I Kolindo 4:20 - O Mikanda Ikola

²⁰ Kuma o Utuminu ua Nzambi ki uende ni kuzuela, maji ni nguzu.

I Kolindo 4:20 ပူးပေါင်းရင်းမြစ်များ

Loma 1:16

Mbata eme nga dielela kiavulu o Njimbu Iambote; kuma iene o nguzu ia Nzambi i bhulukisa oso a xikana; ku dianga o Judé, hé ku kaiela ió oso ki Jijudé.

Loma 14:17

Kuma o Utuminu ua Nzambi ki ua kudia ni kunua, maji ua kuiuka, ni kutululuka, ni kusanguluka ku bhana o Nzumbi Ikôla.

Loma 15:19

mu nguzu ia isumua ni madiuanu ni mu nguzu ia Nzumbi ia Nzambi. Mu kieniiki tunde mu Jeluzaleme ni mu jimbandu jê, katé ku Ilidiko, nga bhiti-ku ni kukola o Njimbu Iambote ia Kristu.

I Kolindo 1:24

Maji phala ene-phe oso a exana, kuala Nzambi, ni ku Jijudé, ni kua ió ki Jijudé, Kristu muène o nguzu ia Nzambi. Muène o unjimu ua Nzambi.

I Kolindo 2:4

O kuzuela mu kulonga kuami-phe, ni njimbu iami i nga boka jinga, ki kua kexile kua maka ma kaiela mu unjimu ua uzuelelu ua athu, maji kua kexile kua maka ma kaiela mu unjimu ua uzuelelu mu uijidisu ni nguzu ia Nzumbi ia Nzambi.

II Kolindo 10:8

Eme ki ngala ni jisonhi, né mbe ngi ta thathe ia kijingu kietu kia tu bhana Ngana. O kijingu kiki, kia ku mi kudisa enu mu nzumbi, ki kia ku mi muanga, kana.

I Tesalonika 1:5

Kuma o Njimbu Iambote ki tu mi tudila-iu mu kuzuela ngó, maji ni nguzu, ni Nzumbi Ikôla, ni kujimbuluka kuila ia kidi. Enʼuenu mua kʼijiia, se tua kexile tu athu ahi mu ʼaxaxe kenu, mukonda dia mbote ienu-enu.