I Kolindo 5:13 - O Mikanda Ikola

¹³ Athu-phe ku kanga, Nzambi muene ua kà a fundisa. Kala ki ambe o Madivulu a Nzambi: Muthu ió ua bhukumuka mu tubhudienu mudienu.

I Kolindo 5:13 ပူးပေါင်းရင်းမြစ်များ

Jisálamu 50:6

Kiókole ku diulu o kutetuluka kuê; kuma Nzambi muène, muene u kala mufúndixi. (Selah.)

Ndongixi 9:18

Kuma o unjimu kota, o mata a ita ndenge; maji o mukua ituxi umoxi ngó u zanga ndumba dia jimbote.

Matesu 18:17

Kia di tuna kua evua ene, ka ki tangele ngeleja; o ngeleja ue se ua di tunu ku ívua, a ku kale mukuâ ni mukua matumbu, mba mukua kutambula lubhaku.

Jipoxolo 17:31

Mukonda ua xindi kiá kizuua kia kufundisa mundu uoso mu kidi, kua muthu uê ua mu tungula. Nzambi-iú ua tumu ku kʼ ijidisa kua ene oso mu ku mu fukununa ku ʼalunga.

Loma 2:16

Kiene ue ki kia kà kala mu kizuua kia kà fundisa Nzambi ikutu ioso ia sueka athu, kua Jezú Kristu, kala ki ngambe mu Njimbu Iambote i ngene mù tula.

I Kolindo 5:1

Kia fumana kuma sai mudienu undumbu, undumbu uene ua bhingi né ku matumbu ki u moneka. Kuma ngʼ evu kuila sai diiala mudienu ua sakana ni manhʼâ ia katumba, mukaji a tatʼâ!

I Kolindo 5:2

Enu-phe muala kiebhi ni izala iosuʼ oio? Kia mi fuamene kukala ni mala mba avulu, phala uoso ua bhange kienʼ iki ku mu tubhula mudienu.

I Kolindo 5:5

Enu muthu u kala kiki mu bhakuidienu Satana, phala a mu buikise o mukutu uê, maji o nzumbi iê phala i bhuluke mu kizuua kia Ngana Jezú.

I Kolindo 5:7

Kombenu-phe o kifulu-fulu kiokulu kia ituxi, nda mu xale ni kuzela kua kidi. Bhenhobho mbé mu kale mu dikende diobhe, kuma muala ku hangala. Mukonda o fesa ietu ia Phasu, ioiudike kiá, kiosuʼ iki Kristu, o Kambudi ka Phasu ietu a tu satela-nê kiá.

Matendelelu 13:5

O Polofetʼoio-phe, mba ka-jinzojʼó mu mu jibha, mukonda ua tange ima ia kubhumina Jihova Nzambi ienu, ua mi katula mʼoxi ia Ijitu, iú ua mi kula mu dibhata dia ubhika mu mua kexi; muene iú ualu sota ku mi katula mu njila ia mi xindila Jihova Nzambi ienu. Mu kubhanga kiki, mua katula o ku-ibha muʼaxaxe kenu.

Matendelelu 17:12

Muthu uoso-phe usola kunanuka ni ukumbu, na kambe kubatekela kia mu ambela o nganga uene bhu pholo ia Jihova Nzambi ié, ne-mbé kuividila o kizuelu kia mufundixi, nguê na-kiu, kuabhu, muthu ió mu mu jibha afue muene. Sembele mu kubhanga kiki ituxi iende ni kubhua mu Izalaiele;

Matendelelu 17:7

O lukuaku lua jimbangi luene lu mu andekela o ku mu bûba phala ku mu jibha; anga ku kaiela kiua o mundu uoso; mu kubhanga kiki mua katula o kituxi muʼaxaxi kenu.

Matendelelu 21:21

Bhenhobho-phe athu oso a mu mbongeʼomo a mu bûba ni matadi, katé kiafua; mu kubhanga kiki, eie ua bhuisa kikuma muʼ axaxe kenu, phala Izalaiele ioso kia kʼivua, a kale ni uoma.

Matendelelu 22:24

mu a kuata kiiadi kiâ, anga muia-nâ bhu muelu ua mbonge ienhoio, anga mu a bûba ni matadi, katé kiafua; o kilumba, mukonda nguê kudikola mu sanzala; o diiala, mukonda dia sebulula mukajiʼa mukuá; o ki mu zubha kubhanga kiki, mu kaẋi kenu mua zelesa-mu.

Jihebeleu 13:4

O ukaza u kale ku ujitu kua ene oso, o mala ni ahatu a sakana a di kale jifiiele mudiâ. Kuma Nzambi ua kà fundisa o jindumbu ni akuâ jiphanda.

II Phetele 2:9

Kienhiki Nzambi uejiia kukudila akua uôma uê muʼ axaxi ka kudianguka, o akua ikuma u a bhaka katé bhu Kizuua kia Kufundisa, kuma a xikamena kaxtiku.

Afundixi 20:13

Kiki-phe mala enhó a sekala, ala mu Ngibeia, tu bhakuidienu-nâ, tu a jibhe, phala kituxi kiki tu ki bhuise mua Izalaiele. Bajamí-phe ka xikina kuivua o dízui dia akuâ, o phange jê anʼa Izalaiele.