I Kolindo 3:12 - O Mikanda Ikola

¹² Sai athu-phe a tungila-ku ulu ni phalata, ni madiiamande. Amukuâ a tungila-ku mixi, ni madianga, ni iangu.

I Kolindo 3:12 ပူးပေါင်းရင်းမြစ်များ

Jisálamu 119:72

Ngonge i tunda mu kanu dié nga i mono kota mu kuta, o jisaku ja itadi ia ulu ni phalata, ndenge.

Jisálamu 19:10

Maka mê kota mu kuta, o ulu ndenge, né ulu uavulu ua fina; mu kutouala ue kota, o uiki ndenge, né uiki u zunzumuka ku kixila.

Makatukilu 5:12

Mukonda dia kiki mundu a muangenena mʼoxi ioso ia Ijitu mu sota iangu ia kuʼmbila jindobhi.

Jisabhu 16:16

Kota ku di longa o unjimu, dikue kufuna o ulu; o kudilonga ue kilunji kota, phalata ndenge.

Jisabhu 30:6

Ku bandekeze-phe kama ku maka mê, muene ua vula ku ku bazela, anga u ku mona u mukua makutu.

Jisabhu 8:10

Xikinenu ulongelu uami, ki mu xikine phalata; kuma o kuijiia kota, o ulu ua fina uòtungule, ndenge.

Izaía 60:17

Bhu kididi kia kobidi nga kèza ni ulu, bhu kididi kia felu eme nga kà bheka phalata, bhu kididi kia mabaia a miẋi ngôndo, bhu kididi kia matadi felu; jifixiiadi jé ngi ji bhangesa kukala akua-uembu, o atuminiʼé ngʼa bhanga akua kidi.

Jelemiia 23:28

Uoso polofeta uala ni nzoji, a tange o nzoji iene. O ió uoso uala ni maka mami momué, a zuele maka mami ni kidi. Kuma Jihova uixi: Ibhiate iala ni kima kiahi ni tiliku?

Jipoxolo 20:30

Ni mudienu muene, hinu mu moneka athu a tanga ima ia makutu, ia kutondalesa, hé a sunga jixibulu ku mbandu iâ.

Loma 16:17

Nga mi diondo-phe, jiphange, di langienu ni enʼió oso ala kubheka o makudimuanga ni kutondalesa akuâ mu kuxikana o ulongelu uâ uengi, ki uene u mua di longo enu. Enʼiá muenda ni ku a ebha.

I Kolindo 3:11

Kuma kana muthu u tena kuta dingi disesa diengi, kikale diene ngó diotule kiá kuala Nzambi, muene Jezú Kristu.

I Kolindo 3:13

Kala muthu, o utungilu uê ua kà di monekena mu kizuua kia Kristu. Mukonda o tubhia tua kizuuʼ ikio, tuene tuà kedikiza o ukalakelu ua muthu ni muthu; kuma o tubhia tuene tu lola o utungilu uê, mba ua kidifua kiahi.

II Kolindo 2:17

Kuma etu ki tua sokela ni athu avulu, a bhinga kuila kia tanga o Maka ma Nzambi ela kala ala ngo mu kuta uenji uâ uosouoso. Maji etu-phe Nzambi muene ua tu katula, kiene kia tu bhekela kuila mù tanga o Maka mê, ki tu zuela ni mangonha bhu mesu mê, kuma tu akalakadi a Kristu.

II Kolindo 4:2

Imbamba ioso-phe ia kubhanga ni kusueka ni ioio ia jisonhi, tua i dila hunji. Ki tu bhange kudimuka, o maka ma Nzambi ki tu a lungulule mu mangonha. Inda tu bhanga jinga ima ia fuama o kidi, kiene kia bhekela o ku tu tumbula kuala enhoso, bhu pholo ia Nzambi.

Kolose 2:8

Alukenu! Ki bhu kale muthu u mi tobhesa, anga u mi bhûnda kala kingûmba, ni uanji uê ni makutu, ua kaiela mu malunda ma ulongelu ua athu, ni mu jindonda ja mu ngongʼumu, o kua Kristu ki kiala-ku.

I Timote 6:3

Se bhu kala muthu u kuata kulonga ulongelu uengi, ka xikana o maka madisanze, maka ma Jezú Kristu, Ngana ietu, ni ulongelu uetu ua kuxila Nzambi,

II Timote 2:20

Mʼonzo ia dikota-phe ki mu kala ngó itutu ia ulu ni phalata, mu kala ue ni ia mixi ni ia mavu. O ii ia ujitu phala ngó ku i katula bhu ithangana ia tokala, o iamukua-phe iene ia izuua ioso.

II Timote 3:13

Maji athu aiibha-phe, akua makutu, jindunge jâ jiia ni ku di bandekeza, a nganala athu, maji ene uâ aia ni ku a nganala.

II Timote 3:7

Ahatu enhá andeka okulu ni ku di longa, maji nuka a tena kuijiia o kidi.

II Timote 4:3

Kuma kuanda kuiza thembu athu ka kà xikana dingi ulongelu uadisanze, mbé o kukaiela jihânji jâ jaiibha. Mokonda-phe dia kuzanzala mu matui, a kà lunjika ndumba dia jimesene ja vondadi iâ, jenda ni ku a tangela ioso ia solo ene kuivua.

Jihebeleu 13:9

Ki mu ehele ku mi sendumuna ku maulongelu mengi mʼeza-ku, ma vulu o matelu ni a mi katule mu njila ia kidi. Kima kia uabha o muẋima ku kuata kididi mu kiadi kia Nzambi, kana mu kutumaka ijila ia kutungula makudia. Kuma oso a tumaka o ijila ienʼiii, ka tena kubhanduluka-ku kima.

I Phetele 1:7

Malamba iá mu bhita na-u, ihi o ku mi lola o kuxikana kuenu, kuala kota mù kuta, o ulu ndenge, kuma ulu u di bota, sumbala a u lola mu tubhia, phala kibhua o ku mi lola, muà sanga o diximanu, ni fuma, ni ujitu, bhuoso bhua kà tukulukila Jezú Kristu.

Dijingunuinu 2:14

Sai-phe tuma tuofele tu nga ku êlesa; mukonda sai-ku amoxi-mu bhenhobho a kuata o ulongelu ua Balamu ua longesele Balaki kuta kidibhukanu bhu pholo ia anʼa Izalaiele, mu ku a longesa kuila a fuama kúdia jisata ja makudia ma satela itèka, ni kubhanga maundumbu.

Dijingunuinu 21:18

Kimbaka kiê a ki tungu ni tadi dia jaxipe, o mbanza iene ia ulu ua uabha kiavulu, mukuâ ni vídulu mu kuzela.

Dijingunuinu 3:18

Mu kiki, nga ku longesa kusumba kokuami, ulu ua bhiti mu túbhia, phala ni kidi kiene u kale u mvuama. U sumbe ue ni izuatu izela, mbé u di vunge, phala sonhi ki ji ku kuate ja tuẋi. Ni milôngo ia mesu, u di uaie mu mesu, nda u mone.