I Kolindo 7:25 - O Mikanda Ikola

²⁵ Ki tu kuata ku maka ma makudi a anʼa ilumba, ki ngala ni kijila kia ngi bhana Ngana. Maji ngi mi longesa-phe kioso ki nga fika, eme uami ngi muthu a ngi kuatekesa kuala Ngana kukala fiiele.

I Kolindo 7:25 ပူးပေါင်းရင်းမြစ်များ

Jisálamu 78:63

Túbhia tua minha o minzangala iâ ia mala; o anʼâ a ilumba a xala sé muimbu ua ubhanga.

I Kolindo 15:10

Maji dioso o ditala-phe di ngeza, nga di bhixila mu kiadi kia Nzambi, o kiadi kiê kia ngʼ idikiza ki kiaii ngó. Inda o jipoxolo ene oso nga a tundu mu kukalakala. Ki ngambe ue ngixi o kikalakalu kiosuʼ iki eme ngó nga ki bhange, maji o kiadi kia Nzambi kiene kia ngi bande.

I Kolindo 4:2

Kunu-phe uoso a mu tuika o kikalakalu kiki, u bhinga u kala fiiele.

I Kolindo 7:10

Phala oso a sakana kiá, ngala ni kijila kia ku a bhana, ki kiami eme, maji kia Ngana, kuila: O muhatu ua sakana, ka di ambudise ni muadi uê.

I Kolindo 7:12

Phala athu amukuá-phe, ngambe eme, Ngana ka zuela: Se phange uala kidistá mudietu u kala ni muhatuʼê ua kambe kuxikana, maji uetaia ku di tuma-nê, muène ka mu ambudise.

I Kolindo 7:28

Ki uila-phe u sakana, ki kituxi ki ua te. O monʼ a muhatu ue kia sakana, ki kituxi kia te. Oso a sakana-phe andù kala ni jingongo mu xitu, maji eme-phe nginda ngi mi tebhunuina-ku.

I Kolindo 7:34

U tandanganha mukonda ala ku mu sunga ku mbandu jiiadi. O mu kuzuela-phe ku mbandu ia ahatu, kutale o atudi, uixi o makudi, ene a lalamena ngoho o kikalakalu kia Ngana, mukonda andala a di bhakula kua Ngana ni mukutu ni nzumbi. Maji o muhatu ua dikaza-phe u lalamena o ima ia mundu iú, mukonda u mesena mu ioso, kioso ki a uabhela muadi uê.

I Kolindo 7:40

Inda-phe o kuzediua kuê kota, se u xala ku utudi. O kiki kiene ki nga xinganeka eme, nga di fika ue kukala ni Nzumbi ia Nzambi.

I Kolindo 7:6

Kiki nga ki ambela-phe mu ku mi bhana ndunge, ki ngi ki ambela-phe mu ku mi bhana kijila.

II Kolindo 11:17

Ki nga mu zuelʼiki, ki nga mu ki zuela kala kia Ngana. Ku maka iâ a ku di hanza, nga mu a zuela muene kala ngi semenhi.

II Kolindo 2:17

Kuma etu ki tua sokela ni athu avulu, a bhinga kuila kia tanga o Maka ma Nzambi ela kala ala ngo mu kuta uenji uâ uosouoso. Maji etu-phe Nzambi muene ua tu katula, kiene kia tu bhekela kuila mù tanga o Maka mê, ki tu zuela ni mangonha bhu mesu mê, kuma tu akalakadi a Kristu.