I Kolindo 3:6 - O Mikanda Ikola

⁶ Eme nga kunu o mbutu, Apolo ua i tekela, maji o ua i kudisa-phe Nzambi.

I Kolindo 3:6 ပူးပေါင်းရင်းမြစ်များ

Jisálamu 127:1

Jihova se ua kambe kutunga dibhata, a tala ngó hadi oso a di tunga; Jihova se ua kambe kulanga mbonge, mulangidi né ua tono, lémbue.

Jisálamu 62:11

Nzambi ua zuela kima kimoxi; eme nga kʼivu muene luiadi: Kuma o kutena kua ngene kua Nzambi.

Jisálamu 62:9

Mukonda, ni kidi kiene, akua ditala diófele kingoho, o akua ditala dia dikota ue makutu; ku a ta ku pezo, ki bhuala ua di tungula, ene oso a bhebhuluka mukuâ ni ukumbu ngó!

Jisabhu 11:25

Muenhu ua muthu ua uabhela ku uanena akuá, u mona mbote; kuma uoso u tekela, muene ue a mu tekela.

Izaía 61:11

Mbata mukuâ ni kikala o mavu a sabhukisa o ngolôngo iê, kala ue o honga ki i fuafuesa ioso ia kuna-mu, kiene ue Ngana Nzambi kia-nda kusabhukisa o kuiuka ni diximanu phala o mbutu ioso ia athu.

Jipoxolo 11:18

Ene kia zubha kuivua imʼ iii, phata iabhu. Anga a ximana Nzambi, exi: Manhi ni akua matumbu uâ Nzambi ua a bhana o kudiela, nʼamone o muenhu ki uabhua!

Jipoxolo 14:27

O kia zubha kutula ni kubhongolola o Ngeleja, a a kunda ima ioso ia bhange Nzambi ni ene. A a kunda ue kioso Nzambi o njila ia kuxikana, kia i jikuila o matumbu.

Jipoxolo 16:14

Ku ahatu a mu kuivua, anga bhu kala muhatu, dijina diê Lidia. Muenʼiú ngenji, mukua kufuna purpura ia kuteka, o ku bhata diê ku Tiiatila, mubhezi a Nzambi; muene anga u tu ivua. Muenʼiú Ngana ua mu jikula o muẋima mu kutambulula o maka ma tange Phaulu.

Jipoxolo 18:24

Kiki kueza Judé ku Efezo, dijina diê Apolo, mukua bhata ku Xandediia Muene uala mesene kuma uejiia kiambote o Madivulu ma Nzambi.

Jipoxolo 19:1

Kiosuiki ki ala Apolo mu Korindo, Phaulu kia zubha kunhunga ku madiembu ku thunda, u bhixila ku Efezo, anga u sanga-ku jixibulu.

Jipoxolo 21:19

Phaulu kia zubha o ku a menekena, muène ua a kunda mu kimoxi-kimoxi ima ioso ia bhangesa Nzambi mu ukunji uê ku matumbu.

Loma 15:18

Kuma ki ngi di metena ima iengi, maji ngi tanga ngó ioso ia kalakala Kristu ni eme mu kubhangesa akua jixi jengi kutumaka Nzambi. Kieniiki ngene ku ki bhanga jinga ni ku maka ni ku ikalakalu,

I Kolindo 1:12

Nga ki ambela mukonda kala muthu mudienu ua mu zuela ni kiê. Sai-ku ni iú, uixi: Eme ngi mukua Phaulu; o iú uixi: Eme ngi mukua Apolo; o iú uixi: Eme ngi mukua Phetele; o iú uixi: Eme ngi mukua Kristu.

I Kolindo 1:30

Maji enu-phe Nzambi muene ua mi ongeka kumoxi ni Kristu Jezú, a mu bhange kuala Nzambi kukala muene unjimu uetu. O mua Kristu muene mua tu ẋikinina Nzambi bhu pholo iê, ni ku tu bhanga tu mundu ua ngene ua Nzambi, iú ua tu bhulula.

I Kolindo 3:22

kixi Phaulu, kixi Apolo, kixi Phetele, kixi o mundu iú, kixi muenhu, kixi kufua, kixi o ima iala-ku kindala, kixi ima ià keza-ku,— iene ioso iii ienu enuʼ enu;

I Kolindo 3:7

Uila kiki, ua kunu ki kima, ua tekela ki kima, maji o ua kulu-phe Nzambi ua tena kukudisa.

I Kolindo 9:1

Manhi eme ki ngi di vu? Ki ngala ngi Poxolo? Ngana ietu Jezú, manhi ki ngi mu mono mesu? Manhi enuʼ enu ki mu ibundu ia kikalakalu kiami mua Kristu?

Efezo 3:17

Eme nga mu bhinga dingi phala Kristu a mi tunge ku miẋima ienu mu kuxikana. Nga mu samba phala o ki muila mua te jindanji, mua kuata, mua xikama mu henda,

I Tesalonika 1:5

Kuma o Njimbu Iambote ki tu mi tudila-iu mu kuzuela ngó, maji ni nguzu, ni Nzumbi Ikôla, ni kujimbuluka kuila ia kidi. Enʼuenu mua kʼijiia, se tua kexile tu athu ahi mu ʼaxaxe kenu, mukonda dia mbote ienu-enu.