I Kolindo 4:17 - O Mikanda Ikola

¹⁷ O mukonda dia kiki, kiene ki nga mi tumikisina Timote. Muène monʼ amiʼ a henda, ua fiiele mua Ngana. Muène uanda ku mi kuatekesa mu kulembalala o maulongelu mami u ngene mú kaiela ku muenhu ua ubhe mua Kristu, kala ki ngene kulonga kuene kuoso mu Jinga-leja joso.

I Kolindo 4:17 ပူးပေါင်းရင်းမြစ်များ

Jisabhu 13:17

Kisuéia kia phunga, mua bhita u xisa divuua; maji o kilolo-phe kia fiiele, o kua bhita, u bheka kudisanza.

Dialuilu 12:7

Ki kiene-phe ki ngi bhanga ni mubhikʼami Mozé; muene muthu uaiuka mu dibhata diami dioso.

Matesu 24:45

Nanhi-phe selevendeʼoio ia fiiele, ia dimuka, ngana iê ua mu lekela kutambula konda ia dibhata diê, ku a uanena kúdia kuâ mu ola joso ja tokala?

Matesu 25:21

Kuala ngana iê: Kiauabha! Diebhe-ku selevende iambote, ia fiiele. Eie ua kexi fiiele mu imbamba iófele, ngi ku zangeleka ku imbamba iavulu. Bokona mu ngalasa ía ngana ié.

Matesu 25:23

Kuala ngana iê; Kiauabha! Selevende iambote ia fiiele. Eie ua kexi fiiele mu imbamba iófele, ngi ku zangeleka ku imbamba iavulu. Bokona mu ngalasa ia ngana ié!

Jipoxolo 16:1

Phaulu anga u bhixila ue ku Derbe ni ku Listra. Kuenioko anga a sanga-ku xibulu imoxi dijina diê Timote. Muenʼ iú mamʼ â Judé, ua xikana kiá, maji o tatʼ â Ngeleku.

I Kolindo 11:16

Se bhu kala muthu-phe ua mesena u ki kuatela jiphata, eme ngi mu tangela ngó kuma etu ki tuala dingi ni kifua kiengi mu Jingeleja ja Nzambi, bhu mabhongolokelu a kubheza Ngana.

I Kolindo 11:2

Kiki nga mi ximana kuma mua ngi lembalala mu ima ioso, mua jijila ue o ilekelelu iami i nga mi xila.

I Kolindo 11:34

Maji muthu se nzala ia mu kuata, a die ku bhata diê, phala o kubhongoloka kuenu-phe ki ku kale kua ku di bhekela kaxtiku ka Nzambi. Maka oso-phe a xala-ku, hinu nga a bheka mu uiukilu uê, kioso ki nga kà mi sanga.

I Kolindo 14:33

Mukonda ue o Nzambi ka tu ixanena phala ni tuende ni kubhanga kavanza, maji ua tu indi ima ioso tu i ta mu ididi iê.

I Kolindo 16:1

Kiki-phe o mukungu ua kitadi u muala kubhanga phala akua Ngana ku Judeia, kioso ki nga tumu o Jingeleja ja Ngalásia, kiene ue ku mu bhanga enu.

I Kolindo 16:10

Kienʼ iki Timote se uiza kuenhoko, bhangenu kioso ki mua tena, phala a kale mu ʼaxaxe kenu sé hele, kuma muene mukua kukalakala sedivisu ia Ngana, mukuá ni eme-muene.

I Kolindo 4:14

Ima ienʼ iii ki nga i soneka mu ku mi kuatesa enu jisonhi. Maji mu ku mi dimuna, kala mu tuana tuami muène, tata!

I Kolindo 4:15

Kuma né-mbé mu kala ni kuinhi dia midi dia jimesene ji mi longa mua Kristu, ki mu vudila kukala ni jitata, mukonda muala ngó ni tata imoxi iene. Kuma eme nga mi vuala mua Kristu Jezú, kioso ki nga mi bhekela o Njimbu iê Iambote.

I Kolindo 4:2

Kunu-phe uoso a mu tuika o kikalakalu kiki, u bhinga u kala fiiele.

I Kolindo 7:17

Maji-phe kala muthu a kale mù kioso kia mu uanena Ngana, kioso o kikexilu kiê kia mu ixanena Nzambi, kiene kiá ki enda. Kiene ki ngene ku a longa mu Jingeleja joso.

I Kolindo 7:25

Ki tu kuata ku maka ma makudi a anʼa ilumba, ki ngala ni kijila kia ngi bhana Ngana. Maji ngi mi longesa-phe kioso ki nga fika, eme uami ngi muthu a ngi kuatekesa kuala Ngana kukala fiiele.

II Kolindo 8:18

Tua katula ue kumoxi ni muène, phange ietu ene ku mu xila mu jingeleja joso, mukonda dia kikalakalu kiê kia kukola o Njimbu Iambote.

Efezo 6:21

Phala mu ijiie imbamba ioso kunu ni kioso ki ngala kubhita, Tixiko, phange ietu ia muẋima, ngunza ia fiiele mua Ngana, ua kà mi kunda ima iene ioso.

Filipe 2:19

Nga fika-phe, mua Ngana Jezú, kuma kindala ngi tuma Timote ku mualʼ oko, phala o muẋima u ngi uabhe mù kuivua o jinjimbu ja kioso ki muala kubhita.

Filipe 2:22

Enuenu-phe, muène mua muijiia kioso kia tundu kiambote mu ku mu lola. Kuma mukuâ ni mona u di tuma ni tatʼ â, muène kiene ue kia di tumu ni eme, mu ku sambukisa o Njimbu Iambote.

Kolose 1:7

O kienʼiki mua di longo-kiu kua mukuetu Epafala, kamba dietu tua mu zola, mukua ku tu kalakela mua Ngana ni kitongola kioso.

Kolose 4:9

Nga katula ue ni Onézimo, Phangʼietu ia fiiele tua mu zola, ua mi tokala kuenhoko mudienu. Ene a kà mi kunda ima ioso iala kubhita kunu.

I Timote 1:18

Timote, monʼami, o mutendelelu iú nga ku xila-u eie. Uene ua lungila mu kukumbidila o mizambu ia jipolofeta, ia ku tunguile na-iu eie tunde mʼukulu. Maka iá a di bhange iene o ibhakatu ié, ki uenda ni kùlua ita iambote.

I Timote 1:2

nga sonekena Timote, monʼami ua kidi mu kuxikana. Nga ku indila kiadi, ni henda, ni paze, i tunda kua Nzambi Tata ietu, ni kua Kristu Jezú, Ngana ietu.

II Timote 1:2

Nga sonekena Timote, monʼamiʼa kazola mu kuxikana. Nga ku indila kiadi ni henda ni kubatama ku tunda kua Nzambi Tata, ni kua Kristu Jezú, Ngana ietu.

II Timote 2:2

Ima i uévua jinga ko-kuami bhu pholo ia jimbangi javulu, lûndisa-iu ku athu ala jifiiele, a tena ue kulonga akuâ.

II Timote 3:10

Eie-phe ua kaiela jinga ulongelu uami, ni uendelu, ni ukanenu ua muenhu uami. Uene mu kaiela ue ni kuxikana kuami ni kuxididika, ni henda, ni kinhenge, ni mu malebhu, ni mu jiphaxi.

Tito 1:5

Mukonda dia kiki, kiene ki nga ku xila mu kikolo kia Keleta, phala u bheke mu uiukilu uê ima ioso ia kambe-ku hanji ku i bhanga. U tumbika adiakimi mu jingeleja joso ku mabhata-mabhata, uila ki nga ku tumu eme.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.

Dijingunuinu 2:13

Nga ku ijiia bhu ua tungu. Bhene bhuala o kiandu kia Satana. Eie-phe dijina diami ua di jijila, kua ngi di tunu o kixikanu kiami, né mu izuua ia Antipa mbangi iami, fiiele iami, a mu jibhila muʼaxaxe kenu bhenhobho bhua tungu Satana.