I Kolindo 2:3 - O Mikanda Ikola

³ Kienhokio, ki ngele ku mi kunda, anga ngi kala mu ʼaxaxe kenu, nga kexi ni nduezu, hé ngi kala mu kuteketa ni uôma uavulu.

I Kolindo 2:3 ပူးပေါင်းရင်းမြစ်များ

Izaía 19:16

Mu thembu iná akua-Ijitu à kala mukuâ ni ahatu, a kà ueua, a kà teketa mukonda dia lukuaku lua Jihova dia Ilômbo Ieta, mu ku a huha ene.

Jipoxolo 17:1

Kiki ki a bhitakena mu Amfipole, ni mu Apolonia, a bhixila mu Tesalonika hé a sanga muala dilombe dia Jijudé.

Jipoxolo 18:1

Kia bhiti imʼ iii, Phaulu ua tundu mu Atena, hé u bhixila mu Korindo.

Jipoxolo 18:12

Kia kala-phe Ngalio nguvulu ia Akasia, Jijudé ji balukila Phaulu kumoxi, anga a mu bheka katé bhu kibhuna kia milonga,

Jipoxolo 18:6

Ene-phe a lungulukila Phaulu, hé a ẋinuka ni ku mu xinga. Muène anga ua a kukumuina izuatu iê, uixi: Enu se mu texika, o manhinga menu ma kala ku thandu dienu! Eme nga zele, tunde kiki ngi di lunga kiá ni akua matumbu.

II Kolindo 10:1

Kiki eme muène, ngi Phaulu, ngene mu kuila ngixi ngi mulenduki, ngi mutululuki ki ngi kala bhu mbandu ienu, maji ngi muẋinuki ki ngi kala dikanga, nga mi bhingi phe kiki: Nga mi bhingi mu kulenduka ni henda ia Kristu, kuila,

II Kolindo 10:10

Iâ amba exi: O mikanda ia Phaulu ia neme, ia nguzu. Maji o kia kala ni etu mukua uôma, o maka mé ma kuata usudi.

II Kolindo 13:4

Sumbala muène a mu tele ku dikulusu mu kikexilu kia kubhuila, maji iú-uê ku muenhu mu nguzu ia Nzambi. Etu uetu tua bhuila mua muène, maji muandù mona kuma tuala ku muenhu ni Muène mu nguzu ia Nzambi phala ku mi kuatesa enu.

II Kolindo 13:9

Kiene ki tu sangulukila, kioso etu ki tuila kala tua bhuila, enu anga mu kala ni nguzu. Kiene kiá ki tuene ku mi sambela phala enu mu tenene.

II Kolindo 4:1

Mukonda ia kiki, etu ki tu kala ni usudi, kuma o Nzambi, mu henda iê, muène ua tu bhana o kikalakaluʼiki.

II Kolindo 4:16

Mukonda dia kiki, ki tu kuata usudi. Né-mbe o mukutu uetu iú ua bhoxi uia ni kujila, mukutu uetu ua nzumbi-phe uia ni kukala dingi ua ubhe kizuua ni kizuua.

II Kolindo 6:4

Inda-phe tu idikiza mu ima ioso kuila tuala tu jingunza ja Nzambi, mu ʼkolokota kiavulu ni muanu uoso mu jihadi, mu makubhindama ni mu jiphaxi.

II Kolindo 7:15

Ni muène ue henda ia mu vulu dingi kia mi lembalala o kutumaka kuenu enu oso, ni kioso ki mua mu tambulula ni ujitu, ni kuditolesa.

II Kolindo 7:5

Mukonda tunde ki tua bhixidile ku Masedonia, xitu ietu ki ia tenene kubatama. Mu ididi ioso hadi ia tu kondele ku mbandu ni mbandu, jimvunda ni akuetu, ni uôma moxi ku miẋima ietu.

Efezo 6:5

Enu abhika, tumakenu ió oso ala jingana jenu mu xitu, ni uôma, ni kuteketa. Ima ioso mu i bhanga ni ufiiele ua muẋima, kala Kristu muala ku mu bhikila.