I Kolindo 4:2 - O Mikanda Ikola

² Kunu-phe uoso a mu tuika o kikalakalu kiki, u bhinga u kala fiiele.

I Kolindo 4:2 ပူးပေါင်းရင်းမြစ်များ

II Jisobha 12:15

Athu a kexi mu ku a bhana o kitadi bhu maku mâ phala ku ki uanena oso a kexi mu bhanga o kikalakalu, ka kexi mu kuʼebhula muoso mua ila o kitadi, mbata ene o ima ioso a kexile mu ku i bhanga ni kitongola kioso.

II Jisobha 22:7

Maji-phe ene ka bhange-nâ dingi jikonda ja kitadi kioso kia a bhana jinga bhu makuʼâ, mukonda o ima a kexe mu ku i bhanga ni kitongola kioso.

Jisabhu 13:17

Kisuéia kia phunga, mua bhita u xisa divuua; maji o kilolo-phe kia fiiele, o kua bhita, u bheka kudisanza.

Dialuilu 12:7

Ki kiene-phe ki ngi bhanga ni mubhikʼami Mozé; muene muthu uaiuka mu dibhata diami dioso.

Matesu 25:21

Kuala ngana iê: Kiauabha! Diebhe-ku selevende iambote, ia fiiele. Eie ua kexi fiiele mu imbamba iófele, ngi ku zangeleka ku imbamba iavulu. Bokona mu ngalasa ía ngana ié.

Matesu 25:23

Kuala ngana iê; Kiauabha! Selevende iambote ia fiiele. Eie ua kexi fiiele mu imbamba iófele, ngi ku zangeleka ku imbamba iavulu. Bokona mu ngalasa ia ngana ié!

Luka 12:42

Ngana Jezú, uixi: Nanhi-phe o kimbadi kia mukua kidi, mukua kilunji? Muenhó, ngana iê ua mu bhake ku pholo ia abhikʼê, ni a a bhane kúdia kuâ mu ji-ola ja tokala.

I Kolindo 4:1

Etu tua tokala kuila enu mu tu banza kuma tu jingunza ja Kristu, tu imbadi a tu tuika kulonga o kidi kia ijinganu ia Nzambi.

I Kolindo 4:17

O mukonda dia kiki, kiene ki nga mi tumikisina Timote. Muène monʼ amiʼ a henda, ua fiiele mua Ngana. Muène uanda ku mi kuatekesa mu kulembalala o maulongelu mami u ngene mú kaiela ku muenhu ua ubhe mua Kristu, kala ki ngene kulonga kuene kuoso mu Jinga-leja joso.

I Kolindo 4:3

Maji eme ki ki ngi kate kiavulu, se enu mu ngi tokuesa, mba bhu kionge kia athu oso-oso bhua ngi tokuesa. Eme-muène ngó ue ki ngi di tokuosa.

I Kolindo 7:25

Ki tu kuata ku maka ma makudi a anʼa ilumba, ki ngala ni kijila kia ngi bhana Ngana. Maji ngi mi longesa-phe kioso ki nga fika, eme uami ngi muthu a ngi kuatekesa kuala Ngana kukala fiiele.

II Kolindo 2:17

Kuma etu ki tua sokela ni athu avulu, a bhinga kuila kia tanga o Maka ma Nzambi ela kala ala ngo mu kuta uenji uâ uosouoso. Maji etu-phe Nzambi muene ua tu katula, kiene kia tu bhekela kuila mù tanga o Maka mê, ki tu zuela ni mangonha bhu mesu mê, kuma tu akalakadi a Kristu.

II Kolindo 4:2

Imbamba ioso-phe ia kubhanga ni kusueka ni ioio ia jisonhi, tua i dila hunji. Ki tu bhange kudimuka, o maka ma Nzambi ki tu a lungulule mu mangonha. Inda tu bhanga jinga ima ia fuama o kidi, kiene kia bhekela o ku tu tumbula kuala enhoso, bhu pholo ia Nzambi.

Kolose 1:7

O kienʼiki mua di longo-kiu kua mukuetu Epafala, kamba dietu tua mu zola, mukua ku tu kalakela mua Ngana ni kitongola kioso.

Kolose 4:17

Ambelenu Arkipo, muixi: Xinganeka ungunza ué u ua tambula kua Ngana, u u kumbidile.

Kolose 4:7

Ioso i ngala kubhita na-iu kunu, Tixiko ua kà mi kunda-iu. Kuma muène Phangʼietu ia henda, ngunza ia fiiele, mukalakadi ni mukuetu mu sedivisu ia Ngana.