I Kolindo 4:4 - O Mikanda Ikola

⁴ Kuma ki ngejiia kikuma ki ngala na-kiu. Maji ki bhene ngó bhu ngi lungila. U ngi tokuesa muène Ngana.

I Kolindo 4:4 ပူးပေါင်းရင်းမြစ်များ

Jobe 15:14

Muthu kima kiahi, phala a kale ni kuzela? Ió a mu vuala ku muhatu u kala kiebhi mukua kidi?

Jobe 25:4

Muthu-phe u kala kiebhi ni kuiuka bhu pholo ia Nzambi? Ió a mu vuala ku (monʼa) muhatu, u kala kiebhi ni kuzela?

Jobe 27:6

O kuiuka kuami ngi ku naminina muene, ki nga-nda ku kueha, kana; mbata o muẋima uami ki ua mu ngʼelesa ngó kizuua kimoxi kioso-kioso kia muenhu uami.

Jobe 40:4

Ngana, eme nga bolo; ngi ku vutuila kima kiahi? Ku dikanu diami ngi ta-ku o lukuaku luami.

Jobe 9:20

Né-mbe eme ngiia ngixi nga lunguʼami, hanji dikanu diami diene dia kà ngi belesa; né-mbe ngedi muene phophotʼó, Muene hanji a kà ngi mona kuma ngi mukua mulonga.

Jisálamu 130:3

Eie, Jihova, se kuila u kuata konda ia ituxi ietu ioso, nanhi muene u tena kuimana bhu pholo ié?

Jisálamu 143:2

Kana kufunda ni selevende ié; kuma ku mesu mé-eie muthu uebhi u tena kulunga?

Jisálamu 19:12

Nanhi u tena ku di tongolola o isenga iê-muêne? Ngi loloke, Ngana, o ikuma ioso ia ngi jimbi eme-muène.

Jisálamu 26:12

Kinama kiami kia kuata kiá mu njila iasokelela; ngi benzela Jihova mu kionge kia akuetu.

Jisálamu 50:6

Kiókole ku diulu o kutetuluka kuê; kuma Nzambi muène, muene u kala mufúndixi. (Selah.)

Jisabhu 21:2

Muthu kia tala o jinjila jê joso, u ji mona kuila ja uabha muene; maji Jihova u solokota muene katé bhua suku o miẋima.

Jisabhu 29:26

Avulu ene mu kusota ku di uabhesa ku jisobha jala kutumina, maji Jihova muene u batula o milonga ia muthu ni muthu.

Nzuá 21:17

Anga u mu ambela lua katatu, uixi: Ximá, monʼ a Jona, eie ua ngi zola? Phetele anga u kenanana, mukonda tatu kiá ni ku mu ibhula: Eie ua ngi zola? Anga uitaia, uixi: Ngana, eie uejiia ima ioso, ua kʼijiia kuma eme nga ku zola! Kuala Jezú: Disa jimbudi jami.

Jipoxolo 23:1

Phaulu bhenhobho Kionge kioso u kʼixi sûi, uixi: Enu akuetu! Eme ngende bhu pholo ia Nzambi ni muẋima ua kidi, katé mu kizuua kia lelu.

Loma 2:13

Kuma oso evui a Kitumu, ki ene a lunga kua Nzambi; maji oso atumaka, a bhanga kia tumu o Kitumu, ene a lunga.

Loma 4:2

Kuma se Mbalahamu ua lungile mu ikalakalu ia bhangele, muène uala ni nzabala iê; maji bhu pholo ia Nzambi, kana.

I Kolindo 4:3

Maji eme ki ki ngi kate kiavulu, se enu mu ngi tokuesa, mba bhu kionge kia athu oso-oso bhua ngi tokuesa. Eme-muène ngó ue ki ngi di tokuosa.

I Kolindo 4:5

Uila kiki, kana kuêlesa muthu kiluua a bhixila bhu thembu iê. Kingenu o kufundisa kua kà suka-ku kia kéza Ngana. Muène uà kʼela iosueke mua vundu u i bheka bhua zele, ni ixinganeku iala mu miẋima ia athu u i tukulula. Kiene muthu ni muthu kia ka tambula kua Nzambi o diximanu diê dioso dia mu tokala.

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

II Kolindo 5:10

Kuma etu ene oso tua bhingi hadia tu tukulukila bhu kibhuna kia Kristu phala ku tu fundisa kuala muène. Kala muthu phala a tambule kioso kia fuama mu imbamba ioso ia bhanga jinga ku mukutu, kixi iambote, kixi iaiibha.