I Kolindo 4:7 - O Mikanda Ikola

⁷ Eie nanhi muène ua kubhangesa kuila akuenu oso u a tunda mu unene? Ngana Nzambi ki muène ua kubhana ioso i uala na-iu? Abha-phe, phala-hi eie u di zangeleka, kala o ioso i uala na-iu, Nzambi ki muène ua ku bhanaiu?

I Kolindo 4:7 ပူးပေါင်းရင်းမြစ်များ

Jisabhu 2:6

Kuma Jihova muene u bhana o unjimu; o mu kanu diê muene mu tunda o kuijiia, muene mu tunda o kilunji.

Izekiiele 29:3

Zuela, kuamba: O Jihova Nzambi uambe kiki: Emʼiú, mu kuzoka nʼeie Falaó, sobha ia Ijitu, u kimudikixi kionéne, ua butama muʼaxaxe ka jingiji jé, eie ua mu kuila, uixi: O ngiji iami, iami eme-muène, kuma eme nga i bhange phala eme.

Daniiele 5:18

Kaxi eie, u sobha, Nzambi Sukeku, uabhele tatʼenu Nabukodonozolo o utuminu, ni ulâmba, hi kijingo ni kizunda.

Daniiele 5:23

Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

Luka 19:13

Anga uixana o kuinhi dia abhika a mu tokala, u a bhana kuinhi dia saku ia kitadi, uixi: Endenu ni kufuna ni kitadʼiki katé ki ngiza.

Nzuá 1:16

Ku nzungule ia umvuama ua henda iê, etu oso tua tambula-ku ndumba ia kiadi mu kiadi.

Nzuá 3:27

Nzuá ua vutula, uixi: Muthu ka tena kutambula kima, se a kambe ku mu bhana-kiu kuala Nzambi ku diulu.

Loma 1:5

O kua Muène kuene Nzambi kua ngi bhela o ujitu ua kukala Poxolo mu kikalakalu kia Kristu mbé kutumakesa o kixikanu ku mundu ua akua jixi joso, mukonda dia dijina diê.

Loma 12:3

Mu kukumbidila o kiadi kia ngi bhana Nzambi mu ujitu uê, ngʼ ambela kala muthu mudienu, kuila: Muthu ka di fike ima ia mu tundu. Maji a banze ni ku di tululula katé ua di fika ia kubatâma. Kienʼ iki kala muthu a di banze kiasoko mu kixikanu kioso kia mu bhana Nzambi.

Loma 12:6

Kiene ue, tuala ni mauhete, iú uengi, iú uengi, kioso kiá kia tu uanena mu kiadi kia Nzambi. Tu kalakale mu mauhete metu ma tu bhana muène. Hé o uhete uetu ua kutula Njimbu ia Nzambi, kikale tu u sokesa mu muxinda ua kuxikana ku tuala na-ku.

I Kolindo 15:10

Maji dioso o ditala-phe di ngeza, nga di bhixila mu kiadi kia Nzambi, o kiadi kiê kia ngʼ idikiza ki kiaii ngó. Inda o jipoxolo ene oso nga a tundu mu kukalakala. Ki ngambe ue ngixi o kikalakalu kiosuʼ iki eme ngó nga ki bhange, maji o kiadi kia Nzambi kiene kia ngi bande.

I Kolindo 3:5

O kiki-phe, Apolo mukua-hi? O Phaulu ue mukua-hi? Etu tuala-phe ngó tu jingunza ja Nzambi; o kokuetu kuene ku mua xikanena Ngana. Kala muthu mudietu-phe ua mu bhanga o kikalakalu kioso kia mu bhana Ngana.

I Kolindo 5:6

Ku di thatha kuenu ki ku uabha! Mbata o Sabhuʼ oio enu mua ijiia kiambote kuma Kakifulu-fulu kofele ka sambuka dikende dioso.

I Kolindo 7:7

Maji eme-muène nginda-phe athu oso a kale uila ki ngalʼ eme. Maji-phe ue kala muthu uala ni ujitu uê ua mu bhana Nzambi; iú ujitu uê uengi, iú ujitu uê uengi.

Tiiaku 1:17

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.

I Phetele 4:10

Muthu uoso uhete uê ua tambula kua Nzambi a u kumbidile mudienu, kala mufuni ua mbote ua kiadi kia Nzambi kia vula o matelu phala mbote ue ia akuâ.