I Kolindo 4:10 - O Mikanda Ikola

¹⁰ Etu tuala tu ioua, mukonda dia Kristu, enu-phe mua Kristu mu jinjimu! Etu tua bhuila, enu mua suina; etu tu tambula malebhu, enu mu tambula o fuma.

I Kolindo 4:10 ပူးပေါင်းရင်းမြစ်များ

II Jisobha 9:11

O Jehu kioso kia tundu ku kanga kuala o jiselevende ja ngana iê, a mu kumbulula, exi: Kiebhi? Ioso ialʼé muene kiambote? O dilaji didi uejile kokué, ihi kia mu bheka? Muene ua a vutuila, uixi: O muthu iú enu mua muʼijila kiambote ni uzuelelu uê.

Jisabhu 11:12

Muthu uoso uia ni kuila kia tala mukuá ki kima, ua kambe kilunji; maji o ua tetulukʼó, u di xibha ni muelu hudí.

Izaía 53:3

Kia kexi, a mu di tunu, muene o muthu a beta o ku mu tènda ni ku mu sebulula mu athu oso; mukua misusu; muthu uejidila o kutala hadi; uedi kala ió athu a mu bhana jinga dikunda ni ku mu suekela o pholo; kia kexile a mu ehelela, ki bhuala dingi muthu ua mu suu.

Hozeia 9:7

Kuma izuua ia ku a zungila ia bhiẋila, izuua ia kuvutula phonzo ieza-bhu; o Izalaiele ua-nda ku di muena-kiu hé u kʼijiia, kuila o polofeta iê ua di bhange kiôua, o mukua kuzambula u xingila makutu; mukonda ua di vudisila o ikuma iê, kiene uê kia kà mu vudixila o luma.

Matesu 24:9

Kienhókio, a kà mi bhakula mu ku mi talesa hadi, ni ku mi èlesa, ni ku mi jibha. A kà mi zemba kuala akua jixi joso mukonda dia dijina diami.

Matesu 5:11

Mua zediua enu, kia mi xinga, kia mi zukutisa, kia mi âmba ima iaibha iavulu ia makutu, mukonda diami eme.

Luka 10:16

Bhenhobho Jezú anga u ambela o maxibuluʼê, uixi: Uoso u mʼívua enu, eme a ngʼivu; uoso u mi tènda, eme a ngi tènde; o uoso-phe u ngi tènda eme, ua tènda ió uoso ua ngi tumu.

Luka 18:9

Jezú anga u ta dingi o kifikʼiki, kiatokala amoxi a di fiiala o kuiuka, kuma ene abhangi-a-mbote, anga a tènda akuâ, uixi:

Luka 6:22

Mua zediua, athu se a mi zembe, a mi katula mu ukamba uâ, a mi lebhula, a mi texi dijina dienu kuma exi mu athu aiibha, mukonda dia Monʼa Muthu.

Jipoxolo 17:18

Anga ku kala jindongixi ja akua kisoko kia Epikulu, ni kia Jistoiku, a takana-nê. Amoxi exi: Muenʼiú ua kambe o kuijiia, uala kusabhula kiebhi? Amukuâ exi: Uedi kala uala ku tu tangela mahamba a jixi jengi. Ene a kexi mu zuela kiokio mukonda Phaulu ua tumbula Jezú ni difukunukinu.

Jipoxolo 17:32

O kia mu ivu kutanga o madifundu kufukunuka, amoxi-mu olela; amukuâ exi: Hundu ioio tu andala hinu tu ivua dingi thembu iengi.

Jipoxolo 26:24

Kia kala muène mu kufunda kiki, Festu u di kola, uixi: Eie Phaulu, ua saluka! O kuijiia kuavulu, kua ku bhekela kusaluka!

Jipoxolo 9:16

Eme-muène ngi mu longesa o jiphaxi javulu ja bhingi kuila muène u ji bhita mukonda dia dijina diami.

I Kolindo 1:21

Kuma o Nzambi, mu unjimu uê, ua bhangesa kuila athu a lémbua ku mu ijiia Muène, mu kuijiia kua ene, maji kia mu uabhela kubhulula oso a xikana. O kienhiki, Nzambi ua ki bhangela mu uoua ua maka mê u tuala kutula.

I Kolindo 1:23

Maji etu-phe tuala mù kola Kristu, muthu ua fuila ku dikulusu, kia bhingi o Njimbu iê phala Jijudé kima kia a xitisa mu thulu phala ió ki Jijudé exi uoua.

I Kolindo 1:25

Mukonda o iedi kala uoua ua Nzambi, ia somboka o kuijiia kuoso kua athu; o ioso iedi kala kubhuila kua Nzambi, ia tundu o nguzu ioso ia athu.

I Kolindo 10:12

Uila kiki, uoso ua di fika kuila uemana, a di lange phala ka di bhale.

I Kolindo 2:14

Kuma o muthu kia kala ngó mukutu ua xitu, ua kambe o Nzumbi ia Nzambi, ka tena kutambulula ima ia Nzumbi ia Nzambi, u tokoka ku i tongolola. Mbata phala muène i mu kala uoua, ka tena ku ijiia, mukonda ima i bhinga a i tongolola mu nzumbi.

I Kolindo 2:3

Kienhokio, ki ngele ku mi kunda, anga ngi kala mu ʼaxaxe kenu, nga kexi ni nduezu, hé ngi kala mu kuteketa ni uôma uavulu.

I Kolindo 3:18

Ki bhu kale muthu u di nganala. Se muthu ua di fika kukala njimu mudienu, ku unjimu ua mu ngongʼumu, a biluke kiôua phala a kale ni kuijiia kua kidi.

I Kolindo 3:2

Nga mi disa lete, kana kudia kua nguzu, kuma ki mu ku tenene luua. Katé ni kiki ki mu ku tena, kuma hanji muala mú laia ku mundu iú kala mu akua xitu.

I Kolindo 4:8

Enu ioso i mua bhindamena, muala na-iu kiá! Muala kiá mu jimvuama! Mua tambula kiá ungana, etu-phe kana! Tamanu mua kexile mu jisobha mu kidi kiene, mbé etu uetu ni tu kale ku ungana mu kutumina kumoxi ni enu.

II Kolindo 10:10

Iâ amba exi: O mikanda ia Phaulu ia neme, ia nguzu. Maji o kia kala ni etu mukua uôma, o maka mé ma kuata usudi.

II Kolindo 11:19

Enu mu ejiia kiavulu, katé mu lendukila ni muanu uoso o jisemenhi!

II Kolindo 11:29

Ki bhu kala muthu ua bhuila, eme uami ki ngi bhuidisa. Se bhu kala muthu u di bhala mu ituxi, eme-phe ki ngi tatesa kiavulu muene.

II Kolindo 13:9

Kiene ki tu sangulukila, kioso etu ki tuila kala tua bhuila, enu anga mu kala ni nguzu. Kiene kiá ki tuene ku mi sambela phala enu mu tenene.

II Kolindo 4:12

Kienhiki kalunga ka bhanga o kikalakalu kiê mo muetu, maji o muenhu-phe u bhanga o kikalakalu kiê mo muenu.

II Kolindo 6:8

Tu tambula ujitu, ni ku tu kambesa ujitu, mu ku tu lebhula, ni ku tu ximana. A tu bhanga kala tu akua makutu manhi tu akua kuzuela kidi;

I Tesalonika 4:8

Uila kiki, uoso ua ditunu o ulongelu iú, ki muthu a mu ditunu, maji ua ditunu Nzambi mukua ku mi tumikisa o Nzumbi iê Ikôla.

I Phetele 4:14

Kuma se a mi bhana malebhu mu kukaiela o dijina dia Kristu, mua zediua. Mukonda kia lombolola kuila o Nzumbi ia fuma, Nzumbi ia Nzambi, ua mi tula ku thandu.