I Kolindo 7:30 - O Mikanda Ikola

³⁰ O oso a dila, kele kala ala ni malamba; O oso a mu kuolela, kele kala a mono mbote; Oso a sumba, kele kala avu kimbamba kiokio kia sumbu.

I Kolindo 7:30 ပူးပေါင်းရင်းမြစ်များ

Jisálamu 30:5

Kuma o kutema kuê, ku nanga ngó kithangana; o kulenduka kuê ku bhixila bhu suka o muenhu ua muthu! Né-mbe mu usuku, ki ku vunda, tua didi masoxi, kusanguluka-phe kuiza ni kimene.

Ndongixi 3:4

Sai thembu ia kudila ni thembu ia kuolela; thembu ia mukondo, ni thembu ia kutuka-tuka.

Izaía 25:8

O kalunga ua ka kà bhuisa-ku muene nzaká, kienhiki Jihova ua kà kondona o masoxi mu pholo joso, inga mu ixi ioso u katula-mu o kusebuluka kua mundu uê, kuma Jihova muene ua ki tange.

Izaía 30:19

Mbata athu a kà tunga muene mu Ziione, mu Jeluzaleme; kua kà dila dingi, kana; kidi kiene, Muene ua kà ku kuatela henda, kabasa eie udikola, o muene kia ku ivua dízui, uà kuitaia.

Izekiiele 7:12

Kithangana ki kiza, o kizuua kié kia bhixila; uoso u sumba ka sanguluke, o ió u sumbisa ka luuale; mukonda o njinda i uama iala ku thandu dia kifuẋu kiâ kioso.

Luka 16:25

Mbalahamu ua mu kumbulula-phe, uixi: Mona, lembalala kuma ku muenhu ué, eie ua tambuile ngó jimbote, mu jimbote. O Lázalu ue ua tambuile o jiphaxi. O kiki-phe muène kunu ua tululuka, kuma ua tambula ima iosuʼiii i ua di muena; eie-phe ua xixima.

Luka 6:21

Mua zediua, enu kiki muala ni nzala, mukonda mua-nda kuikuta. Mua zediua, enu kiki mua-lu dila, mukonda mua-nda kuolela.

Luka 6:25

Lamba dienu, enu kiki muekuta, mukonda mua-ndu kala ni nzala! Lamba dienu, enu kiki mua-lu kuolela, mukonda mua-ndu kala ni kikote ni masoxi.

Nzuá 16:22

Kiene kimoxi ni enu, kindala muala hanji ni malamba. Maji hinu-phe ngi mi mona dingi. Kienhókio miẋima ienu ia kà kala mu kutana, o kutana kuenu kana muthu utena ku mi katula-ku.

I Kolindo 7:29

Ngambe-phe kiki, jiphange, kuma o thembu ia butu, kua bhingi ku pholo ku tuia, oso ala ni ahatuʼâ, a kale uila kala-nâ.

I Kolindo 7:31

O oso a sota imbamba iambote mu ngongo mumu, ka landukile kiá ngó iene mu iene. Kuma o funza ia mundu iú, ki ualʼ iki, ki i nange kubhita.

Dijingunuinu 18:7

Bhuoso bhua sukile muène ni ku di ximana, ni kuvudisa ukumbu, bhene bhu mu mu sukixila o kubhondalala ni kusebuluka kuê! Kuma uedile ku muẋima uê, uixi: Eme-muène na mvuale, nga xikama ku ungana! Ki ngala ngi mutûdi, ki ngi moneka dingi dilamba!

Dijingunuinu 7:17

Kuma o Kambudi uene muʼaxaxe ka kiandu, u kala mubidi uâ, muène u a endesa jinga bhu jithu ja menha ma muenhu. O Nzambi anga ua kondona masoxi moso mu mesu.