Kiki-phe nga ki zuelala phala ku mi kuatekesa, mu bhanduluke. Ki ngi mesena ku mi fuisa mu dibhebhe. Maji nga mesena ku mʼ idikiza kioso kia fuama kubhanga, phala mu kale mú xibhidila Ngana ni muẋima uoso, sé kutandanganha.
Eme nga zuela kala ngi semenhi, enu-enu-phe mua ngi bhinjika o ku ki bhanga. Nga fuamene enu mu ngi ximana. Kuma jipoxolo jojo ja tundu akuʼâ, ki ja ngi tundu ni kima, sumbala ki ngi kima.
Kienioko enu mua kà kala ni polova i muandala, kuila Kristu muène ua mu zuelela momuami. Muène-phe kia mi zuelela kène ni kubhuila, maji uidikiza kusuina kuê muʼaxaxi kenu.
Ku maka iâ, nga mi ambela-phe kioso ki nga fika: kuila kota enu o kuzubhidisa kindala o kima kiokio ki mua mateka o muvu ua bhiti. Ku dimatekeneu enu-enu mua tuamena, ki mu kukuatekesa ngó, maji ni mu kuandala o kukuatekesa.