I Kolindo 3:10 - O Mikanda Ikola

¹⁰ Mu kukalakala ni kiadi kia Nzambi, kioso kia ngi bhana, kuma ngi mutungi a hete, eme nga te disesa bhoxi, o mukuetu iú ua tungu ku thandu diê. Uoso-phe muthu u tunga, a di lange o utungilu uê.

I Kolindo 3:10 ပူးပေါင်းရင်းမြစ်များ

II Malunda 2:12

Anga Hilamu uamba dingi, uixi: A tane-ku! Jihova Nzambi ia Izalaiele! Ua bhaanga o diulu ni ixi; Muene ua bhana kua Davidi mona uejiia; njimu iònene, ua xitunuka kiavulu mu thulu, a tunge inzu phala Jihova ni inzu ia utuminu uê muene-muène.

Makatukilu 36:4

Jihete jala mu kalakala ufunu uoso ua dibhezelu, anga a tunda ku sedikvisu iâ.

Jisabhu 12:8

Muthu kioso kia soko o unjimu uê, kiene ue kia ká mu tumbula; maji o semenhi ia muẋima-phe, athu oso a mu sebulula.

Jisabhu 9:1

Unjimu uatungu kiá onzo iê, iambata sambuadi dia ngunji.

Ndongixi 12:9

O ndongixi iú, mu kuijiia kinéne, ua longesa ue kuijiia kua vulu dingi ku athu; ua talesa iú ua tongolola, iú ua soneka jisabhu ja vulu.

Daniiele 12:3

Oso a dimukine mu kuenda kuâ, a kà lekujuka kala ki benha o muanha ua diulu, oso a longa jinga o mundu ku sota ni kukaiela o kulunga, à kà benha mukuâ ni jithéthembua katé ku hádia ni hádia.

Zakadiia 4:9

O maku a Zolobabele ene a te disesa dia inzu iii, makuʼê ene ue a-nda ku i zubhidisa, phala enu mu kʼijiie kuila Jihova dia Ilombo Ieta muêne-muene ua ngi tumu kokuenu.

Matesu 24:45

Nanhi-phe selevendeʼoio ia fiiele, ia dimuka, ngana iê ua mu lekela kutambula konda ia dibhata diê, ku a uanena kúdia kuâ mu ola joso ja tokala?

Matesu 7:24

Uoso-phe uívua o maka mamiʼ ama, anga u ma bhanga, muène u difangana ni njimu ia tungile o inzu iê bhu ndànji.

Luka 11:35

Alukenu-phe phala o kumuika ku muala-na-ku moxi, ki ku kale kitombe.

Luka 21:8

Muène anga ua ambela, uixi: Alukenu, ka mi jimbidise. Mukonda a vulu a-ndu kuiza mu dijina diami, exi: Ememuène ngi Kristu, mba exi: Thembu ia zukama kiá. Enu kana-phe ku a kaiela!

Jipoxolo 18:27

O kioso Apolo kia mesena kuzauka ku Akaia, jiphange mu Efezo ja mu kuatekesa, anga a sonekena jixibulu koko phala ku mu tambulula. Muene kia bhixila koko, ua a kuatekesa kiavulu oso a xikana mu kiadi kia Nzambi.

Loma 1:5

O kua Muène kuene Nzambi kua ngi bhela o ujitu ua kukala Poxolo mu kikalakalu kia Kristu mbé kutumakesa o kixikanu ku mundu ua akua jixi joso, mukonda dia dijina diê.

Loma 12:3

Mu kukumbidila o kiadi kia ngi bhana Nzambi mu ujitu uê, ngʼ ambela kala muthu mudienu, kuila: Muthu ka di fike ima ia mu tundu. Maji a banze ni ku di tululula katé ua di fika ia kubatâma. Kienʼ iki kala muthu a di banze kiasoko mu kixikanu kioso kia mu bhana Nzambi.

Loma 15:15

Mu ku mi sonekena-phe o mukanda iú, bhuala ni bhabha ngedi kala nga-bhu uôma mu ku mi ambela makʼ amoxi-mu, u nga mesena o ku mi lembalesa. Nga-bhu uôma mukonda dia kiadi kia ngi bhana Nzambi,

Loma 15:20

Nga solo muene kukola o Njimbu Iambote, ku ididi kuoso kiluua evua-ku o dijina dia Kristu, phala ki ngile kala ngala kutungila ku disesa dia tele muthu uengi.

I Kolindo 3:11

Kuma kana muthu u tena kuta dingi disesa diengi, kikale diene ngó diotule kiá kuala Nzambi, muene Jezú Kristu.

I Kolindo 9:2

Né-mbe athu engi ki ngi kala Poxolo iâ, enu ki ngi kambe kukala ngi Poxolo ienu! Kuma enu muala mu kidimbu kiami kia upoxolo, mukonda dia muenhu uenu u muala na-u mua Ngana.

II Kolindo 10:15

Uila kiki, ki tua mu di thathela ku ikalakalu ia bhange akuetu mu ididi iala mu jimbambe ja a bhana Nzambi. Maji tua dielela kuma o kuxikana kuenu ku kula dingi. Phala tu tene kubhanga kikalakalu kia beta kota muʼaxaxe kenu, mu jimbambe jene ja tu xindila Nzambi.

Efezo 2:20

Enu muedi kala mu inzo iotunge. Mua tunguiua ku thandu dia disesa dia te o Jipoxolo ni Jipolofeta. O Kristu Jezú muene o ditadi dia dikota dia kuatesa bhu thungi ku inzu ienʼ iii.

Kolose 1:29

O mu kuzubha kibatuʼiki, kiene ki nga kuata mu kuxikana o nguzu ia Nzambi, ua fukukukalakela, nga bângama ni nguzu ia muène Kristu ua mu ngi suinisa moxi.

Kolose 4:17

Ambelenu Arkipo, muixi: Xinganeka ungunza ué u ua tambula kua Ngana, u u kumbidile.

I Tesalonika 3:2

Hé tu kana kuxala ubheka uetu mu Atena. Anga tu katula phangʼ ietu Timote, ngunza ia Nzambi, mukalakadi ni mukuetu mu kutula o Njimbu Iambote ia Kristu, tua mu tumu phala ku mi suinisa mu kuxikana kuenu,

I Timote 4:16

Di lange eie-muène, ni ulongelu ué. Kuata muanu mu ima ienhiʼii; kuma mu kubhanga kiki, ua-nda kuila ni eiemuène u bhuluka, ni ene ue a bhuluka oso a kuivua.

II Timote 2:15

Kala ni muanu ua ku dʼidikiza kua Nzambi u muthu a ku lola, a ku mono kuiuka; u mukalakadi kua bhange kima kia tena ku ku kuatesa jisonhi; u mukua kulonga kiambote o maka ma kidi.

Tiiaku 3:1

Enu phange jami, athu mudienu ka vudile ku di bhanga jimesene ja kulonga maka mu Ngeleja, kuma mua kʼijiia kuila etu, tua mu longa o maka, hinu tua kà kala kota mu kuêla athu oso ndenge, hàdia kia kà tu fundisa.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.

II Phetele 3:15

Mu lembalale jinga kuma o kuxididika kua Ngana kuene kua mi bhana kithangana kia kubhuluka. Uila Phaulu, phange ietu tua mu zola, kia mi sonekena ni unjimu uê ua mu bhana Nzambi ku maka enʼiá.

Dijingunuinu 21:14

O mbanza, kimbaka kie kiò tunge ku disèsa dia kuinhi dia ditadi ni kiiadi, o ku matadi anga a soneka-ku o kuinhi dia majina ni kiiadi a jipoxolo ja Kambudi.

Dijingunuinu 21:19

O matadi a disèsa dia kimbaka kia mbanza, a ma kembesa ni madiiamande a idifua ioso. O tadi dia dianga dia disèsa, jáxipe; dia kaiadi safidia, dia katatu kaiesedénia dia kauana zemelada,