I Kolindo 3:8 - O Mikanda Ikola

⁸ Maji ni iú ua kunu, ni iú ua tekela, a soko, kuma ene oso ene amoxi. Kala muthu-phe hinu ua kà tambula o nganhu iê kua Nzambi, kioso kia tokala mu kukalakala kuê.

I Kolindo 3:8 ပူးပေါင်းရင်းမြစ်များ

Jisálamu 62:12

Ni kulenduka kua ku tokala, eie Ngana; kuma eie-muène u vutuila o muthu kala kioso kia fuama mu kukalakala kuê.

Jisabhu 27:18

Uoso uinga mufiku, ku mufiku udia-ku ibundu iê; uoso ue uxibhidila ngana iê, u tambula ujitu.

Daniiele 12:3

Oso a dimukine mu kuenda kuâ, a kà lekujuka kala ki benha o muanha ua diulu, oso a longa jinga o mundu ku sota ni kukaiela o kulunga, à kà benha mukuâ ni jithéthembua katé ku hádia ni hádia.

Matesu 16:27

Mbata Monʼa Muthu ua kèza mu kijingu kia Tata iê, kumoxi ni ji-anju jê; Thembuʼoio, kala muthu, ua kà mu vutuila kioso kia tokala mu ikalakalu iê.

Luka 19:19

Ngana iê u mu ambela ue muène, uixi: Nga ku bhana ue kutumina sanzala jitanu.

Loma 2:6

Kuma muène ua kà uanena athu oso kala kia tokala mu imbamba iâ ia bhanga jinga.

I Kolindo 15:58

Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.

I Kolindo 3:14

Uoso muthu o thungu iê i xala ia tungila ku disesa kuenhoko, muene ua kà tambula nganhu.

I Kolindo 3:7

Uila kiki, ua kunu ki kima, ua tekela ki kima, maji o ua kulu-phe Nzambi ua tena kukudisa.

I Kolindo 3:9

Kuma etu tuala tu jingunza, tu kalakala kumoxi phala Nzambi, o enuʼ enu muala mu dibhia di bhanga Nzambi o kikalakalu kiê. Enu muala ue mu inzu i tunga Nzambi.

I Kolindo 4:15

Kuma né-mbé mu kala ni kuinhi dia midi dia jimesene ji mi longa mua Kristu, ki mu vudila kukala ni jitata, mukonda muala ngó ni tata imoxi iene. Kuma eme nga mi vuala mua Kristu Jezú, kioso ki nga mi bhekela o Njimbu iê Iambote.

I Kolindo 9:7

Dikuenze kuẋi ki aia ku ita, muene u sota o huta iê? Mba nanhi u phapha dibhia dia ji-uva nʼ a kambe kudia ku idima iê? Mba nanhi u bhila kilunga nʼ a kambe kutambula ku lete i bhana o kilunga?

Ngalásia 6:4

Kala muthu a lole o uendelu uê, mbé o kia ta nzabala, i kale ia kibhangelu kiê-muene, sé kubhindamena kudifikisa mu uendelu ua athu engi.

Ngalásia 6:5

Kuma muthu ua bhingi uambata o kimbamba kiê, muthu uambata o kimbamba kiê.

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.

I Phetele 5:4

Kioso o Mubhidi ua Dikota-phe kia kà tukuluka, mu tambule kitundu ki kia kà lela dingi.

II Nzuá 1:8

Di langienu, ki mu jimbidise o ima ioso i mua kalakala kiá, phala mu tambule kubhanduluka kua soko, kua tenena.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.

Dijingunuinu 22:12

Jezú uixi: Bhulakanenu! Eme ngi lenguluka kuiza! Ni kifutilu kiami nganda kuiza na-kiu, mu kuuanena athu oso kioso kia tokala mu ima iâ ioso ia bhanga jinga.