I Kolindo 3:13 - O Mikanda Ikola

¹³ Kala muthu, o utungilu uê ua kà di monekena mu kizuua kia Kristu. Mukonda o tubhia tua kizuuʼ ikio, tuene tuà kedikiza o ukalakelu ua muthu ni muthu; kuma o tubhia tuene tu lola o utungilu uê, mba ua kidifua kiahi.

I Kolindo 3:13 ပူးပေါင်းရင်းမြစ်များ

Izaía 28:17

Ubatuilu ngi u ta mu dinha, o kulûnga ngi ku zonga ni pulumu, anga bhuà kala mvula ia matadi ia kà kungulula o dilengelu dia makutu, o menha anga a kà bobesa o disuamenu diâ.

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Jelemiia 23:28

Uoso polofeta uala ni nzoji, a tange o nzoji iene. O ió uoso uala ni maka mami momué, a zuele maka mami ni kidi. Kuma Jihova uixi: Ibhiate iala ni kima kiahi ni tiliku?

Jelemiia 23:29

Jihova ua ki tange, uixi: O maka mami manhi kasoko ni túbhia, kʼedi kala malatelu i sasujula ditadi?

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Malakiia 3:17

Jihova dia Ifuẋi, uixi: Ene a kà kala athu ami, mu kizuua kiná ki nga kà bhanga, ene a kà kala makembu mami ma kasuékele; Nga kà a kondeka ni ku a kuatela henda, kala tata kia kondeka monʼê uene ku mu tumaka jinga kiambote.

Malakiia 3:2

Maji nanhi ua kà kolokota bhu kizuua kia kuiza kuê? Mba nanhi ua kʼèmana-bhu kioso muene kia kà tukuluka? Mukonda muene ua kà kala mukuâ ni túbhia tua musudi-a-thumba; ua kà di fuangana kala nzabá ia musukudi.

Matesu 10:15

Kidi kiene ngi mi ambela, inda oxi ia Sodoma ni ia Ngomola a kà i lendukila mu kizuua kia kufundisa, mbongeʼ oio, kana!

Matesu 16:27

Mbata Monʼa Muthu ua kèza mu kijingu kia Tata iê, kumoxi ni ji-anju jê; Thembuʼoio, kala muthu, ua kà mu vutuila kioso kia tokala mu ikalakalu iê.

Luka 2:35

Eie muène hinu xibhata i ku tubula muẋima uémuène, phala mabanzelu ma miẋima iavulu ma tukuluke.

Loma 2:16

Kiene ue ki kia kà kala mu kizuua kia kà fundisa Nzambi ikutu ioso ia sueka athu, kua Jezú Kristu, kala ki ngambe mu Njimbu Iambote i ngene mù tula.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

I Kolindo 1:8

Muene uanda ku mi imika katé bhu bhuilu, phala ki mu kale ni kisemu mu kizuua kia Ngana ietu Jezú Kristu.

I Kolindo 3:12

Sai athu-phe a tungila-ku ulu ni phalata, ni madiiamande. Amukuâ a tungila-ku mixi, ni madianga, ni iangu.

I Kolindo 4:5

Uila kiki, kana kuêlesa muthu kiluua a bhixila bhu thembu iê. Kingenu o kufundisa kua kà suka-ku kia kéza Ngana. Muène uà kʼela iosueke mua vundu u i bheka bhua zele, ni ixinganeku iala mu miẋima ia athu u i tukulula. Kiene muthu ni muthu kia ka tambula kua Nzambi o diximanu diê dioso dia mu tokala.

II Timote 1:12

Mukonda dia kiki, kiene ki nga mu talela o jihadi josuʼiji. Maji ki ngala-phe ni jisonhi, kuma nga dielela, mukonda ngejiia ió uoso nga mu xikana, phata ia ngi-bhu, kuma muène ua soko-bhu o kubhaka kioso ki nga mu bhana kulûnda, katé bhu kizuuʼokio.

II Timote 1:18

Ngana a mu bhese o ku mu kuatela henda mu kizuua kiná. O ima ioso ue ia bhangele mu ku ngi kuatekesa mu Efezo, eiemuène uaʼijiia kiambote.

II Timote 3:9

Bhene bhezʼabha-phe, a suku, ka-nda kuia dingi dikanga! Kuma o uoua uâ uandù tukuluka ku athu oso, uila kia tukulukile ua Jane ni Jambele.

II Timote 4:8

Tundé kiki, kua ngi xikamena kiá kitundu kia kuiuka, Ngana, o Mufundixi uaiuka, ua kà ngi bhana-kiu bhu kizuua kiná; ki eme ngó a ngi bhana, maji ni ene oso kiá a zola o ku di mona mi Muène kià kèza.

Jihebeleu 10:25

Kana kufula ku di bhongolola jinga, uila amoxi ki ene kufula, maji tu di longesa mudietu. Uila kiki, tu di suinisienu mudietu, kota-kota dingi kioso ki mu mona o Kizuua kia Ngana kí zukama.

I Phetele 1:7

Malamba iá mu bhita na-u, ihi o ku mi lola o kuxikana kuenu, kuala kota mù kuta, o ulu ndenge, kuma ulu u di bota, sumbala a u lola mu tubhia, phala kibhua o ku mi lola, muà sanga o diximanu, ni fuma, ni ujitu, bhuoso bhua kà tukulukila Jezú Kristu.

I Phetele 4:12

Enu akuetu makambʼami a kazola, ki mu di uane o polova ia dikota ia-lù bhita muʼaxaxi kenu, ieza ku mi lola, ki mu ki fike kuma mua-lù bhita ni kisunji.

II Phetele 3:10

Maji kizuua kia Ngana-phe, hinu kʼiza kala kʼiza o muii. Mu kizuuʼokio o maulu ma kà jimuka ni mutendu ua dikota, ima ioso ia moneka ku mesu iala mu dimbinza, ia kà jokota ku tubhia. O oxi ni imbamba iê ioso iala-mu, ia kà jimuka.

II Phetele 3:7

O maulu kiki ala-ku, ni oxi-phe, mu kizuelu kiene kimoxi kia Nzambi, ia xikamena tubhia. A i bhake katé bhu Kizuua kia Kufundisa, kia kubuikisa athu abhumu.

Dijingunuinu 20:12

Anga ngi mona ue o madifundu, makota ni jindenge, emana bhu pholo ia kiandu. Anga a jikula madivulu, ni divulu dia mukuá a di jikula, diene o divulu dia muenhu. O madifundu anga a a fundisa o ima ioso iosonèke mu madivulu, hé a a bhana kioso kia tokala mu imbamba iâ ia bhanga jinga.