I Kolindo 4:9 - O Mikanda Ikola

⁹ Kuma eme nga fika etu tu Jipoxolo, Nzambi ua tu bhana o kididi kia sukidila kuema. Ua tu kingisa kala athu a xikamena ku a jibhila bhu mesu a mundu. A tu bhake bhu pholo ia ngongo ioso, ni ji-anju ni athu a tu te mesu.

I Kolindo 4:9 ပူးပေါင်းရင်းမြစ်များ

Jisálamu 44:22

Xi, kuma o ki tualʼiki-phe, a tu jibha-jibha izuua ioso, mukonda dié eie; a tu kita mukua ni jimbudi jiia bhu dijibhilu.

Jisálamu 71:7

Athu avulu a ngi mono ngi kidiuanu; maji eie-phe u Dilengelu diami.

Jelemiia 20:18

Phalaʼhi ngó nga tundu mu divumu, eme ngeza ngó ku tala hadi ni lamba, o izuua iami anga iia ngó ni kujidila mu lusebu?

Jipoxolo 19:29

Mbonge ioso anga izala kavanza. Mundu uoso anga u di lukula muenhu umoxi, hé a kuata ni kuxinjika Ngaio ni Aristarko, akua Masedonia, ene mu kuenda ni Phaulu, katé mu teiatulo.

Jipoxolo 19:31

Sai ue ni makamba mê, makota ma athu mu Azia, a tuma ku mu dionda kuila ka bhange iluezu ia kubokona mu tiiatulo.

Loma 8:36

Kala kia ki soneka mu Mikanda Ikôla, exi: Mukonda diê Eie tuala bhu kibhidi kia kalunga kumbi dioso dia kambamba. A tu kita tu jimbudi jiia bhu matadolo.

I Kolindo 15:19

Se o Krsitu tua mu dielela ngó kunu ku muenhu iú, ku athu oso mu ngongʼumu, etu ene tuala kota mu kuxixima!

II Kolindo 11:23

Kifua ene jingunza ja Kristu? Eme kotʼélele, sumbala nga zuela kala nga tekuka. Mu kukalakala eme kotʼélele, mu jikaleia eme kotʼélele. Mu ku ngi beta ni jisanzu, kotʼélele, mu makufua luavulu muene.

II Kolindo 6:9

kala tu athu ka tu ijiia, manhi a tu ijiia muene kiambote ku athu oso; kala tu athu tua-fu, maji kala ki mua ki mono, etu-etu-ú ni muenhu. Bhu kala ni bhabha a tu bunda ni kibetu, maji ki tu fu.

I Tesalonika 3:3

mbé ki bhu kale muthu mudienu u bhuila nʼa vutuke ku dima mukonda dia jihadi ni izudidiku. Kuma enʼuenu mua kʼ ijiia kuila a tu xindila-ju kuala Nzambi, mukonda iene ue o vondadi iê phala etu.

Jihebeleu 1:14

O kiki-phe, ji-anju kima kiahi bhu pholo iê? Ene oso ala jinzumbi ji sedivila, a a tumu ku sedivisu mukonda dia ibhinganu ia tokala o kubhuluka.

Jihebeleu 10:33

Amoxi mudienu, muedi ni ku mi sebulula bhu pholo ia mundu, a mi ta muondo, a mi tatesa; muedi ue ni kubanda akuenu a a bhangele kienʼ iki.

Jihebeleu 11:36

Amukuâ a bhita ku polova ia ku a bhanga ufusa, ni ku a bhesa jixikote, o amukuâ a a ta ku malubhambu ni ku a jikila mu ʼaleia.