9 Kuma etu tuala tu jingunza, tu kalakala kumoxi phala Nzambi, o enuʼ enu muala mu dibhia di bhanga Nzambi o kikalakalu kiê. Enu muala ue mu inzu i tunga Nzambi.
Mu ngongo mu kale nzungule ia masa katé ni ku thandu dia milundu; ixina iê i kale mu lokosa kala muxitu ua Libano; athu mu jimbonge joso a kale mu fuafua kala iangu mu mukáu.
Mbata mukuâ ni kikala o mavu a sabhukisa o ngolôngo iê, kala ue o honga ki i fuafuesa ioso ia kuna-mu, kiene ue Ngana Nzambi kia-nda kusabhukisa o kuiuka ni diximanu phala o mbutu ioso ia athu.
ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.
Kala kiki, ngi ku ambela dingi, kuma eie Phetele, o bhu ndànji iíi, bhene bhu ngi tunga o Ngeleja iami, o mielu ia Kalunga ki ia kà tena ku i lundumuna.
O maxibulu anga a muangana, he a boka o Njimbu Iambote mu ididi ioso. Ngana muene anga u kalakala-nê, he u kuatesa o Maka-mê ni ijimbuete ia madiuanu ia kaiela-ku.]
Inga ki mu kʼ ijiia kuma o mukutu uenu tembulu ia Nzumbi Ikôla, uene moxi dienu, mua mu tambula kua Nzambi? Enu-uenu ki mua di vu, (ki mu di tokala dingi enu-uenu).
O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.
Kuma etu tuala tu ufunu ua Nzambi muene, ua tu kalakela mua Kristu Jezú phala tu kale mù bhanga imbamba iambote, ioso ia tu iudikila Nzambi muène, phala tu kale mù kuendela-mu.
Mu ta jindanji jenu mua muéne, anga mu sabhuka mua muène, mua di sokejeka mienhu ienu mua muène, mua kolo mu kuxikana kuenu, kala kioso kia mi longo na-ku. Hé muizala ue ni ku mu sakidila jinga muène.
O ki kala-phe ngi bhanga hanji izuua, mukanda iú u ku idikiza kioso kia tokala kukala athu mʼonzo ia Nzambi, kuma o inzo iê iene o ngeleja ia Nzambi ia muenhu, o philadi ni disesa kua tula o kidi.
Maji-phe Kristu fiiele, kuma Mona mu dibhata dia Nzambi. Etu-phe tua kà kala tu dibhata diê, se tua jijila o kubhua uôma ni kudielela kuetu ku tua di fiiala ku kioso ki tua kinga, katé bhu disukilu.
Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.