I Kolindo 4:6 - O Mikanda Ikola

⁶ Ima ienʼ iii-phe, enu jiphange jami kixanga ki nga mi tela, mu ku di tanga eme-muène ni Apolo. Nga tange etu kiiadi kietu, kifua kijimbuete, mukonda dia ku mi kala ni henda, phala mu di longe ki ambe o Sabhu kuila: Kana kusomboka ima ioso iòsoneke. Kana ue muthu ukala ni izala ia kuximana muthu umoxi, o mukuá hé u mu tènda.

I Kolindo 4:6 ပူးပေါင်းရင်းမြစ်များ

Jisálamu 146:3

Kana kudielela jingana mu ngongo, mba monʼa muthu ua lémbua kubhandulula, kuma ku monʼa muthu kana-ku kubhuluka kua kima.

Jisálamu 8:4

Muthu muene ua soko kiebhi, phala eie ku mu suua? Mba monʼa muthu, kuila eie u mu ta muẋima?

Izaía 2:22

Kala kiki-phe, o muthu uala ngoho ni mulenge ua kubhuimina mu dizulu diê, mu sondolokienu. Mukonda muene ue a mu ximana ni kima kiahi?

Jipoxolo 18:24

Kiki kueza Judé ku Efezo, dijina diê Apolo, mukua bhata ku Xandediia Muene uala mesene kuma uejiia kiambote o Madivulu ma Nzambi.

Jipoxolo 19:1

Kiosuiki ki ala Apolo mu Korindo, Phaulu kia zubha kunhunga ku madiembu ku thunda, u bhixila ku Efezo, anga u sanga-ku jixibulu.

Loma 12:3

Mu kukumbidila o kiadi kia ngi bhana Nzambi mu ujitu uê, ngʼ ambela kala muthu mudienu, kuila: Muthu ka di fike ima ia mu tundu. Maji a banze ni ku di tululula katé ua di fika ia kubatâma. Kienʼ iki kala muthu a di banze kiasoko mu kixikanu kioso kia mu bhana Nzambi.

I Kolindo 1:12

Nga ki ambela mukonda kala muthu mudienu ua mu zuela ni kiê. Sai-ku ni iú, uixi: Eme ngi mukua Phaulu; o iú uixi: Eme ngi mukua Apolo; o iú uixi: Eme ngi mukua Phetele; o iú uixi: Eme ngi mukua Kristu.

I Kolindo 1:19

Kuma a ki soneka mu Mikanda Ikôla, exi: Jinjimu, ngi buidisa o unjimu uâ; adimuka, o kudimuka kuâ ngi ku kitula kingoho.

I Kolindo 1:31

Kala kiki, uila kia ki soneka mu Mikanda Ikôla, exi: Uoso uandala ku di thatha, a di thathele mu ima ioso i bhanga Ngana.

I Kolindo 13:4

O henda i kolokota mu jihadi, i lenduka. O henda ki i moneka dixinga, o henda ki iene izala, mba ukumbu.

I Kolindo 3:19

Kuma o unjimu ua mundu iú, kua Nzambi uene o uoua. Kiene kia ki soneka mu Mikanda Ikôla, exi: Jinjimu, Nzambi u ji kuatela mu kudimuka kuâ.

I Kolindo 3:21

Uila kiki, kana muthu a te thathe ia ima i bhanga o athu. Kuma ima ioso ienu enuʼ enu,

I Kolindo 5:2

Enu-phe muala kiebhi ni izala iosuʼ oio? Kia mi fuamene kukala ni mala mba avulu, phala uoso ua bhange kienʼ iki ku mu tubhula mudienu.

I Kolindo 5:6

Ku di thatha kuenu ki ku uabha! Mbata o Sabhuʼ oio enu mua ijiia kiambote kuma Kakifulu-fulu kofele ka sambuka dikende dioso.

I Kolindo 8:1

Kindala nganda ku kuata ku maka ma makudia ma satela o iteka. Ni kidi kiene, kala kiene mú ki tanga, etu oso sai kuijiia kuetu. O kuijiia kuenhuku-phe ku nanukisa o mukua ukumbu; maji o henda-phe i tungisa.

I Kolindo 9:23

Ima ioso iii ngi i bhanga mukonda dia Njimbu Iambote, phala ngi tambule ku mbote iê kumoxi ni akuetu.

II Kolindo 10:12

Kia kidi kuila etu ki tu bhumina ku di sokesa, mba ku di fikisa ni amoxi-moxi a di fika ku kala athu onéne. Athu kʼejiia kima! A di sokesa ene mudiâ mu matala ma bhange ene.

II Kolindo 10:15

Uila kiki, ki tua mu di thathela ku ikalakalu ia bhange akuetu mu ididi iala mu jimbambe ja a bhana Nzambi. Maji tua dielela kuma o kuxikana kuenu ku kula dingi. Phala tu tene kubhanga kikalakalu kia beta kota muʼaxaxe kenu, mu jimbambe jene ja tu xindila Nzambi.

II Kolindo 10:7

Enu o ima mu i kaiela ngó o kidifua kia pholo. Muthu-phe se ua di fiiala ku kala mukua Kristu, a xinganeke ngó kienʼiki, kuma kioso kia soko muène ku kala mua Kristu, etu uetu kiene.

II Kolindo 11:4

Mbata enu mu tambulula ni ngalasa ioso muthu uoso-uoso u mi sanga, hé u kola Jezú iengi, ki muène Jezú tua mu kola etu. Anga mu xikana nzumbi iengi, mba njimbu iengi ki iene ia Nzumbi ia Nzambi i mua tambuile ko kuetu-etu!

II Kolindo 12:19

Enu mua mu fika kuma etu tua mu di lungisa bhu pholo ienu. Ki ki xikina! Tua zuela kala kia tu tumu Kristu, bhu pholo ia Nzambi. Ima ioso-phe i tu bhanga, enu akuetu, ia ku mi kuatekesa.

II Kolindo 12:20

Kuma ngala ni héle, sumba ku matelu-matelu, hinu ki ngi mi sanga, ki mu kala uila ki nga mi mesena kukala, eme uami ki ngi kala uila ki mua ngi mesena kukala. Ngala ue ni hele, sumba ku matelu-matelu hinu nga kà sanga jimvunda ni madixinga, kizembu ni luimbi, makulokalala, kutangelela, ukumbu, ni jikavuanza.

II Kolindo 12:6

Kuma se ngandalele ku di hanza, ki ngeji ku kala ngi semenhi, kuma nga tange o kidi. Maji nguami ku di hanza, phala kana muthu u ngi fika ni ukota uengi, ki kiene kia ngi mono, kia ngʼivu.

II Kolindo 4:15

Kuma ima iene ioso iii ia bhitila mukonda dienu. Mu kienhiki o kiadi kia Nzambi ki kale mu kusambuka dingi ku athu avulu, o athu enhá na kale mu vudisa dingi o misambu ia kusakidila, mu kufumanesa Nzambi.

Kolose 2:18

Kana kuehela muthu nʼ a mi tambule o dilau dienu, ni kuila kuma muene uala kota mu ku di tolesa kua vondadi iê, ni mu kubheza ji-anju. Muthu u kala kiki, ua landukila ngó o ima ia mono muene iú ua nanuka ngó mu ilunji iê ia xitu.

I Tesalonika 1:5

Kuma o Njimbu Iambote ki tu mi tudila-iu mu kuzuela ngó, maji ni nguzu, ni Nzumbi Ikôla, ni kujimbuluka kuila ia kidi. Enʼuenu mua kʼijiia, se tua kexile tu athu ahi mu ʼaxaxe kenu, mukonda dia mbote ienu-enu.

II Timote 2:10

Uila kiki, ima ioso ngi kolokota na-iu, mukonda dia athu a ngene a Nzambi òsole. Ngi ki bhangela phala a tambule ubhulukilu uene mua Kristu Jezú, kumoxi ni kijîngo ki kié-kiene kutunuka dingi.