I Kolindo 3:3 - O Mikanda Ikola

³ Mbata ki mua di kala ni dixingʼ okio, enu mua mu di kuata mudienu, kifua ki ki mʼidikiza kuila hanji muala mu akua xitu, muala kuenda mu kikexilu kia athu oso?

I Kolindo 3:3 ပူးပေါင်းရင်းမြစ်များ

Hozeia 6:7

Maji ene o kikutu a ki matuka, kala kia bhange Adá; ia a ngi balukila, ni ku ngi bhanga phulu.

Loma 13:13

Tuendienu kiafuama o kuzela kala ki bhanga oso ala mu mukengeji ua muanha. Kana kuenda mu masemba ni mauhôlua, kana mu maundumbu ni maufusa, kana mu jimvunda ni mafuba.

I Kolindo 1:10

Nga mi diondo-phe, jiphange, mu dijina dia Ngana ietu Jezú Kristu, kuila mu dʼivua jinga kiambote mu kuzuela, ki mu kale mu kudiuana-uana ku ibuka-ibuka mudienu. Inda mu kala kumoxi kiambote mudienu, mu kala ni kilunji kimoxi, mu fika kiene kimoxi.

I Kolindo 1:11

Kuma a ngi kundu-kiu, kioso ki muala kubhita, phange jami, kuala akua bhata dia Koloue, kuma sai-ku makuzoka mudienu.

I Kolindo 11:18

Kima kia dianga, a ngi tangela kuila sai ibuka ia athu mudienu a muia ni kudikuata kioso ki mu bhongoloka mu Ngeleja. Ku mbandʼuku eme nga ki xikina kuila kidi.

I Kolindo 3:4

Kuma ki mua mu kuila, eme iú: Ngi mukua Phaulu, eme iú: Ngi mukua Apolo, kifua ki muala kubhanga kala mu athu ngó a mundu iú?

II Kolindo 12:20

Kuma ngala ni héle, sumba ku matelu-matelu, hinu ki ngi mi sanga, ki mu kala uila ki nga mi mesena kukala, eme uami ki ngi kala uila ki mua ngi mesena kukala. Ngala ue ni hele, sumba ku matelu-matelu hinu nga kà sanga jimvunda ni madixinga, kizembu ni luimbi, makulokalala, kutangelela, ukumbu, ni jikavuanza.

Ngalásia 5:15

Maji se mu kala uila mu iama, ni ku di ta mazu, ni ku di hamena mudienu, di langienu-phe, kuma muanda kudiua enu oso, hé mu jima o mbutu, se mu kamba kukuata kilunji.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

Tiiaku 3:16

Kuma bhuoso bhuala o difutu ni kumesena kuila ima ioso eie ngó, bhu kala ue kavuanza ni isunji ioso ia ima iaiibha.

I Phetele 4:2

Kala kiki, o thembu ienu ia mi xala-ku mu xitu, ki mu ende dingi mu jihânji jaiibha ja athu, maji kiá mu vondadi ia Nzambi.