I Kolindo 3:18 - O Mikanda Ikola

¹⁸ Ki bhu kale muthu u di nganala. Se muthu ua di fika kukala njimu mudienu, ku unjimu ua mu ngongʼumu, a biluke kiôua phala a kale ni kuijiia kua kidi.

I Kolindo 3:18 ပူးပေါင်းရင်းမြစ်များ

Jisabhu 26:12

Eie ua mono muthu ua di fika njimu ku mesu mê muene? Muenhó, sembele o kiôua u mu dielela dikue muene.

Jisabhu 3:5

Dielela kua Jihova ni muẋima ué uoso; kana kudielela ngó o kilunji kié

Jisabhu 3:7

Ku di-mone unjimu ku mesu mé eʼmuene; ku phulu tunda-ku, u xile Jihova,

Jisabhu 5:7

Kiki-phe enu mu ana, ngʼivienu kunu, maka ma dikanu diami ki mu a lueze.

Izaía 44:20

Lémbue: ukuata ku di-dikila ni uthôkua; muẋima uê ua juuala uene ua mu luezesa; bhua telʼobho ka tena dingi kubhulula o muenhu uê, mba kuila: Mbé bhu lukuaku luami lua kúdia ki bhuala makutu?

Izaía 5:21

Lamba dia ió oso a di mona kuijiia ku mesu mâ ene, a di fika kudimuka ku mesu mâ-ene muene.

Jelemiia 37:9

Jihova phe uambe kiki: Ki mu tobhese mienhu ienu, ni kuila: Amá! Ki bhuala phata muene! Akua Kaldeia a-nda ku tu xa muene! Mbata ka-nda ku mi xa-phe.

Jelemiia 8:8

Muila kiebhi-phe: Etu tua dimuka, o ngonge ia Jihova tuala na-iu? Talesa-ze, o pena ia makutu ia asoneki iala ku tala ngó hadi mu ku kalakala.

Matesu 13:22

A mu kuua mu minha, muenhú uívua maka, maji o luímbi lua mu ngongo-phe ni kusênduka kua jimbongo, kubhaka o maka mu a vundu, anga u tokoka kuima ibundu.

Matesu 18:4

Uoso-phe u di tolesa kala o kamonʼ aka, muène kota mu Utuminu ua Diulu.

Marku 10:15

Kidi kiene ngi mi ambela: Uoso u kamba kutambulula o Utuminu ua Nzambi kala kamona ka ndenge, uene ka ka u bokona.

Luka 18:17

Kidi muene ngi mi ambela: Uoso u kamba kutambulula o Utminu ua Nzambi kala kamona ka ndenge, ka kà mona-mu kididi.

Luka 21:8

Muène anga ua ambela, uixi: Alukenu, ka mi jimbidise. Mukonda a vulu a-ndu kuiza mu dijina diami, exi: Ememuène ngi Kristu, mba exi: Thembu ia zukama kiá. Enu kana-phe ku a kaiela!

Loma 11:25

Uila kiki, ki ngi mesena jiphange, kuila mu kamba kuijiia o kijingano kiki, mba mu kala mu jinjimu ja ku di metena: mukonda o kuxita mu thulu kua kuata Izalaiele, ki kuanda kujiza, maji katé ngó kia kà bokona muvimba ua dialuilu dia akua jixi jengi, ió oso ki Jijudé, ki eza kua Nzambi.

Loma 12:16

Kalenu ni muẋima umoxi mudienu ua ku di tuma kiambote. Ki mu di zangeleke ni ukumbu, maji mu xikina kubhanga ikalakalu ia kikexilu kiatolo.

I Kolindo 15:33

Kana kudinganala! O ku di lunga ni athu aiibha, ku bolesa o ifua iambote.

I Kolindo 3:17

Kala kiki, se muthu u muanga o Tembulu ia Nzambi, muenʼió Nzambi ua kà mu muanga ue. Kuma o tembulu ia Nzambi i kôla, enu uenu mu tembulu iê.

I Kolindo 4:10

Etu tuala tu ioua, mukonda dia Kristu, enu-phe mua Kristu mu jinjimu! Etu tua bhuila, enu mua suina; etu tu tambula malebhu, enu mu tambula o fuma.

I Kolindo 6:9

Inga ki mu kʼ ijiia kuma athu abhengalala ka tena kubhingana mu Utuminu ua Nzambi? Kana ku di nganala, kuma ni jindumbu, ni abhezi a iteka, ni akua jiphanda, ni mâla a ilalu, ni mâla akua kubhanga ufusa ni mâla ni akuâ.

Ngalásia 6:3

Kuma se o muthu ua di fika kukula, manhi muene ki kima, muene ua dinganala.

Ngalásia 6:7

Kana ku di nganala, Nzambi kene ku mu tobhesa. Kuma muthu kioso kia kuua, kiene kiandù bhongolola.

Efezo 5:6

Ki bhu kale muthu u mi nganala ni maka ma usemenhi; kuma ima ienʼ íii iene i bheka o njinda ia Nzambi ku thandu dia oso abhukumuka.

II Timote 3:13

Maji athu aiibha-phe, akua makutu, jindunge jâ jiia ni ku di bandekeza, a nganala athu, maji ene uâ aia ni ku a nganala.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

Tiiaku 1:22

Kalenu mu abhangi a maka, kana akua kuivua ngó, mu kumbidile kioso kiala ku mi tuma o maka enhá. Ki mu kuate kudinganala jinga enu-enu.

Tiiaku 1:26

Sai muthu ua di fika kukala mubhezi a Nzambi? Se u kamba kuijiia o kukuika o dimi diê, o kubheza kuê kua ngoho, iu ua mu di nganalʼê muène mu muẋima uê.

I Nzuá 1:8

Se tuedi tuixi ki tu moneka ituxi, tua di nganala etuene, o moxi dietu ki muala kidi.