I Kolindo 2:7 - O Mikanda Ikola

⁷ Tu tanga-phe unjimu ua Nzambi mu kijinganu, unjimu ki u monekene mʼ ukulu, Nzambi-phe tunde xàhulu ua tu kanena-u, mu ku bhana fuma, kioso o ngongo kiluua ngó a i bhanga.

I Kolindo 2:7 ပူးပေါင်းရင်းမြစ်များ

Jisálamu 78:2

Ngi jikula dikanu mu kuata kifika; ngi tanga nongonongo jami ja imbamba ia xahulu.

Matesu 11:25

Kumbi dienhódio Jezú anga u kumbulula, uixi: Nga ku ximana Tata, Ngana ia diulu ni oxi, mukonda imʼ iii ua i sueka, jinjimu ni adimuka ka i mono, maji ua idikiza anandenge.

Matesu 13:35

phala ni ki bhite kia tangele polofeta, uixi: Dikanu diami ngi di jikuila mu ifika, ngi tanga ima iósueke tunde ku dimatekenu dia ixi.

Loma 11:25

Uila kiki, ki ngi mesena jiphange, kuila mu kamba kuijiia o kijingano kiki, mba mu kala mu jinjimu ja ku di metena: mukonda o kuxita mu thulu kua kuata Izalaiele, ki kuanda kujiza, maji katé ngó kia kà bokona muvimba ua dialuilu dia akua jixi jengi, ió oso ki Jijudé, ki eza kua Nzambi.

Loma 8:29

Kuma oso Nzambi a diangele ku ejiia, ua a tungula ukulu, phala a kituke mu kidifua kia Monʼ ê. Muène ua bange kieniiki phala o Mona nʼ a kale thungunu mu jiphange javulu.

Loma 8:30

Kala kiki, Nzambi oso ua a tungula ukulu, uedi ue ni ku a exana. O oso ua exana, uedi ni ku a lungisa, iú ua a xikina. Muène-phe ka a xikina ngó, maji ua a bhana ue kukala ni mbandu ku fuma iê.

I Kolindo 2:1

Eme-phe, jiphange jami, thembu i nga mi sangediʼ oio, mu ku mi kolela o kidi kia kasuekele kia Nzambi, vulu, mba unjimu uònene.

Efezo 1:4

Nzambi ua tu sola mua muène tunde mʼ ukulu munhá, kioso oxi kiluua i kala ni dimatekenu diê, phala tu kale tu athu azele, sé ngó isenga bhu pholo ia muène. Mukonda dia henda iê ia tu kuatela.

Efezo 3:10

Phala o kiki, atumini ni a-kutende ku ididi ia diulu a ki muena ku Ngeleja, kioso ki enda o unjimu ua Nzambi ua vula matelu.

II Timote 1:9

Kuma muène ua tu bhulula, iú ua tu ixana ni kixanu kikôla, phala, tu kale tu mundu uê. O kiki ki kia kaiela mu imbamba i tu bhanga etu, maji kia kaiela mu kikanenu kiê-Muène, ni mu kiadi kiê. Muène o kiadi kiki ua tu muesa-kiu mua Kristu Jezú, tundé xahulu, ku dimatekenu.

Jihebeleu 1:2

Maji kunu kua suku o izuua, ua tu zuelela kua Monʼê. O mua Monʼê, Nzambi muène mua bhangela o ima ioso iene mu ngongo.

Jihebeleu 11:3

Tua kʼ ijidila mu kuxikana, kuila o ngongo ia di bhangele mu kizuelu kia Nzambi, o imbamba ia moneka, ia tomboka mu íii ia kambe kumoneka ku mesu.

I Phetele 1:11

Ene a bhindamenene kuijiia mba thembuʼ oio i bhixila kithangana kuẋi, ni kuiza kuê mba kubhita kiebhi. O Nzumbi ia Kristu ia kexile moxi diâ, ia edikisa jinga o thembuʼiii, ki ia tuamene ku a ejidisa o jiphaxi janda kubhita na-ju Kristu, ni jimbote joso janda kukaiela-ku.

I Phetele 5:1

Kiki-phe adikime mudienu nga a longesa, ngi muadikime ua Ngeleja ni mukuâ. Kuma ngi mbangi ia jiphaxi ja Kristu, ngi muthu nga tokala ue mu fuma ia kà tukuluka.

I Phetele 5:10

O Nzambi-phe ia kiadi kioso, ua mʼixana mua Kristu ku fuma iê ia kalelà-ku, ki mua kà zubha kathangana ka kutala hadi, muène-muene u mi tenesa, u mi kuatesa, u mi suinisa.

II Phetele 1:3

Kuma o kutena kua Nzambi kua tu bhana o ima ioso i tua bhindamena, phala tu kale ni muenhu, ni uendelu uambote; a tu bhana-iu mu ku dʼijiia ni muène, ió ua tu ixana phala tu kale ni mbandu ku fuma iê ni mbote iê.

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.