I Kolindo 4:12 - O Mikanda Ikola

¹² Tu tala hadi mu kukalakala ni maku phale kumona kia kudia. Ela a tu xinga, etu tu benzela. Ela a tu zukutisa, etu tu kolokota ni kinhenge.

I Kolindo 4:12 ပူးပေါင်းရင်းမြစ်များ

Matesu 5:11

Mua zediua enu, kia mi xinga, kia mi zukutisa, kia mi âmba ima iaibha iavulu ia makutu, mukonda diami eme.

Matesu 5:44

Eme-phe ngi mi ambela: Zolenu nguma jenu; a sambedienu kua Nzambi, oso a mi tatesa; benzelenu a mi bhubhidila, bhangenu mbote oso a mi zembe.

Luka 23:34

Jezú-phe uixi: Tata, athu iá a loloke. Mukonda kejiia kioso kiala kubhanga! Ene anga a uana izuatu iê ni ku i tela jisorte.

Luka 6:28

Benzelenu oso a mi bhubhidila; Sambelenu oso a mi bhana o malebhu.

Nzuá 15:20

Lembalalenu o maka u nga mi ambela, ngixi: Mubhika ka tundu ngana iê. Se a ngi zukutisa eme, enu uenu a mi zukutisa; se aiuka maka mami, enu a mi aiuka ue o maka menu.

Jipoxolo 18:3

Phaulu anga u a kana ene, mukonda ufunu uâ uene umoxi, anga u xala-nâ, hé a kala mu kalakala, kuma o ufunu uâ kutunga jibalaka.

Jipoxolo 20:34

Enʼuenu mua kʼijiia kuma o maku ami iá, ene a ngi bhandulula mu ioso i tua bhindamene na-iu, ni eme ni akuetu u nga di nhengene-nâ.

Jipoxolo 7:60

Anga u fukama, u di kola di dizui dia suina, uixi: Ngana, kana kuta kituxi kiki mu konda iâ! O kia zubha ku ki zuela, u batula muenhu.

Loma 12:14

Bhingenu Nzambi kuila a benzele oso a mi zudidika. Xi, bhingenu phala a a zediuise, mukonda inda o kubenzela kana kubhubhidila.

Loma 12:20

Maji enu mu bhanga jinga kala ki ambe o Mikanda Ikôla, kuila; O nguma ié se ua mu mono ni nzala, mu bhane kudia. Se ua mu mono ni dinhota, mu bhane menha. Kuma mu kubhanga kiki, eie uala ku mu tula makala ma uama ku thanduʼ a mutue uê.

Loma 8:35

Nanhi-phe ua kà tu batukisa ku henda ia Kristu? Ngongo, inga phaxi, inga izudidiku, inga nzala, inga tuẋi, inga dibhulubhulu, inga xibhata?

I Kolindo 9:6

Inga eme-muene ngó ni Barnabé, ki tu tena kufula kukalakalela o huta ietu?

II Kolindo 11:8

Kioso ki nga kexi kukalakala muʼ axaxe kenu, a kexi ku ngi futa ku jingeleja jengi. Jingeleja jamukuâ nga ji fumbu mu kutambula futu kua ene, phala ku mi kuatekesa enu.

Efezo 4:28

Uoso ua nhanéne, ka nhane dingi; inda a mateke kukalakala, mbé a kale ni muenhu uambote ua ujitu, nʼ a tene kukuatekesa mukuâ uoso ua bhindama.

I Tesalonika 2:9

Mu xinganeka, jiphange, o kukalakala kuetu ni hadi i tua tale! Kioso ki tua mi tudila o Njimbu Iambote ia Nzambi, tua kalakala muanha ni usuku phala kana muthu mudienu tu mu nemena.

II Tesalonika 3:8

Kana ue muthu tua mu dila ngó o kudia kuê, etu tua kambe ku mu futa. Maji, bhu kididi kia kukamba kukalakala, etu tua fubuka ni kututumba katé tua bhuila. Mu kukalakala, ki tu zumbuka usuku mba muanha, phala kana muthu tu mu nemena.

I Timote 4:10

Kiene kia mu tu bhekela kubhânga ni kukalakala kiavulu, mukonda kudielela kuetu kua kuata kua Nzambi ia muenhu, Mubhuludi ua athu oso, kota-kota dingi ua ió oso a xikana.

I Phetele 2:23

O kia mu xingile, ka vutuile ndaka. Kia mu kuamene, ka tele ndumu, maji mulonga uê-phe ua u ehela Nzambi muenhó mukua kufundisa kiaiuka.

I Phetele 3:14

Se enu mua tale hadi-phe mukonda dia kuiuka, mua zediua! Ki mu kale ni uôma ua muthu, ki mu tandanganhe.

I Phetele 3:9

Kana kuvutula phulu mu phulu, kana kuvutula ndaka mu ndaka. Bhu kididi kia ndaka ki kale-phe mu vutula dibesá, kuma Nzambi kiene kia mʼixanena, ni mu lundule dibesá.

I Phetele 4:19

Uila kiki, oso a tala hadi mu vondadi ia Nzambi, o mienhu iâ ende ni ku i lundisa kua Bhanga dia Bhanga dia fiiele, mu ʻkubhanga jinga imbamba ia mbote, kuma Muène kene kufula mu kukumbidila o kizuelu kiê.

Juda 1:9

Sumbala né Mingedi-phe, kota dia jianju ka tenene kubhanga kiokio. Kuma kia di kuatele ni Diabhu o phata ia kumona uoso u xala ni mukutu ua Mozé, Mingedi ka bhuminine ku lebhula Diabhu, inda uixi-phe ngó: Ngana a ku bazele.