I Kolindo 2:4 - O Mikanda Ikola

⁴ O kuzuela mu kulonga kuami-phe, ni njimbu iami i nga boka jinga, ki kua kexile kua maka ma kaiela mu unjimu ua uzuelelu ua athu, maji kua kexile kua maka ma kaiela mu unjimu ua uzuelelu mu uijidisu ni nguzu ia Nzumbi ia Nzambi.

I Kolindo 2:4 ပူးပေါင်းရင်းမြစ်များ

Jisabhu 20:19

Mukua kabódio u tungununa o kikutu; kienhiki-phe, eie dimuka, kana du di nhenga ni akua kuzela kiavulu.

Jisabhu 7:21

Ua mu bhombo muene kienhiki ni ʼkumba dia maka, ua mu sèndula ni mizumbu iê katé kia mu tolola.

Jelemiia 20:10

Mukonda nga mu kuívua ki ala kulongolola o mundu, o ku mbandu joso ku kuata uoma, exi: Tu ambelienu-kiu etu tua kà mu tungunune; katé ni iá u nga di bhana-nâ ala ku kinga o kubhendujuka kuami, exi sumba u kala ni bhua tolokela; bhene-phe kiá bhu tua-nda ku mu kuatela, tu mu bhuile mabhukubhuku.

Izekiiele 13:6

Ala mu kumona kingoho ni kuzambula makutu, oso a mu zuela, kuila: Ngana uixi: mbebhu Ngana ki muene ua a tumikisa; anga a bhangesa athu ku kinga kuila o kizuelu kia tange ki bhite.

Jipoxolo 20:27

Kuma ki nga fulu ku mi jimbuila o mutendelu uoso ua Nzambi.

Jipoxolo 26:28

Bheniobho Ngilipa anga uambela Phaulu, uixi: Kindalʼ iki u ngi bhomba kiá kukala Kidistá?

Loma 15:13

O kiki Nzambi mukua ku tu bhana o kudielela, a mʼ izalese ni ngalasa ni paze, mu kuxikana ku mua mu xikana Muène, phala o kudielela kuenu kuende ni kukula dingi mu nguzu ia Nzumbi Ikôla.

Loma 15:19

mu nguzu ia isumua ni madiuanu ni mu nguzu ia Nzumbi ia Nzambi. Mu kieniiki tunde mu Jeluzaleme ni mu jimbandu jê, katé ku Ilidiko, nga bhiti-ku ni kukola o Njimbu Iambote ia Kristu.

Loma 16:18

Kuma enhá, a kala kiki, kene kubhikila Kristu, Ngana ietu, maji a bhikila ngó o jihanji jâ ene. O mu kuzuela kuâ kuambote, kuatouala, ene mu kubhomba miẋima ia athu kiluua a ejiia.

I Kolindo 1:17

Kuma Kristu ka ngi tumikisa mu kubatizala. Maji muène ua ngi tumu kukola o Njimbu iê Iambote, kana ku i kola ni kuzuela kua unjimu ua athu, mbebhu o dikulusu dia Kristu phala ki di biluke dia ngoho.

I Kolindo 2:1

Eme-phe, jiphange jami, thembu i nga mi sangediʼ oio, mu ku mi kolela o kidi kia kasuekele kia Nzambi, vulu, mba unjimu uònene.

I Kolindo 2:13

Iene kiá o ima i tuene mú tanga, kana ni maka ma longesa o unjimu ua muthu, maji ni maka ma tu longesa o Nzumbi ia Nzambi. Kienʼ iki ima ia kidi ia tokala o nzumbi tu i lombolola ni maka ma nzumbi, kua ió ala mu nzumbi.

I Kolindo 4:20

Kuma o Utuminu ua Nzambi ki uende ni kuzuela, maji ni nguzu.

II Kolindo 6:6

O mu kuzela kuetu, ni kuijiia, ni mu kuxididika, ni mu kulenduka kuetu ku tuala na-ku, tu edikiza kuma tuala tu jingunza ja Nzambi. Imʼiii tua idikizila mua Nzumbi Ikôla, ni mu henda ietu ia kambe ku di bhangesa,

Ngalásia 1:10

Manhi ki ngalʼ iki, ngalù sota ngó kukala mu ujitu ua athu? Lémbua! Kuma o ki nga solo eme, o ujitu ua Nzambi! Mbé kifua ngalù sota ngó kuuabhela athu? Se nga kexile mù uabhela ngó athu, ki ngejù kala dingi ngi selevende ia Kristu.

Kolose 2:4

Nga zuela kiki, phala kana muthu a mi jimbidise mu kuzuela kuê kua kubhomba, né-mbe mua mu mono muene uala muthu uambote.

I Tesalonika 1:5

Kuma o Njimbu Iambote ki tu mi tudila-iu mu kuzuela ngó, maji ni nguzu, ni Nzumbi Ikôla, ni kujimbuluka kuila ia kidi. Enʼuenu mua kʼijiia, se tua kexile tu athu ahi mu ʼaxaxe kenu, mukonda dia mbote ienu-enu.

I Phetele 1:12

Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.

II Phetele 1:16

Kuma etu ki tua kaiela misoso iofunhe ni ndunge ja muthu uoso-uoso, kioso ki tua mi tudila o Njimbu ia unéne ni kuiza kua Ngana ietu, Jezú Kristu. Maji etu tuala tu jimbangi, kuma o unéne uê tua di muena-u ni mesuʼetu!

II Phetele 2:18

Kuma ene a tanga maka ma ku di kaka, a zuela izala ioso, o mu hânji jâ ja xitu ni mu ufusa, a bhomba athu ió oso ambe kiá kubhuluka mu akuâ a nanga mu kutondala.

Afundixi 14:15

Kutula mu kizúua kia mukuá, ambela muhatuʼa Sansau, exi: Muadi uê mu bhombe a ku lomboluele nongonongo iê; o ki u kamba ku ki bhanga, ni eie muene ni dibhata dioso dia tatʼenu, tu di ta mu túbhia. Kifua kiene manhi ki mua tu ixanena-bhu, phala ku tu tambula o izuatu ietu, kuambe?

Afundixi 16:5

Jisobha ja akua Fidíxia anga jiza ku muhatu muenhú, exi: Mu bhombe katé ki u kʼijiia kioso kia mu bhana o nguzu iê iavulu, mba tu mu bhanga kiebhi mu ku mu tolola, ni ku mu kuta phala ku mu talesa hanji hadi; hé u ki bhanga, tu ku bhana kala muthu midi ni hama ia itadi ia phalata.