I Kolindo 7:14 - O Mikanda Ikola

¹⁴ Kuma o diiala dia kambe kukala kidistá, a mu xikina kuala Nzambi mukonda dia kukala ni muhatu ua xikana; o muhatu ua kambe kukala kidistá, a mu xikina kuala Nzambi mukonda dia kukala mu umoxi ni muadi uê ua xikana. Hé ki kiene, anʼ enu ejù kala anʼ a matumbu a kambe kuijiia Nzambi. Maji o kiki-phe, ala anʼ a ngene a Nzambi.

I Kolindo 7:14 ပူးပေါင်းရင်းမြစ်များ

Izaía 52:1

Phaphumuka, phaphumuka eie Ziione, u zakele uzonda ué; Jeluzaleme, u diembu diangene, zakela kuma momué nuka dingi mua ká bokona muthu kʼa mu saie mba kifusa.

Jipoxolo 10:23

Kieniokio-phe Phetele u a bokuesa mʼ onzo, hé u a langeka momo o usuku uenʼ ió. Ki kukia mu kimene, Phetele u katuka, hé uia-nâ. Anga kukala ue athu ku jiphange ja akua Jopa, aia-nê ku mu bheka.

Loma 11:16

Mbata se o dikende dia dianga ku mbolo a di bhakuila Nzambi, ni mbolo ioso iê-muène ue. Se o jindanji ja muxi a ji lumbila Nzambi, ni jithangu ue jê-muène.

I Kolindo 7:13

Ni muhatu uoso uala kidistá mudietu, hé u kala ni muadi uê ua kambe kukala kidistá, maji uetaia o kudituma-nê, ka ambudise muadi uê.

I Timote 4:5

Mu kienhiki, o kimbambʼokio Nzambi u ki xikina, mukonda a ki zelesa ku maka ma Nzambi ni mu kusamba.

Tito 1:15

Uazele, ima ioso i mu zela. Kua iâ phe a bolo, a kambe kuxikana, kana-ku kima kia zele, mukonda ni kilunji kiâ, ni muẋima uâ moxi, ua bolo.