukonda ue dia kitongoluelu.—

I Kolindo 14:20

Jiphange, kana kuxinganeka kala mu anandenge. Mu iaiibha mu kala mu ana auisu, maji-phe mu kuxinganeka mu kala mu adiakimi.

I Kolindo 15:34

Phaphumukenu, mu kuate kilunji ni muenhu uaiuka kala kia fuama, kana dingi kuta ituxi. Kiki nga ki ambela o ku mi kuatesa jisonhi, kuma amoxi-moxi mudienu Nzambi ka mu ijiia.

I Kolindo 4:10

Etu tuala tu ioua, mukonda dia Kristu, enu-phe mua Kristu mu jinjimu! Etu tua bhuila, enu mua suina; etu tu tambula malebhu, enu mu tambula o fuma.

I Kolindo 4:18

Amoxi-moxi-phe ala ni izala, a ngi fika kuila kuenhoko ki nganda kuiaku mu ku mi kunda.

I Kolindo 4:6

Ima ienʼ iii-phe, enu jiphange jami kixanga ki nga mi tela, mu ku di tanga eme-muène ni Apolo. Nga tange etu kiiadi kietu, kifua kijimbuete, mukonda dia ku mi kala ni henda, phala mu di longe ki ambe o Sabhu kuila: Kana kusomboka ima ioso iòsoneke. Kana ue muthu ukala ni izala ia kuximana muthu umoxi, o mukuá hé u mu tènda.

I Kolindo 5:2

Enu-phe muala kiebhi ni izala iosuʼ oio? Kia mi fuamene kukala ni mala mba avulu, phala uoso ua bhange kienʼ iki ku mu tubhula mudienu.

I Kolindo 5:6

Ku di thatha kuenu ki ku uabha! Mbata o Sabhuʼ oio enu mua ijiia kiambote kuma Kakifulu-fulu kofele ka sambuka dikende dioso.

I Kolindo 8:2

O muthu se ua di fika kuijiia kima, kejiia luua kala kia tokala kuijiia.

I Kolindo 8:4

Uila kiki, ku mbandu ia kudia kua satela o iteka, tua kʼ ijiia kuma kiteka kima kia ngoho mu ngongo, kuma ki ala bhu kididi kia kima ki kiene-ku. Etu-phe tuejiia kuma kuala ngó Nzambi imoxi, kana-ku iengi.

I Kolindo 8:7

Maji-phe o kidi kiki athu oso ka sokela-ku mu ku kʼ ijiia. Sai amoxi ejidila o iteka, kioso ki a dia, a dia kala sata ia ngene ia iteka. O kitongoluelu kiâ kuma kiluua ki kola, ki a bhekela kuêla, mukonda a banza kuila a di kasanesa ni kudia.

Efezo 4:16

O mu ku di tuma kuetu ni muène Kristu, o mukutu uoso u di banda kiambote, u di sokejeka ku idiandu i kumbidila mu ididi iê, mukutu uoso anga u kala mù kula, u kala mù tungiua ni henda.

Kolose 2:18

Kana kuehela muthu nʼ a mi tambule o dilau dienu, ni kuila kuma muene uala kota mu ku di tolesa kua vondadi iê, ni mu kubheza ji-anju. Muthu u kala kiki, ua landukila ngó o ima ia mono muene iú ua nanuka ngó mu ilunji iê ia xitu.

Dijingunuinu 2:14

Sai-phe tuma tuofele tu nga ku êlesa; mukonda sai-ku amoxi-mu bhenhobho a kuata o ulongelu ua Balamu ua longesele Balaki kuta kidibhukanu bhu pholo ia anʼa Izalaiele, mu ku a longesa kuila a fuama kúdia jisata ja makudia ma satela itèka, ni kubhanga maundumbu.

Dijingunuinu 2:20

Nga ku êlesa-phe kima kimoxi. Kuma ua xididikila o muhatu ió Jezabele, ua mu dʼixana kuila polofeta ia Nzambi. Eie ua mu ehela kubhomba ni kulonga selevende jami kubhanga undumbu, ni kudia jisata ja makudia ma satela o itèka.