I Kolindo 5:1 - O Mikanda Ikola

¹ Kia fumana kuma sai mudienu undumbu, undumbu uene ua bhingi né ku matumbu ki u moneka. Kuma ngʼ evu kuila sai diiala mudienu ua sakana ni manhʼâ ia katumba, mukaji a tatʼâ!

I Kolindo 5:1 ပူးပေါင်းရင်းမြစ်များ

Dimatekenu 35:22

Anga ki bhita-phe kuila, kioso Izalaiele kia tungu hanji mʼoxi muenhomo, Lubene uia u zeka ni Bila, mukamʼa phaiʼâ; Izalaiele anga u kʼivua. O anʼa Jakobo-phe a mala a kala kuinhi dia muthu ni kiiadi;

Dimatekenu 37:2

Didi diene o dilunda dia muiji ua Jakobo. Zuze kiala hanji mu kuinhi dia muvu ni sambuadi, u kala mu kuinga ibhaku ni jiphange jê; kuma muene ua kexi hanji monʼa ndenge, u kala kumoxi ni anʼa Bila ni anʼa Nzídipa, o akaji a tatʼâ; Zuze anga uia ni ku a tanga kua tatʼâ kuila ala mu bhanga kiaiibha.

Dimatekenu 49:4

Mu ku di takujula-phe kala menha, ukota ua u lémbua; mukonda ua bande bhu hama ia tatʼenu; ua i te lufuku, muanza uami ua u zange.

II Samuuele 16:22

Abisalone anga a mu olekela balaka ku thandu diaʼnzo; Abisalone anga uia, hé u bokona kua akama a tatʼâ, ku mesu a akua Izalaiele oso.

II Samuuele 20:3

Davidi anga u bhixila mʼonzo iê mu Jeluzaleme; muenexi u kuata kuinhi dia muhatu, akamʼê, ua a xile kutambula konda ia dibhata, anga u a bhaka inzo iâ imoxi mu ku a kondeka, u a dikila ni kúdia, maji muene-phe ka a bokona dingi. Anga a kala muenhomo mua a jikila, katé bhu ufuilu uê, kifua mu kikexilu kia utudi.

I Malunda 5:1

O ku ana a Lubene, o phandekumbi ia Izalaiele, mukonda muene ua kexile phande-kumbi, maji mukonda dia ku katula o ujitu ua hama ia tata iê, iú ua i fukuila, uphande-kumbi uê a u bhana ana a Zuze, mona Izalaiele. Maji o Zuze ka mu soneka mu divulu dia Ingo-ia-Vumo kuila muene phandekumbi.

Jelemiia 2:33

Kifua kiene ki ukembesa o njila iéʼokio mu sota o henda? Ki kia bhingi katé-phe ni ahatu a idianzunga, eie ua a longo o jinjila jé.

Izekiiele 16:47

Sumbala kiene, maji eie mu njila jâ ua lémbua kuenda-mu, né ngó kubhanga maufusa kala mâ-ene; maji mukuâ ni kuila kala o ia bhange ene iii, ia tolo, eie mu njila jé joso ua beta dingi o ku di iibhisa ene ndenge:

Izekiiele 22:10

Tata a i zudila momué (Katé o jisonhi jê kia ji mono ku tuana); o muhatu uala mu ijila a mu tela jiphanda momué.

Ijila 18:8

Mukajiʼa tatʼenu eie kana ku mu vungununa o tuẋi iê; se ua mu tale o tuẋi iê, tatʼenu ua mu tale.

Ijila 20:11

Se bhu kala diiala u zeka muhatuʼangeneʼa phaiiʼâ, ua vungununa-phe o mukutu ua phaiiʼâ; kiiadi kiâ a fue muene, sé phata; o manhinga mâ a soke-nâ ku thandu diâ.

Amoji 2:7

Ngadiama, ua tate, ene a mu fufujula o mútue mu mavu; o njila ia athu a lenduka a i bhengeleka; anga ela ni tata ni mona a bokona kilumba kiâ kimoxi, mbebhu kuxingisa o dijina diami di kôla.

Jipoxolo 15:20

Inda tu a sonekena ngó mukanda kuila, kadie jinge kúdia kua kasana, o kúdia xitu iojibhe anga a i satela itèka. Tu a tangela ue kuila, a lenge undumbu, ni kúdia xitu ia kiama kiokhuenhe, mba ue kúdia manhinga.

Jipoxolo 15:29

Kana kudia xitu ia iama iojibhe phala ku i satela iteka. Kana kudia manhinga moso-moso, mba xitu ia kiama kiokuenhe. Ki mu bhange ue undumbu. Ima ieniʼii se enu muenda ni ku i lenga, mua bhange kiambote Tua mi menekena! Mahezu.

I Kolindo 1:11

Kuma a ngi kundu-kiu, kioso ki muala kubhita, phange jami, kuala akua bhata dia Koloue, kuma sai-ku makuzoka mudienu.

I Kolindo 5:11

Maji ki tualʼ iki, eme ngambe kuila se muthu a mu ixana phange ietu u kala ndumbu, mba kinjenje, mba mubhezi a iteka, mba muxingi a jindaka, mba hôlua, mba mukua kutatela akuá ima ka i bhange, mba munhani, athu a kala kiki, kana ku di tambulula-nâ, né ngó kuxikama mu kudia-nâ ku meza.

I Kolindo 6:13

Sai ni iú uanda kuila uixi: O kudia a ku bhanga phala mu mala, o mala a a bhangela phala o kudia! Xi, kiene muene. Maji o Nzambi-phe hinu kiiadi kiâ uanda ku a bhuisa-ku. O mukutu uetu-phe ki u tokala ku u bhakula mu kubhikila undumbu, maji ua tokala kubhikila Ngana. O Ngana muène ua tokala ku uzala o mukutu uetu.

I Kolindo 6:18

Undumbu lengenu-u! Kioso kituxi ki ta o muthu, kituxi ku kanga dia mukutu uê. Muthu uoso-phe u ta phanda, mukutu uê-muène ua u te kituxi.

I Kolindo 6:9

Inga ki mu kʼ ijiia kuma athu abhengalala ka tena kubhingana mu Utuminu ua Nzambi? Kana ku di nganala, kuma ni jindumbu, ni abhezi a iteka, ni akua jiphanda, ni mâla a ilalu, ni mâla akua kubhanga ufusa ni mâla ni akuâ.

II Kolindo 12:21

Ngala dingi ni hele, sumba ki bhita, kuila hinu ki ngiia kuenioko, Nzambi iami u ngi tununa bhu pholo ienu. Hé ngi kala mù dila mukonda dia enʼió avulu, oso a diangele kuta ituxi, maji nguâ kudiela o undumbu uâ ni ufusa, ni uhabhu uoso ua bhange.

II Kolindo 2:5

Maji se sai-ku muthu ua mu kuatesa muthu uoso-uoso mukondo, ki eme a ngi kuatesa mukondo maji enu oso, mba-phe amoxi-moxi-ku mudienu. Nga mi sonekena kienʼiki phala ki ngi mi xine ni nguzu ia vulu.

II Kolindo 7:12

Kienhiki, sumbala nga mi sonekena o mukanda uenhó, ki nga ki bhangela mukonda dia ió ua bhangele kiaiibha, ki mukonda ue dia ió a mu bhangele kiaiibha. Maji nga sonekena phala o muanu uavulu u mua tu kuatela, u di monekene muʼaxaxi kenu bhu pholo ia Nzambi.

Ngalásia 5:19

Imbamba ioio i bhanga o xitu ki i jimbi, ienʼii: Undumbu, ufusa, uhabhu.

Efezo 5:3

O undumbu-phe, ni ufusa uoso, ni hanji jaiibha, ka jʼ ivue né ku ji ta ngó maka mu ʼaxaxe kenu, kala kia fuama akua Ngana.

Matendelelu 22:30

Ki bhua kà kale muthu u sakana mukajiʼa tatʼâ; ki bhua kà kale muthu u vungununa o hama ia tatʼâ ni ku i fukuila.

Matendelelu 27:20

Lamba dia ió uoso uzeka ni mukajiʼa tatʼâ, ió-phe ua fukuila o hàma ia tatʼâ. Mundu uoso a kèla: Amén!

Kolose 3:5

Uila kiki, o jihânji jenu ja mu ngongo jala kukalakala moxi dienu, jibhenu-ju: ni undumbu, ni ufusa, ni hânji jaiibha, ni vondadi jabolo, ni luimbi, ku ma o luimbi lua soko ni kukaiela iteka.

I Tesalonika 4:7

Kuma Nzambi ka tu ixanena kulaia mu ufusa, maji ua tu ixanena kulaia mu kuzela.

Dijingunuinu 2:21

Nga mu bhana o kithangana kia kudiela o ituxi iê, muène-phe nguê kudiela o undumbu uê.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

I Samuuele 2:24

Kana tata, anʼami! Fuma iii i ngala ku mʼivua na-iu ki ia uabha; mundu uangene ua Jihova muala ku a tondalesa.