I Kolindo 3:5 - O Mikanda Ikola

⁵ O kiki-phe, Apolo mukua-hi? O Phaulu ue mukua-hi? Etu tuala-phe ngó tu jingunza ja Nzambi; o kokuetu kuene ku mua xikanena Ngana. Kala muthu mudietu-phe ua mu bhanga o kikalakalu kioso kia mu bhana Ngana.

I Kolindo 3:5 ပူးပေါင်းရင်းမြစ်များ

Matesu 25:15

Iú anga u mu bhana talendu jitanu ja kitadi; o iú jiiadi, o iú imoxi; kala muthu kioso kia soko na-kiu; anga u katuka njila iê.

Luka 1:2

Ene a i soneka kala kia tu tangelele na-iu oso a kexile jimbangi tunde ku dimatekenu, anga a kala jiphoxi ja diambu.

Nzuá 3:27

Nzuá ua vutula, uixi: Muthu ka tena kutambula kima, se a kambe ku mu bhana-kiu kuala Nzambi ku diulu.

Jipoxolo 18:24

Kiki kueza Judé ku Efezo, dijina diê Apolo, mukua bhata ku Xandediia Muene uala mesene kuma uejiia kiambote o Madivulu ma Nzambi.

Jipoxolo 19:1

Kiosuiki ki ala Apolo mu Korindo, Phaulu kia zubha kunhunga ku madiembu ku thunda, u bhixila ku Efezo, anga u sanga-ku jixibulu.

Loma 15:16

Kia ku kala ngi mukunji ua Kristu Jezú, phala kukalakalela akua jixi jengi, ió ki Jijudé. Nga di bhange kala ngi nganga ia kutula o Njimbu Iambote ia Nzambi. Nga mu bhanga kiki phala o ió ki Jijudé a di bhange sata ia xikina kuala Nzambi mu dibônzo dia Nzumbi Ikôla.

I Kolindo 12:28

Kiene kia bhekesa kuila, mu Ngeleja, ima ioso Nzambi ua i te mu ididi iêʼ Moxi, ua diangesa o Jipoxolo; iadi, kua kaiela o jipolofeta; o tatu, uate jimesene ja kulonga mu Ngeleja. Iú uate-ku dingi ni abhangi a isuma; uixi ni ia a tambula o umesene ua kusaka jihaxi; amukuá a tambula uhete ua kukala akuatekexi, mba ua kukala atumini, mba ue kuzuela jimbimbi jengi.

I Kolindo 16:12

O ki mu ibhula phange ietu Apolo, nga mu diondele kiavulu kuila kumoxi ni jiphange nʼ a mi sange koko, maji o muene-phe ki kia vondadi iê kuia kindala. Maji hinu uia, bhuoso bhu a muena kithangana.

I Kolindo 3:10

Mu kukalakala ni kiadi kia Nzambi, kioso kia ngi bhana, kuma ngi mutungi a hete, eme nga te disesa bhoxi, o mukuetu iú ua tungu ku thandu diê. Uoso-phe muthu u tunga, a di lange o utungilu uê.

I Kolindo 3:22

kixi Phaulu, kixi Apolo, kixi Phetele, kixi o mundu iú, kixi muenhu, kixi kufua, kixi o ima iala-ku kindala, kixi ima ià keza-ku,— iene ioso iii ienu enuʼ enu;

I Kolindo 3:7

Uila kiki, ua kunu ki kima, ua tekela ki kima, maji o ua kulu-phe Nzambi ua tena kukudisa.

I Kolindo 9:17

Kala kiki, o kikalakalu kiki se ngi ki bhanga mu vondadi iami, sai nganhu iê. Maji se ngi ki bhanga, mukonda kiene kia ngi fuama, mbata kikalakalu kia ngi tuika Nzambi.

II Kolindo 11:23

Kifua ene jingunza ja Kristu? Eme kotʼélele, sumbala nga zuela kala nga tekuka. Mu kukalakala eme kotʼélele, mu jikaleia eme kotʼélele. Mu ku ngi beta ni jisanzu, kotʼélele, mu makufua luavulu muene.

II Kolindo 3:3

Kiene-phe! Kristu muene ua soneka o mukanda uenhú, iú ua u tumikisa nʼetu. Uene ki uòsoneke ni tinda, ku mabaia ma matadi, maji ku miẋima ia athu, ni Nzumbi ia Nzambi ia muenhu.

II Kolindo 3:6

Mbata muène ua tu lendesa kukala tu jingunza ja kikutu kiobhe. Kuma o kitumu kia kusoneka ni mixinda ki jibha, maji o Nzumbi ia Nzambi-phe i bhana muenhu.

II Kolindo 4:1

Mukonda ia kiki, etu ki tu kala ni usudi, kuma o Nzambi, mu henda iê, muène ua tu bhana o kikalakaluʼiki.

II Kolindo 4:5

Kuma, etu ki tua di kola etu ene, maji tua kola Kristu Jezú kuma muene Ngana, o etuku tuala tu abhikʼenu mukonda dia Jezú.

II Kolindo 4:7

O umvama uenhú-phe etu tuala na-u tuedi kala tu itutu ia mavu a hatu, phala kulondekeza kuila o nguzu i lenda ioso itunda kua Nzambi, ki ietu etu, kana.

II Kolindo 5:18

Ima ioso-phe iii, Nzambi muene na i bhange, ua tena ku tu lunguluila mua Kristu ni tu kale tu makamba mê etu tua kexile tu jinguma, iú ua tu bhana o kikalalalu kia kubhanga kuila akuetu uâ a biluka makamba ma Kristu.

II Kolindo 6:1

Uila kiki, ki tuedi tu akuenu mu kikalakalu kia Nzambi, tua mi bhingi kiki: O kiadi kia Nzambi, ki mua tambula kiá, ki mu ki ehele dingi ku di bota.

II Kolindo 6:4

Inda-phe tu idikiza mu ima ioso kuila tuala tu jingunza ja Nzambi, mu ʼkolokota kiavulu ni muanu uoso mu jihadi, mu makubhindama ni mu jiphaxi.

Efezo 3:7

Iene o Njimbu Iambote ia ngi katuila kuma ngi ngunza, mukonda dia kiadi kia Nzambi kia ngi bhana mu kukalakala kua nguzu iê.

Kolose 1:23

Kikale-phe mu kolokota mu kuxikana, mua kuata, mua xikama ku disesa dia kòlo, ki mu xikina ku mi sendumuna mu kudielela ku mua tambula kioso ki muevu o Njimbu Iambote. O Njimbu Iambote ieniʼoio, iene ia ngi katula, eme ngi Phaulu, mu kukala ngi ngunza iê, phala ku i kola mu ngongo ioso.

Kolose 1:25

Eme ngala ngi ngunza ia ngeleja mu kizuelu kia Nzambi, muène ua ngi xindila o kibatu kiki phala enu mu mone mbote. Xi, muène ua ngi tumu ko kuenu phala ku mʼivisa kiambote ni kivimba kioso o Maka ma Nzambi.

I Timote 1:12

Eme nga sakidila Kristu Jezú, Ngana ietu, ua ngi bhana o kutena kua kubhanga o kikalakalu kiami. Nga mu sakidila muène, kuma ua ngi mono kukala fiiele, iú ua ngi bokuesa mu ungunza uê phala ku mu bhikila.

I Phetele 4:10

Muthu uoso uhete uê ua tambula kua Nzambi a u kumbidile mudienu, kala mufuni ua mbote ua kiadi kia Nzambi kia vula o matelu phala mbote ue ia akuâ.