I Kolindo 6:9 - O Mikanda Ikola

⁹ Inga ki mu kʼ ijiia kuma athu abhengalala ka tena kubhingana mu Utuminu ua Nzambi? Kana ku di nganala, kuma ni jindumbu, ni abhezi a iteka, ni akua jiphanda, ni mâla a ilalu, ni mâla akua kubhanga ufusa ni mâla ni akuâ.

I Kolindo 6:9 ပူးပေါင်းရင်းမြစ်များ

Dimatekenu 19:5

anga a handekela Lote, exi: Màla ebhi, u ua langeka usuku ua lelu? A tubhule bhu kanga, tu a ejiie.

Makatukilu 23:1

Kana kuenda ni kabódio; kana kuta lukuaku lué ni mukua phulu, phala ku kala u mbangi ia makutu.

Jisabhu 11:1

Pezu ia kupezala ni mangonha Jihova ia mu ibhila kiavulu; maji o nzongo-phe ia kuzonga mu kidi, iene ku mu uabhela kinéne.

Jisabhu 22:8

Uoso u kuua usuéia, u bhongolola phulu; o ku pholo ku aia, a mu iokojola.

Jisabhu 7:27

Onzo iê kifua iene o ikoka iia mu kina, hé isombokela ni ku kulumuka muene katé mu bombo dia kalunga.

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Izekiiele 18:11

hé u tokoka o kualuka o ijila ioso ioio, o ki mu kala kota o kudila ku milundu, ni kukasanesa o muhatu uangene ua mukuá,

Ijila 18:20

Mukajiʼa mukuenu kana kuzeka-nê mu kuta phanda, koko ku di bhekela dise.

Ijila 18:22

Kana kuzeka diiala ni mukuenu, kala muhatu; kiókio kisunji kiaiibha.

Ijila 19:15

Kana kufundisa ni mangonha; o ki mu fundisa kana kuzamena ngadiama, mba kusuua muthu uonéne; mukuenu mu batuile mulonga uê kala kia fuama mu kidi.

Ijila 20:13

O ki bhu kala ue muthu uzeka diiala ni mukuâ, nʼa mu bhange kala muhatu, kiiadi kiâ abhange mutûta; kiókio kikôla! a fue-phe muene, sé phata. O manhinga mâ a soke-nâ ene kuthandu diâ.

Zakadiia 5:3

Bhenobho u ngambela, uixi: Iá ene o mázui a-nda kua kà di ta ku thandu dia ngongo ioso; Mukonda uoso-uoso u nhana a kà mu jikinisa ku mbandu kuku, ku mázui enhá; o uoso-uoso u loka ngó makutu, a kà mu jikinisa ue ku mbandu ia mukuá ku mázui ene amoxi.

Matesu 19:29

Uoso ue u-xa jinzu, mba jiphange ja mala, mba jiphange ja ahatu, mba tata, mba mama, mba muhatu, mba ana, mba jixi, mu henda ia dijina diami, ioso ia-xi i mu vutukila luhâma, hé ua kà lundula ue ni muenhu ki uàbhua.

Matesu 25:34

Muenexi anga uà kʼambela iá ala ku dilu diê, uixi: Zenu a mi zediuisa kuala Tata iami! Zenu mu lundule o Ungana, a mi iudikila na-u kuala Tata iami tunde ku dimatekenu dia ʼxi.

Luka 21:8

Muène anga ua ambela, uixi: Alukenu, ka mi jimbidise. Mukonda a vulu a-ndu kuiza mu dijina diami, exi: Ememuène ngi Kristu, mba exi: Thembu ia zukama kiá. Enu kana-phe ku a kaiela!

Jipoxolo 20:32

Kiki-phe nga mi xalesa ni ku mi bhakula kua Nzambi ku mi langa, ni mu Njimbu iê ia kiadi i tena o ku mi tunga. Mukonda Muène ua ki soko o ku mi kuatekesa ni muie dingi ku pholo mu nzumbi, ni ku mi bhana o mabesá ió a bhaka Muène phala o mundu uê uoso.

Jipoxolo 24:25

Maji kioso Phaulu kia kala mu kulombolola kioso ki kala o kuiuka, ki kala o kutolola jihanji, ki kala o kufundisa kua hádia, Fele ua teketa, iú ua kumbulula, uixi: Kindala ndeie hanji. Hinu ki ngi kala ni thembu, ngi ku ixana dingi.

Loma 1:18

Kuma tua mono kuila o njinda ia Nzambi ia tukuluka, i tunda mu diulu, hé i tula ku thandu dia ituxi ioso ni kubhukumuka kua athu a bhingi kuila mukonda dia ima iâ iaiibha ia bhanga, a fudisa athu kuijiia o kidi.

I Kolindo 15:33

Kana kudinganala! O ku di lunga ni athu aiibha, ku bolesa o ifua iambote.

I Kolindo 15:50

Ngambe-phe kiki, enu jiphange jami, kuma: O kima kiobhange ni xitu ni manhinga ki ki tena kubhingana mu Utuminu ua Nzambi; o kiokio ki-fua, ki ki tena kukala ni muenhu ki uene dingi kufua.

I Kolindo 3:16

Ni kidi kiene, nga fika mua kʼijiia kuma enu muala mu Tembulu ia Nzambi, o Nzumbi ia Nzambi iú ua tungu moxi dienu!

I Kolindo 5:1

Kia fumana kuma sai mudienu undumbu, undumbu uene ua bhingi né ku matumbu ki u moneka. Kuma ngʼ evu kuila sai diiala mudienu ua sakana ni manhʼâ ia katumba, mukaji a tatʼâ!

I Kolindo 5:10

Ki ngambe-phe ngixi mu gongo mumu enu mu di muangununa ni jindumbu ku mundu, ni jihabhu, ni afumbi, ni abhezi a iteka, kuma hé muambe ku a ebha enʼió, ki bhinga o mu ngongo mu tunda-mu.

I Kolindo 5:11

Maji ki tualʼ iki, eme ngambe kuila se muthu a mu ixana phange ietu u kala ndumbu, mba kinjenje, mba mubhezi a iteka, mba muxingi a jindaka, mba hôlua, mba mukua kutatela akuá ima ka i bhange, mba munhani, athu a kala kiki, kana ku di tambulula-nâ, né ngó kuxikama mu kudia-nâ ku meza.

I Kolindo 6:10

Ni mii, ni akua luimbi, ni jihôlua, ni axingi a jindaka, ni ingulungumba, ene oso kà tena kubhingana mu Utuminu ua Nzambi.

I Kolindo 6:18

Undumbu lengenu-u! Kioso kituxi ki ta o muthu, kituxi ku kanga dia mukutu uê. Muthu uoso-phe u ta phanda, mukutu uê-muène ua u te kituxi.

I Kolindo 6:19

Inga ki mu kʼ ijiia kuma o mukutu uenu tembulu ia Nzumbi Ikôla, uene moxi dienu, mua mu tambula kua Nzambi? Enu-uenu ki mua di vu, (ki mu di tokala dingi enu-uenu).

I Kolindo 9:24

Enuʼ enu mua kʼ ijiia kuma bhu dikanga bhua di kuata o makuenze mu kulenga, ene oso a lenga muene, maji muthu umoxi ngó u tambula o kijimbuete kia kikoue. Kiene ue, enu uenu lengenu, phala mu tambule o kikoue.

II Kolindo 12:21

Ngala dingi ni hele, sumba ki bhita, kuila hinu ki ngiia kuenioko, Nzambi iami u ngi tununa bhu pholo ienu. Hé ngi kala mù dila mukonda dia enʼió avulu, oso a diangele kuta ituxi, maji nguâ kudiela o undumbu uâ ni ufusa, ni uhabhu uoso ua bhange.

Ngalásia 6:7

Kana ku di nganala, Nzambi kene ku mu tobhesa. Kuma muthu kioso kia kuua, kiene kiandù bhongolola.

Matendelelu 22:22

Se bhu kala diiala a mu sanga ua zeka muhatu uangene ua dikaza, kiiadi kiâ áfue muene, ni diiala dioso diazeka muhatu ni muhatu muene. Kuabhu-phe, mu kubhanga kiki Izalaiele mua i zelesa.

Matendelelu 22:5

Muhatu ka tokala kuzuata kizuatu kia diiala; o diiala ue ka tokala kuzuata kizuatu kia muhatu; mbata uoso ubhanga kiki kifusa ku pholo ia Jihova Nzambi ié.

Matendelelu 23:17

Muʼaxaxi ka ilumba ia Izalaiele ki mu kale idianzunga, o muʼaxaxi ka minzangala ia mala ue, ki mu kale ku di ta mituta ni akuá, mu anʼa Izalaiele.

Kolose 3:5

Uila kiki, o jihânji jenu ja mu ngongo jala kukalakala moxi dienu, jibhenu-ju: ni undumbu, ni ufusa, ni hânji jaiibha, ni vondadi jabolo, ni luimbi, ku ma o luimbi lua soko ni kukaiela iteka.

Jihebeleu 12:14

Sotenu kukala ku paze ni athu oso, mu kolokote mu kukala ni muenhu uazele, kuma uoso ua kambe kuzela ka tena kumona Ngana.

Jihebeleu 12:16

Di langienu ue phala ki bhu kale muthu u kala ndumbu, mba kifusa kala Ezaú ua sumbisile o ukota ue mu dilonga dimoxi dia kudia.

Jihebeleu 13:4

O ukaza u kale ku ujitu kua ene oso, o mala ni ahatu a sakana a di kale jifiiele mudiâ. Kuma Nzambi ua kà fundisa o jindumbu ni akuâ jiphanda.

Tiiaku 1:16

Ki mu di nganale, enu phange jami nga mi zola.

I Nzuá 3:7

Enu, tuana tuami, ki mu ehele muthu ku mi jimbidisa! Uoso u bhanga ima iaiuka, muène muthu ua kuiuka, kala kia iuka muène Kristu.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.

Afundixi 19:22

Kioso-phe kiala mu di tambulula kiki, miẋima iâ ia sanguluka, bhu kala iiala iasekala ku akua bhata, a bhongoloka bhu kanga, a kala mu ṗhuṗha ni nguzu ioso ku dibhitu; muadiakime mukua ʼnzu anga a mu ambela, exi: Tubhula diiala dia tula mʼonzo ié, mbe tu mu ijiie.