I Kolindo 7:34 - O Mikanda Ikola

³⁴ U tandanganha mukonda ala ku mu sunga ku mbandu jiiadi. O mu kuzuela-phe ku mbandu ia ahatu, kutale o atudi, uixi o makudi, ene a lalamena ngoho o kikalakalu kia Ngana, mukonda andala a di bhakula kua Ngana ni mukutu ni nzumbi. Maji o muhatu ua dikaza-phe u lalamena o ima ia mundu iú, mukonda u mesena mu ioso, kioso ki a uabhela muadi uê.

I Kolindo 7:34 ပူးပေါင်းရင်းမြစ်များ

Nzuá 10:13

Mukua-nganhu u lenga, mukonda muène u kalakalela ngó kunganhala kitadi kiê, o jimbudi ki ji mu kuatela kima.

Loma 6:13

Ni idiandu ienu kana ku i bhakula ku ituxi kala falamenda ia kubhanga kima kioso-kioso kiaiibha. Maji-phe di bhakudienu kua Nzambi, kala mu athu mua fuile kiá, maji mua tambula dingi muenhu, ni idiandu ienu bhakuilenu-iu Nzambi i kale falamenda ia kubhanga ima ia kuiuka.

I Kolindo 6:20

Kuma a mi sumbu ni suilu. Uila kiki, fumanesenu Nzambi ku mikutu ienu, ni ku jinzumbi jenu, kuma ja tokala Nzambi.

I Kolindo 7:33

Maji uoso-phe uala dikaza, u kala ni hele ia ima ia mu ngongo, mukonda uala kuinda kubhanga kioso kia uabhela muhatuʼê.

I Kolindo 7:35

Kiki-phe nga ki zuelala phala ku mi kuatekesa, mu bhanduluke. Ki ngi mesena ku mi fuisa mu dibhebhe. Maji nga mesena ku mʼ idikiza kioso kia fuama kubhanga, phala mu kale mú xibhidila Ngana ni muẋima uoso, sé kutandanganha.

II Kolindo 11:28

Ku thandu a ima iosuʼiii, i ngi bhita ku kanga, kua di te dingi o kimbamba kia ngi xina izuua ioso, kia hele i nga kuatela o jingeleja joso.

II Kolindo 8:16

Tua sakidila-phe kiavulu Nzambi ua mi tela o muanu uene umoxi ni etu mu muẋima ua Tito phala ku mi kuatekesa.

Filipe 1:20

Mukonda eme o kia ngi kate kiavulu, ki ngendi ni kudielela kuami kuoso, o kuila ki ngi lémbue kubhanga kioso kia ngi tokala, kala ki ngene kiá mù bhanga tunde ukulu, kota-kota mu kindala mumu, mbé ngi kale muene ni kubhua o uôma, phala ngi tene kufumanesa Kristu ku mukutu uami, kixi ku muenhu, kixi mu kufua.

I Tesalonika 5:23

O muène Nzambi, mukua ku tu bhana o paze, a mi zelese katé mua zubha; a mi bhake kivimba ni nzumbi ni muenhu, ni mukutu, sé dixaka, mba kuêla kua kima, katé bhua kà tukulukila Ngana ietu Jezú Kristu.

I Timote 3:5

Kuma muthu kia kamba kuijiia kutumina o dibhata diê-muène, u tambula kiebhi o konda ia Ngeleja ia Nzambi?

I Timote 5:5

Muhatu uoso-phe uala mutudi mu kidi, ka moneka thumba ni samba u mu tambula konda, ió o kudielela kuê kua kuata ngó kua Nzambi, kuma u jijila kusamba usuku ni muanha mu kubhinga dikuatekesu kua muène.

Tito 3:8

Makʼama ma fiiele. Nga mesena u jiza ni ku ma tanga, ni ki bhekela kuila oso a xikana Nzambi, a kala ni muanu ua kukuatu kubhanga midimu ia mbote. Imʼiii ia uabha, i bhandulula athu enhoso.