I Kolindo 5:11 - O Mikanda Ikola

¹¹ Maji ki tualʼ iki, eme ngambe kuila se muthu a mu ixana phange ietu u kala ndumbu, mba kinjenje, mba mubhezi a iteka, mba muxingi a jindaka, mba hôlua, mba mukua kutatela akuá ima ka i bhange, mba munhani, athu a kala kiki, kana ku di tambulula-nâ, né ngó kuxikama mu kudia-nâ ku meza.

I Kolindo 5:11 ပူးပေါင်းရင်းမြစ်များ

Jisálamu 10:3

Kuma kisuéia u ta nzabala ia kimbamba kia mu kala mu luimbi luê; mukua kúdia mangonha u tènda Jihova, u mu tobhesa ni malebhu.

Jisálamu 101:5

Uoso uenda ni kabódio ka kutatela mukuâ, ió eme ngi mu jima o mbutu; o uala ni ukumbu ua mesu ni izala ia muẋima, ki ngi mu ehela.

Izekiiele 22:12

Mu kaxi kê eie a tambuila-mu ue ni nduta ia kuzunza o manhinga; dikongo ua di vualesa ni kuvudisa o kitadi ku uenji, iene o ima i ua tambula, eie uemina mukuenu ni ku mu tatesa; maji eme ua ngi jimbi, eme ngi Jihova.

Matesu 18:17

Kia di tuna kua evua ene, ka ki tangele ngeleja; o ngeleja ue se ua di tunu ku ívua, a ku kale mukuâ ni mukua matumbu, mba mukua kutambula lubhaku.

Matesu 23:25

Lambadienu, mu jimesene ja Kitumu ni enu mu jifalizeu, mu akua mangonha! Kuma mu zelesa ku kanga dia kopho ni dilonga, moxi-phe muezala uíi, ni ufumbe, ni uhôlua.

Luka 18:11

O falizeu anga uimana, u kala mú samba ni muẋima uê kiki: Nzambi nga ku sakidila, mukonda ki ngala kala athu amukuá, ala mií, inguángua, ati-a-jiphànda. Nga ku sakidila dingi, Ngana, kuma o mukua kutambula lubhaku iú ngó, eme ki nga sokela-nê.

Luka 21:34

Mu ku zubha, Jezú uixi: Alukenu-phe, ki mu di jimbe! Miẋima ienu ni i biluke ia neme ni kúdia jifesa, ni kunua uhôlua, ni makubhindama ma muenhu iú, kizuua kiókio ni ki mi tukumuise kala mubhetu.

Jipoxolo 1:15

Ki bhua bhiti tu-izuua, a bhongoloka bhu kionge, o mundu uene uala hama ia muthu ni makuinhi aiadi, Phetele anga u imana mu kaxi ka jixibulu, uixi:

Jipoxolo 9:17

Ananiia anga u katuka, hé u bokona mʼonzo ia Juda, o kia tula maku ku thandu dia Saúlu, uixi: Phangeʼ ami Saúlu, o Ngana ietu Jezú ua ku tukulukila mu njila ia Damásku mu uejiia, muène ua ngi tumu ku ku tonesa o mesu, phala uende ni kumona dingi luamukuâ, u izale ue ni Nzumbi Ikôla.

Loma 13:13

Tuendienu kiafuama o kuzela kala ki bhanga oso ala mu mukengeji ua muanha. Kana kuenda mu masemba ni mauhôlua, kana mu maundumbu ni maufusa, kana mu jimvunda ni mafuba.

Loma 16:17

Nga mi diondo-phe, jiphange, di langienu ni enʼió oso ala kubheka o makudimuanga ni kutondalesa akuâ mu kuxikana o ulongelu uâ uengi, ki uene u mua di longo enu. Enʼiá muenda ni ku a ebha.

I Kolindo 10:14

O ki tualʼ iki, akuetu, enu nga ni zola, o ubhezelu ua iteka lengenu-u.

I Kolindo 11:21

Mua mu kuila, kioso ki muia mu kudia, kala muthu u tuamena mukuá mù dia o seialu iê-muene. Kí kia mu bhangesa, o kuila o iá hanji ala ni nzala, o iá a bhixila bhu ditala dia kukodiua.

I Kolindo 5:13

Athu-phe ku kanga, Nzambi muene ua kà a fundisa. Kala ki ambe o Madivulu a Nzambi: Muthu ió ua bhukumuka mu tubhudienu mudienu.

I Kolindo 6:10

Ni mii, ni akua luimbi, ni jihôlua, ni axingi a jindaka, ni ingulungumba, ene oso kà tena kubhingana mu Utuminu ua Nzambi.

I Kolindo 6:6

Nga fika sai-mu! Maji kua mu bhinga-phe o phange uia mu kufunda ni phange iê katé ni bhu pholo ia athu ka xikana!

I Kolindo 6:9

Inga ki mu kʼ ijiia kuma athu abhengalala ka tena kubhingana mu Utuminu ua Nzambi? Kana ku di nganala, kuma ni jindumbu, ni abhezi a iteka, ni akua jiphanda, ni mâla a ilalu, ni mâla akua kubhanga ufusa ni mâla ni akuâ.

I Kolindo 7:12

Phala athu amukuá-phe, ngambe eme, Ngana ka zuela: Se phange uala kidistá mudietu u kala ni muhatuʼê ua kambe kuxikana, maji uetaia ku di tuma-nê, muène ka mu ambudise.

I Kolindo 7:15

Maji o diiala mba muhatu ua kambe kuxikana-phe, kia bhindamena ku di ambudisa, aiê. Mukonda bhu kaẋiʼabha o diiala uala kidistá, mba muhatu uala kidistá, ua jituka phala kutena kusola. Mukonda Nzambi ua tu ixanena kukala ni muenhu ua kutululuka.

I Kolindo 8:11

Kienʼ iki eie o kuijiia kué ku uala na-ku kua bhekela phange ié kutexika, muthu a mu fuila ue kuala Kristu!

Ngalásia 2:12

Kuma ki tua kexile kuila enʼió kiluua eza a tundile kua Tiiaku, akua ʼxi kuenhoko, ki Jijudé, u kala mu kudia-nâ. Maji enʼió-phe kia zubha kuiza, ua lunguluka, ua di abhula mu kisangela kia ió ki Jijudé, mukonda dia uôma ua Jijudé, akua kusaia, anga u mesena kiá kusaiesa ió ki Jijudé.

Efezo 5:18

Kana kukodiua ni vinhu, mukonda i mi bhekela kutexika. Kota mu izale ni Nzumbi ia Nzambi.

Efezo 5:5

Ijiienu-kiu mu kidi, kuma muthu uala ndumbu, kifusa, mukua luimbi, kuma luimbi lua tokala ni ubhezelu ua iteka, kala ni undundu ua kima mu Utuminu ua Kristu ni Nzambi.

Kolose 3:5

Uila kiki, o jihânji jenu ja mu ngongo jala kukalakala moxi dienu, jibhenu-ju: ni undumbu, ni ufusa, ni hânji jaiibha, ni vondadi jabolo, ni luimbi, ku ma o luimbi lua soko ni kukaiela iteka.

II Tesalonika 3:14

Se bhu kala muthu nguê kutumaka o njimbu ietu iii mu mukanda uenhú, muenhó mu tungudienu. Kana ku di lunga-nê, phala sonhi ji mu kuate.

II Tesalonika 3:6

Kiki-phe tua mi tendelela, enu jiphange, mu dijina dia Ngana ietu Jezú Kristu, kuma mu di kalelela ku uphange ni muthu uoso u enda ngó ni ulalu, u kamba kukalakala hé ufula kukaiela dilunda di tua mi bhana.

I Timote 3:3

Ka kale mukua kukodiua mba kiiala kia thathamana, maji u bhinga u kala mukua kilendu, ua xididika. Ka kale mukua luimbi lua kitadi.

I Timote 6:5

ni kuhoia kua kambe mbàmbe kua athu a bolo kilunji, a tokoka o kidi. Athu kala kiki a fika kuila o kubheza (Nzambi) mubhetu ua kumuena umvuama. Athu a kala kiki, a sondoloke.

II Nzuá 1:10

Muthu uoso-uoso u mi sanga, hé u mi bhekela ulongelu uengi, o ua Kristu ki uene, muthu ió kana ku mu tambulula mʼ onzo jenu, kana ue ku mu menekena, muixi: O paze i kale ni eie.

Dijingunuinu 2:14

Sai-phe tuma tuofele tu nga ku êlesa; mukonda sai-ku amoxi-mu bhenhobho a kuata o ulongelu ua Balamu ua longesele Balaki kuta kidibhukanu bhu pholo ia anʼa Izalaiele, mu ku a longesa kuila a fuama kúdia jisata ja makudia ma satela itèka, ni kubhanga maundumbu.

Dijingunuinu 2:20

Nga ku êlesa-phe kima kimoxi. Kuma ua xididikila o muhatu ió Jezabele, ua mu dʼixana kuila polofeta ia Nzambi. Eie ua mu ehela kubhomba ni kulonga selevende jami kubhanga undumbu, ni kudia jisata ja makudia ma satela o itèka.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.